This section is online for reference only. No new content will be added. no deletion either...
Go to Current Forums ...with millions of posts
Saturday, January 13, 2001 - 08:46 am bahda karanle iyo ceel buur aan camirno xag walba.
| |
Monday, January 15, 2001 - 01:59 am Saaxiib waad ku mahadsantahay howsha aad inoo billowday waligoodba Reer-Ceelbuur waa lagu yiqiinnay inay goobaha ay ku kulmaan cammiraan waxaanse dhamaan walaalaha Karanle (Murusade) ka codsanayaa inay iisoo gudbiyaan Magaca Abwaankii Karanle ee gabaygaan tiriyey Gabay Nimanyahow guddoon gabay beryahan waan ka gaabsadaye, garankeyga waa taan ka jaray gocashadeydiiye xalaybaan gigtaan iri hurdada wax igu gaareene halkaan uga gol leeyahayna waan idin garwaaqsiine waxa guurka ii yaalla waan soo geddinayaaye gablan weeye geel kuu dhaloon godol ka maaleynin gablan weeye guga oo da,oon gooshin bixineynin gablan weeye gabadhaa qabto oon gogosha kuu qaadin gablan weeye gibinaad dhashoon guulba curineynin gablan weeye geediyo nimuu gebi ku soo haaday gablan weeye gaammigan yaxaas ruux gabraarsadaye gablan weeye Gooshiyo ninkuu Aarku kala gooyo xalay guul aroorkiyo anoo ciilku igu gaaxay Anigoo gefkii layga galay aanan garan waayin Anigoo gefkeygiyo gacmaha meel isugu geeyey Anigoo gam,eynoo hurdada aad u kala guurray Anigoo gasiinkiyo cuntadu iga gambuurowday Anigoo gabdhaha reer tolkey go,ay haweeneynin Anigoo garoob iyo sidii gabar xishoonaaya gabbaldhac iyo waaberi haddaan guluf la heenseynin gabbaldhac iyo waaberi haddaan gaas la bixineynin ninkaa godobta kaa qaba haddaan gowrac lagu taagin oon goynin hilibkiisa oon gumac la leefsiinnin gebigeed adduunyadan gurracan waan isaga guuri Karanlow haddaan guluf la xirin waan is gowricicye wallaahaan gambooley nihiyo magaca guudleeye waa inaan gambada qaato oo giisho madaxeyga garbasaar inaan qaato oo soo galbado weeyo guntiinada inaan soo xidhoon soo garsado weeyo wallaahaan garooba nihiyo carmali joogta gurigeeda wallaahaan gambooley nihiyo magaca guudleeye wallaahaan gashaantima nahoon aara gudan weynay garwaaxeysigii ka tegay iyo gogol ku jiifkiiye gefka uma dulqaatiyo xumaan layla soo gala,e gardarrada ma yeelloo xumaan waan ka gubannaaye gumac gaaxsanaan jiray markaan godolka sii daayo gebi dumay sidiisii markii la,isku soo guuro waligeyba waan goobi jiray karanle guushiisa guuleysta weligiinba waad gacan sarreysaane ................................................. galiilyada i heysoo wadnuhu ila gariiraayo xalay gelin dhaxaadkii dadkoo kama,sanoo jiifa galleyrkiyo markuu galowgu ciyey gedaankiyo xoogga gurxankeyga iyo riinkiyo guuxa lala yaabyey gu hagaagayoo gala,da iyo geeddi la,i moodyey goohaad madow iyo markaan geeydha bahal yeeshay gaameesha iyo shaarubkiyo miciga soo giiray sida goolka iyo goosha oo gibinnaddii haysta oo laaga guuda galay iyo gebiyo hoostooda oo gowsihiisiyo gacmaha meel isugu geeyey nin galladay ninkii ganay libaax garaye ruuxiiye ma guuleysto ruux iga gardaran guusha karanlaa leh afartaa guddoon lagu hadliyo gocashadeydii dheh go,aanuu nin weyn soo diriyo garasha waayeel dheh gal xareda goob lagu nastiyo geed caleenbadan dheh gogol caar leh guubaabin runa karanle guudkii dheh guul iyo ayaan la,igu garay guluf la heenseeyey. gooni daaqa cawlkiyo waxaa goodir iga yeelay geedaha ugaadhiyo waxaan geri la sheekeystay maroodiga gacanka weyn waxaan gibil ku heenseeyey gardhaalaha shabeel iyo libaax gebi la jiifaayey gabraa,ada galool uu mas galay garabka saartaaba godin geedka lagu gooyn waxaan gacan horreysiiyey gebi dumay garoon geed ka baxay gowla kala guurtay geel aroora ceelkoo gallama geel-jir wada ooyey gambooley cadhowdiyo hablaha guudka laga xiiray odayaal ra,yiga goyn jirtoo geedka laga saaray garbaduub rag loo giijiyoo gacantu naafowday