This section is online for reference only. No new content will be added. no deletion either...
Go to Current Forums ...with millions of posts
     | Saturday, February 24, 2001 - 12:44 am waxaan la yaaban ahay in kuwan wadaniyiinta isku tilmaamaya waa maxay sababta ay hal qabii ajenadihiisa ula cararayaan hadii ay somali yihiin?ma banaanbaxyo waajib muwaadin ah oo ay qabnqaabiyeen bey u maleeyeen in ay aygu dowladii soomaaliyeed yihiin yaa idin doortay oo isku kiin raacsan waxan talo ku siinayaa diktaatoradaas taariiqda sida saciid saalx oo kale in dowlada dadka soomaliyeed dhibta ku haly ay rabaan in qabiil dariis ku eedeyaan ma leyskla dhig karaa wadani mise waa loo dhashaa aqri jawabtu lala helay ee dowladu u dirtay oo loogu maahmahay sidii gabdhii tiri hadii ay rooti heli waayeen keek mey cunaan walaahi tani waa dowladii danyarta ee ma aha mid u shaqeeysa koox yar afmiinshaaro ah oo qabiil u janjeera alaah yaa cisak weligey waan taagerayaa dowlad akhri qoraalkan hoose La faafiyey: February 24, 2001 Ku: Ururka Pan-Somali Council For Peace and Democracy (ISRAACA). Ku: Dhamaan Shacbiga Soomaaliyeed Meel Kasta oy Joogaan. Og: Madaxweynaha Dowladda KMG ah Dr.C/qasim Salaad Xassan. Og: Ra’iisal Wasaaraha Dowladda KMG ah Dr.Cali Khaliif Galeydh Og: Guddoomiyaha Golaha Shacabka Dowladda KMG ah Mudane C/lla Deerow Isaaq. Ujeedo: Jawaabtii Bayaankii ay ISRAACA usoo qoreen Dowladda KMG ah. Waxaa dhawaan qoraal isugu jira digniin iyo talo soojeedin usoo diray Madaxweynaha dowladda KMG ah Mudane C/qasim Salaad Xassan iyo Ra’iisal Wasaare Cali Khaliif Galeydh ururka la yidhaahdo ISRAACA, ururkan oo adeegsaday shabakada internet-ka ayaa waxa uu qoray qoraal dheer oo ay ku caddeeyeen walaaca ay ka qabaan habsami u socodka dowladda KMG ah iyo hanaanka Siyaasadeed ee dowladda. Akhri-qoraalkii oodhan, markaanu akhrinay kaddib ayaa waxay nala noqotay in qoraalkaas walaalihii soo qoray mudan yihiin in loo jawaab. Sida qoraalka ku cadd, waxaa ururka iyo ragii soo qorayba ka muuqata Wadaninimo, Xil-iska saarid, Turxaan bixin iyo Aragti dheer oo salka ku haysa Dal jacayl. Waxaan aad ugu faraxsanahay sida aad ula socotaan dhacdooyinka maalin laha ah iyo xaaladda dalkiina, idinkoo aan u maleynayo inaad tihiin dad ku dhaqan dalka dibadiisa. Hadaba, waxaad ku eedeyseen dowladda KMG ah qodobada soo socda 1.In Xukuumaddu ku guul dareysatay dhowrista Axdi-qarameedkii dowladda KMG. 2.In Xukuumaddu ku tumatay dadaalkii waynaa ee ummadu la timid shirkii Carta. 3.In Xukuumaddu ka gaabisay dadaalkii ku aadanaa isu soo dhaweynta ama Isu-keenida (waa sidaad hadalka u dhigteene) Soomalida dhiigbaxaysa. 4.In Dawladdu dulqaad u muujisay ama iska indho saabeyso kooxaha xooga ku haysta dhul aysan lahayn kuwaas oo ku amar kutaagleeya dadka masaakiinta ah ee beeraleyda ama kaluumeysatada ah ee ku dhaqan Gobolada Shabeelaha Hoose iyo Dooxada Juba. 5.In Dawladdu soo iibsatay Hub iyadoo looga faa,iideysan karay kharashkaas dib-u-dhiska dalka. 6.In Dowladdu ku guul dareysatay inay iska fogeyso Ganacsatadan dhiiga dadka jaqeysa isla markaana dowladdu la ogtahay waxa ay wadaan. 