Unrecorded Date Dad badan ayaa waxay caadeysteen in gacanta la isku salaamo iyadoo lakala yahay rag & dumar ajnabi kala ah. Walaalayaal ma banaano gacan qaadka noocaas oo kale ah. Xadiis uu wariyay Bukhaari Caa'isha (RA) waxay leedahay "Maya Allaah ayaan ku dhaartaye ma taaban gacanta nebiga gacan dumareed hada ka hor ". Sidoo kale Umaymatu bintu Daqiiqah waxay warisay inay Nebiga(S.C.W)u timid oo ay damacday inay gacan qaado laakiin Nebigu (S.C.W) wuxuu ku yiri "Anigu ma gacan qaado dumarka". Qofkii gacan qaadaa haweenay ajnabi ka ah waxaa loo yaboohay cadaab aad u adag Nebigu (S.C.W) wuxuu yiri "In midkiin madaxa looga mudo mudac ka sameysan bir ayaa uga wanaagsan inuu taabto haweenay aan u banaaneyn (uu gayo)".
Sheekh Albaani isagoo sharxaya xadiiska wuxuu yiri "Xadiisku wuxuu tilmaamay cadaab adag inuu la kulmaayo qofkii taabta haweenay aan u banaaneyn wuxuu kaloo daliil u yahay inay xaraam tahay in la gacan qaado haweenay ajnabi kaa ah. Waa arin dad badan lagu imtixaanay waqtiga maanta aan joogno iyadoo qaarkood ay wadaadnimo sheeganaayaan"
Walaalayaal yaan la fududaysan arintaas sababtoo ah waa xaaraan waana inaan ku dayanaa Nebigeena (S.C.W).