     Olow | Wednesday, September 20, 2000 - 11:24 pm
Asalama alaykum
Waxaan la yaabey is nacaybka somalida kala dhex galay ee qofna uu qofka kale la rabin wax wanaag ah haddana waxaan ku andacoonaa inaan muslimiin wada nahay. Walaalayaaloow aan ilaahay ka baqno oo aan khayrka ka hadalno, maxaa inoo diidaya inaan afkeena barno warka wanaagsan? sow tii qaacidadu ahayd ama hadal fiican ku hadal ama afkaaga hayso oo ha hadlin. Somalidu waa dadkaas aan ka wada dhalanay oo aad wada aragtaan wax tarkooda iyo dadnimadooda, qolo qolo dhaanta ma jirto oo waa isku mid xitaa inta badan waa isku fikir.
Walaalayaaloow aan ku wada baraarugno inaan wax kheyr leh is wada farno oo aan iska dayno af lagaadad iyo hadaladda xun ee na kala fogeynaya.
Waa Olow |