7.In Dowladdu ka gaabisay Furid Bangi-Dhexe iyo sameyn lacag cusub. Waxaa intaa dheer soo jeedino iyo tilmaamo ka dhex muuqday qoraalkiina, hadaba waxaan jeclahay annigoo ixtiraamaya arragtidiina fiyow iyo wadaniyadda qiimaha leh ee ka dhadhameysa qoraalkiina, dhowrayana xuquuqda xornimo ee hadalka (free of Speech), waxay jawaabtii iila muuqatay sidatan; Qodobka 1aad: Soomalidu waxay horay u tidhi, Xanuunka ku dhaca Dameeraha haddii laga daweeyo Fardaha dawadii lama helin, waxaan ka wadaa haddaad tilmaami lahaydeenAxdi-qarameedkii qodobada lagu tuntay iyo waxa ay kala yihiin, wux’uun baanu ka odhan lahayn laakiin waxaad sheegteen oo kaliya in Dowladdu ku tumatay Axdi qarameedkii. Baarlamaanka iyo Xukuumaddu waa laba xubnood oo siman. Sida dowladdaha qaarna dowladdani wali ma helin awood dhaqaale oo ay, haddii ay doorato ay ku wiiqi karto ama ku kala iibsan karto Baarlamaanka, laakiin dowladdan waxaan odhan karnaa Wasiirkii iyo Xildhbaankiiba waxaa haysta duruuf adag oo labaduba inay dumaan mararka qaar qarka u saaran. Qof xaalada Soomaaliya aad ugu xogogaal ahi wuu garan karaa in mushkiladaha iyo culeyska badan ee yaala aanay ka mid ahayn dowladd iyo baarlamaan isku xad gudbay iyo sheekooyiin la mid ah oo ka jira dalal huromaray oo dhibaatooyinkoodii kale barri hore xalishay, balse Xildhibaan iyo Wasiirba ay hor yaaliin Buuro iyo mowjado aan sahlaneyn. Xildhibaanada iyo Wasiiraddu niyad iyo awood kala horarsi midna uma hayaan maanta, maalinteedase ilaahay ha ina gaadhsiiyo!!!. Qodobka 2aad: Ma laga yaabaa in ilaha wararkiinu ay ka yimaadaan dad degdegsanaya in xal yimaado oo doonaya in xal ku yimaado Todobaadyo gudahood, oo markay waayaana cadhada kula dhaca hadba cida masuuliyadda haysa. Annagu waanu u garaabeynaa dadkaa, waanu fahansanahay xanuunka ku daba dheeraday ummadda Soomaaliyeed; Haddii ay jirto dariiqo mucjiso ah oo bil iyo lababa lagaga dulqaadi karo xanuunkaa meel walba oo DHEER, waanu ka baadi dooni lahayn, su,aashuse waxay tahay ma jiraa xal mucjiso ihi?. War miyaaney idiin ekeyn inaad dedaalka nala gashaan (idinkoo ku mahadsan dadaalkii cuslaa ee aad qaranimada u gasheen) oo nagula qancisaan ummadda inay u sabraan xalka isla markaana dhexda noola xidhataan sidii wakhtiga ugu horeeya ee suuro gal ah aynu wererka iyo quusta, gaajada, dayac iyo burbruka dishooday dalka uga wada saarilahayn. War ma taaha taarikkhdu keentay ee dadkeenu la reemayo ayaad la jibooneysaan oo nagu canaananeysaan. Qodobka 3aad: Dib u sheesiinta qaranka iyo nabadgelyada dalka waa labada qodob ee mudnaanta ugu sareysaya leh siyaasada Xukuumadda. Warqad uun kumaanaan qorin ee hadh iyo habeenba waanu usoo jeednaa. Iskama imaan heshiisyadii lala galay Qanyare iyo Bood Heshiiskii Qanyare oo kamid ahaa Mucaaaradka kuwa ugu magaca dheer uguna awooda weyn. Dhamaan wixii kale ee Mucaarad ahna waxaa noo socda wadahadalo, hase yeeshee wax walba daboolka ka qaadi mayno dalkuna sir buu leeyahay, doonina mayno in annagoo wax qadad ku faaneynya aanu warar xasaasi ah daboolka ka qaadno. Ilaahay uun baa og Khataraha loo galay iyo dadaalka xad-dhaafka ah ee loo maray dib u heshiisiinta qaranka. Walaalayaal waxaanu idinka filaynaa Taageero iyo garab istaag bilaa shuruud ah. Qodobka 4aad: Akhri walal go,aanka addag ee golaha Wasiiradu kasoo saaray arrintan Go,aankii Golaha Wasiiradda Wuxuu ku tuseysaa go,aankani in aanay dowladda Soomaliyeed aysan marnaba u dul qaadaneyn muwaadin Soomaaliyeed oo Hantidiisii ama Dhulkiisa la haysto cid waliba ha haysatee (Over My Died Body) haddii kale qaran nimo ma jirto(anniga aragtideyda). Qodobka 5aad: Waxaan xusuustay maahmaahdii Boqoradii Faransiiska ahayd ee tidhi "haday roodhi waayeen may doolshe ama keeg cunaan". Dowladdu waxyaabaha ay ka fakireyso waxaa ka mid ah In ay hubka dadka gacmihiisa ku jira ee xad dhaafka ah ka dhigto. In Ciidan qaran oo nabadda suga la sameeya. In lagala wareego