This section is online for reference only. No new content will be added. no deletion either...
Go to Current Forums ...with millions of posts
     | Unrecorded Date asalaamu caleykum waraxma tullaahi wabarakaatuhu walaalayaal ku soo dhowaada waa meel aan ugu tala galay in la,isku weydaarsado suugaanta gobalka galgaduud waxaana rajeynayaa in qoraalladeennu noqdaan kuwa wax ku ool ah lagana faa,iideysan karo, haddaba walaalayaal waxaa jirta in suugaanta soomaaliyeed siiba gabayadu ay u janjeeraan qabyaalad sidaas daraadeed waxaan door-biday in laga fogaado gabayada cayda iyo aflagaadada ah ee laga helayo magacyada qabiil ama lafaha uu ka koobanyahay mid ka mid ah, laakiin haddii uu gabaygu yahay caraadis la xariira colaadihii hore ee u dhexeeyey soomaalida iyo gumeystaha ama soomaalida dhexdeedaba balse ay ka maranyihiin magacyo qabiil waan soo dhoweyneynaa, sidoo kale haddii uu gabaygu yahay ammaan ku wajahan qabiil dhibaato kuma jabna, tan labaad haddii dad walaalaheen soomaaliyeed ah ay meeshaan nagu aflagaadeeyaan waa in laga gaabsadaa ama si ay xigmadi ku jirto loogu caqli celiyo, taasina waa talo ee fadlan iga qaata haddii aynu nahay dad ismaqla oo kala dambeyn leh, kolley u maleynmaayo in uu qof wax garad ah meeshaan aflagaaddo ku soo qori doono, ugu dambeyn waxaa isweydiin mudan muxuu ninkaan la yiraa Qeyr uu u doortay Ceelbuur? walaalayaal waa Qeyr oo idin leh waxaa arrintaas igu kallifay dhowr arrimood sida, 1: in haddii aan magaalo kale sheego dadku u maleynayaan inaan qabiil tilmaamayo sababtoo ah markii ay billowdeen dagaalladii sokeeye waxaa dhacday in qabiil kasta uu u haray gobalkiisa ama magaaladiisa intii kalana ay ka bara-kaceen marka laga reebo magaalada Ceelbuur, 2: in ay tahay meel ka badbaadday burburkii iyo fitnooyinkii ka soo unkamay dagaallada sokeeye ee salka ku haya qabyaalad iyo iskala saarid, waana mid lagu ammaani karo reer Ceelbuur, 3: in ay tahay magaala soomaaliyeed oo qaddarin mudan marka laga eego dhanka nabad jecelka iyo wada noolaanshaha taasna waxaa ka marqaati kacaya horumarka ay ku tillaabsadeen dhinacyada wax barashada, amniga iyo dhamaan qeybaha adeegga bulshada iyo isku duubnida ka dhexeyso dadyowgaas ka kala yimid dhamaan qabaa,illada soomaaliyeed oo halmeel uga soo wada jeeda danaha guud iyo horumarinta deegaankooda, 4: in ay tahay magaalo dhexdhexaad ka ah dagaallada ahliga ah ee tobanka sano waddankeenna ka socday, 5: in ay tahay magaalo ku bilan qeyraadka dabiiciga ah iyo rugta farshaxanka soomaaliyeed, 6: in ay tahay magaalo aysan waligeed ka dhicin reer hebel iyo reer hebel, qof kasta ee soomaali ahna uu sharaf ku leeyahay, walaalayaal intaas iyo arrimo badan oo aanan halkaan ku soo koobi karin ayaa iigu wacan inaan magaaladaas doorto ee qof walbow soo gudbi wixii aad ka heysid suugaantii gobalka galgaduud oo tix iyo tiraaba leh, by:qeyr
|
| | Unrecorded Date sidii aan horay u sheegayba waan oggalnahay gabayara caraadiska ha ahaado mid colaadeed ama mid arrimo kale khuseeya laakiin muhiimaddu tahay inaan laga dhex helin magcyo qabiil, sidaas ayaan gabaygaan u soo bandhigay tusaale ahaan,intaas keddib gabaygani wuxuu ka mid ahaa silsilado gabay ah ee in muddo ah socon jiray,waxaana ka cudur daaranayaa in aanan heynin abwaanka gabayga tiriyey magaciisu laakiin maama ragga gabaya la wadaagay ay ahaayeen labo nin, abwaankaan waxaa lagu magacaabi jiray, "wiil Karanle" waana kan gabaygi. Nimanyahow guddoon gabay beryan waan ka gaabsadaye garankeyga waataan ka jaray gocashadeydiiye xalaybaan gigtaan iri hurdada wax igu gaareene halkaan uga gol leeyahayna waan idin garwaaqsiine waxa guurka ii yaalla waan soo geddinayaaye gablan weeye geel kuu dhaloon godol ka maaleynin gablan weeye guga oo da,oon gooshin bixineynin gablan weeye gabadhaad