     A,HAWAR | Unrecorded Date
WALAALAYAAL:
WAXAAN MARKA U HORAYSA IDINKU DUL AKHRINAYAA SALAANTA ALLE WEYNE DHEXDEENA INOOGA RAALI NOQDAY (ASSALAAMU CALAYKUM WARAXMATULLAAHI WABARAKAATUHU).
WALAALAHAYGA ISLAAMKA AHOOW ANIGA OO KU HADLAYA MAGAGA MACALIMIINTA DUGSIYADA QUR'AANKA WAXAAN HALKAN DARDAARAN UGA SOO GUDBINAYNAA DHAMAAN WAALIDIINTA [AABE KASTA, HOOYO KASTA IYO DHAMAAN MAS'UULIYIINTA CARUURTA GACANTA KU HAYA OO DHAN] INAYNU IS WEYDAARSANO KAWADA SHAQAYNTA DARYEELKA, XANAANAYNTA IYO TARBIYADA UBADKEENA.
WALAALAYAAL WAXAAN HALKAN KUSOO GUDBIN AMA BANDHIGI DOONAA MAWDUUC AAN U BIXIYEY (BAROOR DIIQDII MACALINKA), KADIB MARKAAN ARAGNAY IN LOO BAAHAN YAHAY HAB AMA QAAB CUSUB OO WAXBARASHAAD OO WAX YAR KA DUWAN KII MARKAAN SOOMAALIYA IYO DUNIDA MUSLIMKA JOOGNEY, MAXAA YEELAY WAX BADAN BAA IS BEDELAY HADAAN LAGU TALO GELINNA WAXAA DHICI DOONA (HAL BACAAD LAGU LISAY) WAAYO ARDAYGII MACALIMIIN CUSUB OO FARA BADAN BUU YEESHAY.
BAROOR DIIQDII MACALINKA:
WALAALAHAYGA QADARINTA MUDANOOW WAXA AAN KU TILMAAMI LAHAA BULSHADEEN MUSLIMKA AH EE KU SOO URURTAY MEESHAN DHALAN ROGU UU KA SOCDO UBADKANA LAGA SOO BUUXIYEY IN CARUURTAASI LA MID YIHIIN (QOF AAN DABAAL AQOON OO BADWEYN LAGU DHEX TUURAY), WAXAA INAGA MID AH MID MARKUU ARKAY ILMIHIISII OO HAFANAYA HADBA DHINAC U ROORAY SI UU U BADBAADIYO IYO MID FARAHA KA QAADAY.
MARKA CARUURTA YAAN LABO GODOBOOD LAGA GELIN KOLEY MID HORE BAYNU UGA GALAYE TAASOO AH INAYNU DHEX KEENAY HIR AYSAN KA DABAALAN KARIN, YAANSE LOOGU DARIN GODOB LABAAD TAASOO AH INLAGU DAAYO HIRKAAS OO AH IN LA HABAARO MARKAY XUMAAN KU DHACAAN, MAXAAD U HABAARI ADAA KEENAY E, INAAN LOOGU DUCAYN IN ALLE XAFIDO XUMAHANA KA ILAALIYO, HADDAY XUMAADAANA ALLE SOO HANUUNIYO, HAKA ILAAWINA CARUURTA DUCADA WAALIDKA OO MUSTAJAABA AH AMA ALLE AQBALO, IYO IN DIINTOODA LA BARI WAAYO.
WAXAAN INTAAS KU SOO GAABIN DOONAA HORDHICII MAWDUUCEENA (GEEDKA YARAAN BAA LAGU TOOSIN KARAA EE HADUU QALOOC KU WEYNAADO INUU WAX KU TARO DAAYOO GURIGA BUU KAA DUMIYAA).
WALAALIHIIN BAHDA
MIDNIMO |
