Suldaan Cabdi Risaaq Suldaan Cabdiraxmaan oo bari dalka ku soo laabanaya
suldaanka guud ee beesha Subeer Awal ooka soo kicitamaya dalka Imaaraadka carabta oo uu muddo ku sugnaa
suldaanka guud ee beelaha subeer awal Suldaan Cabdi Risaq Suldaan Cabdi laahi Suldaan Cabdi Raxmaan ayaa maalinta isniinta dalka dib ugu soo laabanaya .
Suldanku waxaa uu ka soo kicitimayaa dalka imaaraadka carabta oo uu ku sugnaa mudo labaatan sano ah, oo ku beegan markii loo caleemo saaray taajka saldada guud ee beelaha Subeer Awal 1988kii, oo aabihii ku geeriyooday magaalada Muqdisho .
Suldaanka oo intii ka danbeysay caleemo saarkiisa imaaraadka ugu maqnaa waxbarasho waxaa xilka boqortooyada hore ugu sii hayay alle ha u naxariistee awoowgii suldan Saxardiid Suldaan Diiriye oo geeriyooday 1996kii .
Kadibna waxaa xilkii markale qabtay alle ha u naxariistee awowgii Suldaan Maxamed Suldaan Diiriye oo todobaadkan ku geeriyooday Manhal Hospital Hargeysa .
Waana sababta keentay inuu Suldaan Cabdirisaq ku soo laabto dalka hadaba, ayadoo dadweynaha ku dhaqan caasimada iyo gobolka saaxilba laga wado abaabul ku saabsan soo dhaweynta ama sidii loogaga hortagi lahaa madaarka Berbera, oo uu ka soo degayo Bari oo isniina 10:00 subaxnimo waxaa uu duhurnimada uga soo gudbi doonaa dhinaca caasimada Somaliland ee Hargeysa.
Gabileynews desk
Hargeysa