garoomaha rag lagu gowracoo dhiiggu gelelaabay gumeysigu geddaasuu yahay iyo guul darriyo hooge gardarrada ma yeelloo xumaan waan ka gubannaaye waligeyba waan goobi jiray karanle guushiisa guuleysta weligiinba waad gacan sarreysaane gardarrada ma qaatee xumaan waan u gogol xaaray gartu eex ha noqotee ra,yina laysla garan waayin nabad wey gallowdoo samaan weynu kala guurnay garyaqaannadoo idil markii gowrac lagu taagay dhallinyarada goor iyo ayaan layga gummaadaayey dumar aan wax gelin oo gacmahiyo naaska laga gooyo gardarrada ma qaatee xumaan waan u gogol xaaray gammaankeyga gaarka ah markaan gibilka heenseeyey een galab carraabee dagaal ugu gacan-qaaday gadhka feerki aan kaga dhuftiyo gowsahiyo daanka gishaarada markii loo gogloo ganacya weyn taallo geelii gendigu uu cunee wada galoofay ee godolka laga waayey iyo caano laga gaaxsho gufaanuhu hashii uu cuniyo shilin gabaarreyda laga gaaryey laga gooy wixii gibilka boogeeyey geedaha caleentaa cillaan gooni ugu foofsha gurrinkeeda naaxiyo nirgaha gooni socodkeeda guuraha habeenkii ka jira tuugga qaa-tahaye bahal gowsa weyn iyo libaax gowracaa jira,e waligeyba waan goobi jiray Karanle guushiisa guuleysta weligiinba waad gacan sarreysaane sidii gaaggur geed lagu raroo gamashi dayreeda ka gu,iyo gu,yaal badan waxay gudub u saarraato shinnidoo galsheytiyo wuxuu malabku gaaneysto markii galabta loo fuulo oo daarka laga gooyo malabkii ku gaaxdiyo markii miidda laga gaaxsho ninkey gaajo heysaba markii loogu gacan haadsho Karanluhu geddaa weeye iyo gallad Ilaaheeye baalshada macaan iyo jannaan gacan ku nuugnaaye waligeyba waan goobi jiray karanle guushiisa guuleysta weligiinba waad gacan sarreysaane.
| |
Sunday, January 21, 2001 - 12:08 pm TO= Qoslaaye waad ku mahadsan tahay sida aad u tirisay gabaygaan reerkana guul ayaan u rajeynaynaa & in cadowgood cagta hoostiis galo Wiil karanle: waad ku mahadsan tahay sida aad bage u soo bandhigtay waxaan ku leeyahay oo kuugu ogahay in aad sidaa tolka uga warhaysid KARANLAA LACAAYOO HADAANA KABAHA LOO QAADIN KAADI MOODAY BAAN AHAY HADAY XAAJO KULULAAN
| |
Monday, January 29, 2001 - 06:34 am To= Dhamaan aquyaarta ku aftirsada beeshaan waxaan farxad leh sida sharafta leh aad usoo tiriseen gabaygaan oo ah mid meel wayn uga yaala beeshaan waxaan rajeynaynaa guul & horomar
| |
Tuesday, January 30, 2001 - 12:51 am Reer-Ceelbuurow iga raalli ahaada maadaama aanan Abwaanka magaciisa heynin, qoftii taqaannana waxaan ka codsanayaa iney iisoo gudbiso aqris wanaagsan. Gabay Kaafka gabay kalaan lagu hadliyo kafki wan dhigaye Kalaybaan kifaaxoon hurdada kaam u soo dhigaye Waxba gabaygu yuun iga kidmane waxan ku soo koobay Karti adaa karaamiyo ismaqal karanle loo daaye Kurba adag markey joogto ay xaajo kululaato Kaalayaay raggii lagu yaqiin karanle weeyaane Hannaan u guurkiyo haddaan koronka heenseeyey Kidiriyo Seexowle iyo haddaan kaariyaba keenin iyo koonfur niman yaallo iyo kulanka waadeerre Kalaashkoofka ruushkiyo hadduun kaabcadduhu yeerin Kaaraha haddaan laysla dhicin kulanka baaruudda Karanlaa la caayaye haddaan kabaha loo qaadin Kaad i mooddaybaan ahay haddey xaajo kululaanim Konton sano nin gaaroo adduun hawl kastaba keenay iyo keey hawo koodu tahay kala korreeyaane Kalaashkoofka ruushkiyo hadduun kaabcadduhu yeerin Karanlaa la caayaye haddaan kabaha loo qaadin Kaad i mooddaybaan ahay haddey xaajo kululaanin Karni idil kornaylkaa watee kaarni lagu siiyey iyo kuwa askari koodu yahay kala korreeyaane Kaloonkoonka ruushkiyo hadduun kaabcadduhu yeerin Kaaraha haddaan laysla dhicin kulanka baaruudda Karanlaa la caayaye haddaan kabaha loo qaadin Kaad i mooddaybaan ahay haddey xaajo kululaanin Kan diyaaraddaa kiciyayee hawada kiileeyey iyo kuwa iskuul koodu yahay kala korreeyaane Kalaashkoofka ruushkiyo hadduun