dhashoon gogosha kuu qaadin gablan weeye gibinaad dhashoon guulba curineynin gablan weeye geediyo nimuu gebi ku soo haaday gablan weeye gaammigan yaxaas ruux gabraarsadaye gablan weeye gooshiyo ninkuu aarku kala gooyo xalay guul aroorkiyo anoo ciilku igu gaaxay anigoo gefkii layga galay aanan garan waayin anigoo garkeygiyo gacmaha meel isugu geeyey anigoo gam,eynoo hurdada aad u kala guurray anigoo gasiinkiyo cuntadu iga gambuurowday anigoo gabdhaha reer tolkey go,ay haweeneynin anigoo garoob iyo sidii gabar xishoonaaya gabbal dhaciyo waaberi haddaan guluf la heenseynin gabbal dhaciyo waaberi haddaan gaas la bixineynin ninkaa godobta kaa qaba haddaan gowrac lagu taagin oon goynin hilibkiisa oon gumac la leefsiinin gebigeed adduunyadan gurracan waan isaga guuri karanlow haddaan guluf la xirin waan is gowriciye wallaahaan gambooley nihiyo magaca guudleeye waa inaan gambada qaato oo giisho madaxeyga garbasaar inaan qaato oo soo galbado weeyo guntiinada inaan soo xidhoon soo garsado weeyo wallaahaan garoob nahay carmali joogta gurigeeda wallaahaan gambooley nihiyo magaca guudleeye wallaahaan gashaantima nahahoon aaraguda weynay garwaaxeysigii ka tegay iyo gogol ku jiifkiiye gefka uma dulqaatiyo xumaan leyla soo gala,e gardarrada ma yeelloo xumaan waan ka gubannaaye gumac gaaxsanaan jiray markaan godolka sii daayo gebi dumay sidiisii markii la,isku soo guuro waligeyba waan goobi jiray karanle guushiisa guuleysta weligiinba waad gacan sarreysaane .............................................. galiilyada i heysoo wadnuhu ila gariiraayo xalay gelin dhexaadkii dadkoo gama,sanoo jiifa galleyrkiyo marku galowgu ciyey geddaankiyo xoogga gurxankeyga iyo riinkiyo guuxa lala yaabye gu, hagaagayoo gala da, iyo geeddi la,i moodye goohaad madow iyo markaan geesa bahal yeeshay gaameesha iyo shaarubkiyo miciga soo giiray sida goolka iyo goosha oo gibinnadii haysta oo laaga guuda galay iyo gebiya hoostooda oo gowsihiisiyo gacmaha meel isugu geeyey nin galladay ninkii ganay libaax garaye ruuxiiye ma guuleysto ruux iga gardaran goolka Karanlaa leh afartaa guddoon lagu hadliyo gocashadeydii dheh go,aanuu nin-weyn soo diriyo garasha waayeel dheh gal xareda gooblagu nastiyo geed caleen bada dheh, gogol caaq leh gubaabin runa karanle guudkii dheh guul iyo la,igu garay guluf la heenseeyey gooni daaqa cawlkiyo waxaa goodir iga yeelay geedaha ugaadhiyo waxaan geri la sheekeystay maroodiga gacanka weyn waxaan gibil ku heenseeyey gardhaalaha shabeel iyo libaax gebi la jiifaayey gabraa,ada galool uu mas galay gacanta saartaaba gudun geedka lagu goo waxaan gacan horreysiiyey gebi dumay garoon geed ka baxay gowla kala guurtay geel aroora ceelkoo gallama geel jir wada ooyey gambooley cadhowdiyo hablaha guudka laga xiiray Odayaal ra,yiga goyn jirtoo geedka laga saaray garba duub rag loo giijiyoo gacantu naafowday garoomaha rag lagu gowracoo dhiiggu gelelaabay gumeysigu geddaasuu yihiyo guul darriyo hooge gardarrada ma yeelloo xumaan waan ka gubannaaye weligeyba waan goobi jiray karanle guushiisa guuleysta weligiinba waad gacan sarreysaane gardarrada ma qaatee xumaan waan u golgol xaaray gartu ee ha noqotee ra,yina laysla garan waayin nabad wey gallowdoo samaan weynu ka guurray garyaqaannadoo idil markii gowrac lagu taagay dhallinyarad goor iyo ayaan layga gummaadaayey dummar aan wax gelin ee gacmaha naaska laga gooyo gardarrada ma qaatee xumaan waan u gogol xaaray gammaankeyga gaarka ah markaan gibilka heenseeyey een galab carraabee dagaal ugu gacan qaaday garka feedhki aan kaga dhuftiyo gowsahiyo daanka gishaarada markii loo gogloo ganacya weyn taallo geelii gendigu uu cunee wada galoofoobay ee godolka laga waayey iyo caano laga gaaxsho gufaanuhu hashii uu cuniyo shilin gabaarreyda laga gaaryey laga goo wixii gibilka