cidii hub gacanta ku haysa Akhri halkan. Waa war aan raad iyo sal lahayn in dowladdu Hub soo iibsatay, mana jiro arrinkaasi waxaase af-kala qaad ah meesha warkaasi idinkasoo gaadhay iyo sida aad u rumeyseen idinkoon xaqiijin.Waxaa la idiinka baahan yahay inaad xaqdhowrtaan hawsha qaran ee addag ee lagu jiro, qalbigana ku haysaan duruufta qalafsan ee dalku ku suganyahay. Qodobka 6 & 7aad: Dowladdu marna wax raad ah kuma lahayn Lacagaha ay Gacansatadda Dhiig miiratada ahi soo sameysatay ee been abuurka ah (Forger), waxayna kasoo saartay qoraal arrinkaa ku haboon xiliigii ay dalka lacagtu timid Akhri-Warsaxaafadeed. Sidaad la socotaanba lacagahan dalka waa la keenayey waayahanba, mana aha wax hadda bilowday ee wax dowladda ka horeeyay, oo tan iyo intii burburku jiray waa la keeni jiray ama ha keenaan Ganacsato ama Dagaal oogayaashu ha keenaane, balse dowladdu waxay wali ku daba jirtaa iskuna hawleysaa sidii ay uga hortagi lahayd lacag noocaas ah oo dalka la keeno mar danbe iyadoo aad awoodeeda ogtihiin, waxaana arrinkaa loo saaray guddi heer wasiir ah Akhri halkan. Kuwii lacagaha keenayna ( Waa balaayo loo baahday) bay Soomaalidu tidhaahdaa, waayo iyagaa dowladda xaga dhaqaalaha ka taakuleyn jiray, iminkana Lacagtii ay soo daabacdeen waxay dowladdu kula wareegtay bilaa shuruud, oo lacagtii waxay hadda ku jirtaa gacanta dowladda Akhri halkan. Dowladduna waxay ka yeeli doonto iminka kuma suubana in laga hadlo ee waa in waqtigeeda lala sugaa. Dowladdu waxay ku hawlantahay sidii ay u soo sameysan lahayd lacag sharci ah oo ka diiwaan gashan adduunka iyo hay’addaha ku shaqoda leh sida IMF iyo World Bank. Dowladdu waxay ku hawlantahay sidii ay dhawaan u furi lahayd Bangi-dhexe, waxaadse moodaa in aan mar labaad odhan karo maahmaahdii Boqoradii Faransiiska ahayd ee tidhi "haday roodhi waayeen may doolshe ama keeg cunaan". Walaalayaal waxaan sugneyn wali AMAANKII, waxaan dhisney wali CIIDANKII QARANKA, miyuusan hadalkiinu u ekaaneyn hadalkii Boqoradda. Gabagabadii:- Walaaalahayga Sharafta lehow, Waxaanu idiinka baahanahay taageeraddiina iyo is garab taagiiina, waxaanu u baahanahay Aqoontiina, Dhaqaalihiina, Caqligiina fiyow. Walaalayaal qarankani wuxuu burbursanaa in ka badan 11 sano, waxaynu ku jirnay rajo la,aan iyo Tiih, waad garan kartaan xanuunka ay leedahay, waxaa jirta arragti odhaneysa "Shay xumaaday haddii la rabo in la hagaajiyo waa in muddadii uu xumaa in le,eg oo shaqo ah lasiiyaa si uu shaygii u hagaago". Walaalayaal "Rome was not built in a Day". Hadaad ka hadashaan maanta in Bangi-dhexe la furo iyadoo amaankii iyo nabadgelyaddii wali lagu hawlanyahay sidii loo soo celin lahaa, waxay anniga iila muuqataa in aad xaaladda lagu jiro dib u fiirisaan.Dalku waa idiin baahanyahay. Waxaan idiinka mahad naqeynaa arragtidiina quman iyo ka warhayntiina, waxaanan marna ilaawi doonin taariikhduna xusi doontaa sidii aad uga soo dhalaasheen waajibkii qaran ee idin saaraa, iyo garab istaagiinii banaan-baxyadii (Ethiopia) ama ha noqoto taageeradiinii tan iyo shirkii carta. Ururkan wuxuu noola muuqdaa urur aragti dheer, oo ay isku bahaysteen ruug cadaa Soomaaiyeed, waana talaabo loo baahanyahay, Waxaanse Ilaah ka baryayaa inuu noqdo mid anfaca Ummadiisa. Wabilaahi Tawfiiq. Mohamud Yusuf Xafiiska Ra’iisal Wasaaraha Soomaligov@yahoo.com Muqdisho, Soomaaliya. Copyright © 2001 SomaliGov.com, All rights reserved. Somalia President Dr. Abdulkassim Salad Hassan Somalia Prime Minister Ali Khaliif Galaydh Somalia Government Official website
|