kaabcadduhu yeerin Karanlaa la caayaye hadaan kabaha loo qaadin Kaad i mooddaybaan ahay haddey xaajo kululaanin Kurus iyo ninkii kaahenooy kumbuska googooyey iyo kii salool koob ku shubay kala korreeyaane Kalooniga risaastiyo hadduun kaabcadduhu yeerin Karanlaa la caayaye haddaan kabaha loo qaadin Kaad i moodday baan ahay haddey xaajo kululaanin Kan karoorka weyn goostayee kariska loo doontay iyo kaan marteeda kaafin karin kala korreeyaane Karanlaa la caayaye haddaan kabaha loo qaadin Kaad i mooddaybaan ahay haddey xaajo kululaanin Karuur iyo ninkii kaafiyaay subagga kiileeyey iyo key barqaada koodu tahay kala korreeyaane Kalooniga risaastiyo hadduun kaabcadduhu yeerin Karanlaa la caayaye haddaan kabaha loo qaadin Kaad i moodday baan ahay haddey xaajo kululaanin Korneyl ku sheegga ciisiyo waryaa kurayga xiireeya Haddii uu kas leeyahay calina uma xisheen kiishe Baashina kafeegiyo qamrada kurus ma moodeene Nin tolkiisa kaaraha la dhici waaba kirishtaane Kalaashkoofka ruushkiyo hadduun kaabcadduhu yeerin Kalooniga haddaan laysla dhicin kulanka baaruudda Karanlaa la caayaye haddaan kabaha loo qaadin Kaad i moodday baan ahay haddey xaajo kululaanin
| |
Thursday, February 01, 2001 - 07:01 am Dhamaan bahda karanle Abwaanka magaciis waxaan ku maqlay ""WIIL KARANLE" waana will degan degmada WARDHIIGLEEY (XARARYAALE)
| |
Friday, February 02, 2001 - 03:26 am TO:Coleey iyo Reer-Waqooye Walaalayaal Waa runtiin oo wiilka gabyaaga ah waa Wiil-Karanle hawiiye balse waxa la is weydiinayaahi waxa ay tahay magaciisa, haddii aad maqasheen wuxuu ka mid ahaa seddax wiil oo gabayo wadaagtay magacyadooda ka sokowna waxay kala ahaayeen, 1:Wiil-Ceelbuur 2:Wiil Iimey 3:Wiil Xararyaalle haddaba anigoo waa hore furay page aan ugu magac daray Suugaanta-Ceelbuur isla markaana kusoo bandhigay wixii aan Ceelbuur macluumaad suugaaneed ka hayey ayaan kusoo daray laba gabay uu wiilkaasi tiriyey ilaa haddana waxaan raadinayey magaciisa waana waayey sidaas daraadeed waxaan dhamaan walaalaha Ceelbuur ka codsanayaa inay noosoo gudbiyaan Abwaanka magaciisa C/lahi-barud waad ku mahadsantahay gabayga aad soo qortay.
| |
Saturday, February 03, 2001 - 11:18 am Waan salaamayaa dhamaan karinle iyo ceelbuur waa halkaan ku dhashaye walaalayaal gabayada haku socotee yaa tixdan yar garanaya ninka tiriyey Caku gaari waa taadan garan guurka kahoroobe Caku geeri waataan laba xersi midkood geedka kahadleyne Caku gaajo waataan u gaday ina galoof dheere
| |
Tuesday, February 27, 2001 - 03:18 am TO:Dhallinyarada Ceelbuur SX-yaal salaan walaaltinnimo keddib waad la socotaan inuu qolka beelaha qurbaha nooga furraa boggii "Ceelbuur-sidee u taallaa" halkaas oo lagu soo bandhigay macluumaad la xariira degmada iyo dadkeedaba iyo murti iyo maaweelooyin taxane ahaa, nasiib darro boggii waa la xiray mana garanayo sababta, haddaba dhamaan walaalaha reer-Ceelbuur waxaan ka codsanayaa in arrintaas laga dacwoodo kolley uma maleynayo inay Somalinet soo celin doonto qoraalladii oo dhan waase in la'ogaadaa sababtii ku kalliftay inay xiraan bogii qiimaha badnaa ee qabyaaladda ka nasahnaa.
| |
Tuesday, March 13, 2001 - 11:05 am Ogeeysiis waxaa la sameeyey home page cusub oo la yiraahdo Deyniile ee ku soo dhawaada. http://www.deyniile.bizland.com
| |
Friday, March 16, 2001 - 09:44 am karinle ma dhurwaaybee dadka cuna xageebeey ku nool yihiin,
| |
Saturday, March 17, 2001 - 12:59 am ka daroo dibi dhal, SXB maad lahjadda Hiraab iskaga hadashid, maxaa ku waalay aad la qarda-jeexeysaa, tankale Karanle wuxuu yahay looma baahna inuu adigoo kale ogaado.
| |
Saturday, March 17, 2001 - 01:00 am Caydiid ka daroo dibi dhal, SXB maad lahjadda Hiraab iskaga hadashid, maxaa ku waalay aad la qarda-jeexeysaa, tankale Karanle wuxuu yahay looma baahna inuu adigoo kale ogaado.
|