CABDULLAH | Monday, September 11, 2000 - 06:27 am Assalaamu Calaykum Waxay dhibaato daran ka jirtaa heerka aan joogno maanta iyo dareen la'aanta naga heysato qatarta inagu soo food leh!. Waxaynu nahay ummad midda ugu kheyrka badan ee la soo saaray marka loo eego ummadaha oo dhan. Goormee?!. Jawaabta: markaan wanaaga iyo samafalka farno isla markaana reebno xumaanta. Qof walba oo Muslim wanaagsan ah wuu jecel yahay wanaaga, laakin dhibaatada waxay ka jirtaa sideen u sameeyaa iyo maxaan sameeyaa?!. Waxaan halkan ku xusayaa tusaalooyin qeyb weyn ka qaadan kara u wacyi celinta Ummada, Allaha inagu anfaco. Gabar da'yar oo qaawan laakin dhar sidata, sida surwaal ciriiri ah,timaha u furan yihiin, goonka jartay,bushimaha xamuurad u marsan tahay, cadar daran ka soo go'ayo oo hor socoto Hooyadeeda!. Hooyada waa da' weyn tahay, si daran ayay u xijaaban tahay tin iyo cirib,waxay gacanta ku wadataa tusbax yar oo ay dhikrullaah ku celcelineyso inta ay wadada socoto. marna indhaheeda kor ma u qaadeyso inay ka leexato qof soo socda ama wadada wax yaala mooyee!. MA YAABTAY?! HA YAABIN WAXA AAN TUSAALE U SOO WADO AYAA KA DARAN EE LA SOCO QEYBTA DAMBE. |