Dr Galaydh: Dagaalku wuxuu la istaagay kooxaha wax iska caab

[Hiiraan boy]

Dr Galaydh: Dagaalku wuxuu la istaagay kooxaha wax iska caabinta oo qaabka wax ka bedelay
Posted to the Web Apr 30, 13:06

Aayaha.com, Isniin, 30 April 2007 - Dr Cali Khaliif Galaydh oo horey u soo qaabtay xaafiiska Ra`iisulwasaaraha Soomaaliya ayaa wareysi uu siiyey Teleefinska Aljazeera barnaamijkiisa Muntasiful-yowm waxaa uu ku sheegay in dagaalka Muqdisho ee istaagay aysan macnaheeda aheyn muqaawamadii ayaa dhamaatay, wuxuuna ku tilmaamay dagaalka mid ay kooxihii muqaawadu u joojiyeen sababo la xiriira ayagoo doonaya inay qaabkii dagaalku ku socdey wax ka badalaan lana yimaadaan tab cusub.

Dr Cali Khaliif ayaa ku sheegay in kooxaha Muqaawamadu ay ka shaqeynayaan istiraatijiyad ka duwan midii ay hadda ku dagaalamayeen kana wax tar badan oo ay ku xanuujinayaan cadowgoooda, asagoo meesha ka saaray in muqaawamadu ku eg tahay Muqidisho oo kaliya, hase ahaatee wuxuu ku sheegay wax iska caaibta looga soo horjeedo joogi taanka Itooobiya inay tahay mid gobolo iyo deegano badan gaarsiisan siina socon doonta inta ay joogaan ciidamada Itoobiya gudaha Soomaaliya.

Haddalkaan kasoo yeeray siyaasiga Dr Cali Khaliif oo ka mid ah siyaasiyiinta Soomaaliyeed ee sida weyn uga soo horjeeda ciidamada Itoobiya ee xoogga ku haysta Soomaaliya, ayaa waxaa qaba dad badan oo xog-ogaal u ah sababihii ay kooxihii Muqaawamadu ujoojiyeen dagaalka, waxama soo baxaya warar tibaaxaya in kooxihii wax iska caabinta ee xaq u dirirku ay mar dhaw bilaabi doon nooc dagaal oo ka duwan midkii dhawaanahan socdey.

Ayaaha.com