aflada heersare ah oo ay maanta shirkada Hormuud xarunteeda Kismaayo ku qabatay Hotel Hared ee Magaalada Kismayo ayay ku soo bandhigtay adeegyada ay shirkada u qabato shacabka soomaaliyeed ee ku dhaqan gobollada Jubooyinka.
Maamulaha guud ee shirkada hormuud Kismaayo C/laahi Xaashi oo halkaasi ka soo jeediyay qudbad ku saabsan waxqabadka shirkada Hormuud ayaa ballan qaaday in shirkadu ay dhawaan soo wado Adeega GPRS ee loo isticmaalo internetka kaa oo uu sheegay in ay diyaariyeen dhawaanna ay filayaan in ay fasaxaan isticmaalkiisa.
Goobta ay xaflada ka dhaceysay ayaa waxa ku sugnaa qeybaha kala duwan ee bulshada sida, Ganacsatada, Madaxda waxbarashada, Odoyaal dhaqameedyo iyo masuuliyiin ka socday wilaayada islaamiga ah ee Degmada Kismaayo.
Sheekh Axmed Sheekh Cali (Axmed Waawareey) oo ku hadlayay magaca culumaa’udiinka degmada Kismaayo ayaa ku dheeraaday waxtarka adeega Zaad ee shirkada Hormuud, kaa oo uu ku amaanay in uu fududeeyay howlo badan oo dhib loo mari jiray.
Sidoo kale waxaa halkaasi ka hadlay ganacsato, odoyaal dhaqameedyo iyo Masuuliyiinta katirsan wilaayada islaamiga ah ee degmada Kismaayo, waxaana ay dhamaantoodba ay siweyn u amaaneen adeega shirkada hormuud ay u fuliso shacabka ku dhaqan gobollada Jubooyinka.