boogeeyey geedaha caleentaa cillaan gooni ugu foofsha gurrinkeeda naaxiyo nirgaha gooni socodkeeda guuraha habeenkii ka jira tuuga qaa tahaye bahal gowsa weyn iyo libaax gowracaa jira,e waligeyba waan goobi jiray karanle guushiisa guuleysta weligiinba waad gacan sarreysaane sidii gaagur geel lagu raroo gamashi deyreeda ka gu,iyo gu,yaal badan waxay gudub u saarnaato shinnidoo kal sheytiyo wuxuu malabku gaaneysto markii galabta loo fuulo oo daarka laga gooyo malabkii ku gaaxdiyo markii miidda laga gaaxsho ninkey gaajo heysaba markii loogu gacan haadsho karanluhu geddaa weeyey iyo gallad ilaaheeye baalshada macaan iyo jannaan gacan ku nuugnaaye weligeyba waan goobi jiray karanle guushiisa guuleysta weligiinba waad gacan sarreysaane
|
| | Unrecorded Date TO:Qeyr walaal ma u maleysaa inaan diirad kugu fiirinayey markaad hawshaan billowday, anigoo meela aysan faaiido iigu jirin ku meereeysanhayo ayaan arkay qoraalka ah "suugaanta Ceelbuur", hadde waa i kaas oo markaan soo galayba waxaan faraqa ka buuxsaday murti, waana ku mahadsantahay howsha qiimaha badan ee aad noo billowday sidoo kale aniguna waa soo gudbin doonaa wixii suugaan ah aan ka hayo galgaduud in shaa Allaah waana isku soo jajafayaa kista aan hayo ee adiguna dadaalka meeshaada nooga sii wad
|
| | Unrecorded Date walaahi meeshii ceelbuur aheyd gabay baa laga soo tiriyey... war Qeyr.... ceelbuur burjike iyo fundhaal laga keenaan arki jidhneye .... gabeyna ma laga yaqiin? Ma iga hubtaa gabeygan inaan Cadaado iyo meelihii suuganta caanka ku ahaa laga tirin ee ceelbuur ka yimid?
|
| | Unrecorded Date TO:Cawaale asalaamu caleykum, cawaale waan aqriyey kaftanka aad meesha ku soo qortay waana ku qoslay, marka walaal gabaygu waa gabay ceelbuur laga tiriyey waana kaa hubaa laakiin si aad u sii hubsatid waxaan kaa codsanayaa inaad si fiican u aqrisid gabayga, waana kugu raacsanahay in ay cadaado tahay meel aad ugu horreysa gabayada iyo suugaanta waxaanse u malaynayaa inay weli kuu dhinnaayeen gabayadii ceelbuur laga tiriyey ee bal walaalkeeyow noo soo laabo oo soo dhowoow si aanu u wada aqrisanno gabayada meshaan lagu soo qori doono inshaa Allaah kaftanku waa furanyahay.
|
| | Unrecorded Date asalaamu caleykum walaalayaal gabaygan waxaa tiriyey wiil karanle asigoo ka jawaabayey gabay aflagaaddo loogu geystay dadka uu ka dhashay waxaana ammaan mudan sida uu gabyaagu uga dabaaqay aflagaadadaas asiga oon caynin qabiil iyo ninkii gabayga soo mariyeyba sidaas ayaan aniguna u door biday inaan meesha ku soo qoro maadaama uusan ahayn cay ee uu yahay caraadis isla markaasna aanan laga dhex heli karin magac qabiil iyo in ay adagtahay garasha meesha uu ku wajahanyahay. Gabay kaafka gabay kalaan lagu hadliyo kafki wan dhigaye xalaybaan kifaaxoon hurdada kaam u soo dhigaye waxba gabaygu yuun iga kidmane waxan ku soo koobay karti adaa karaamiyo ismaqal karanle loo daaye kurba adag markey joogto ooy xaajo kululaato kaalayaay raggii lagu yaqiin karanle weeyaane hannaan u guurkiyo haddaan koronka heenseeyey kidiriyo seexowle iyo haddaan kaariyaba keenin iyo koonfur niman yaallo iyo kulanka waadeerre kalaashkoofka ruushkiyo hadduun kaabcadduhu yeerin kaaraha haddaan layla dhicin kulanka baaruudda karanlaa la caayaye haddaan kabaha loo qaadin kaad i mooddaybaan ahay haddey xaajo kululaanim konton sano nin gaaroo addauun hawl kastaba keenay iyo keey hawo koodu tahay kala korreeyaane kalaashkoofka ruushkiyo hadduun kaabcadduhu yeerin karanlaa la caayaye haddaan kabaha loo qaadin kaad i mooddaybaan ahay haddey xaajo kululaanin karni idil kornaylkaa watee kaarni lagu siiyey iyo kuwa askari koodu yahay kala korreeyaane kaloonkoonka ruushkiyo hadduun kaabcadduhu yeerin kaaraha haddaan laysla dhicin kulanka baaruudda karanlaa la caayaye haddaan kabaha loo qaadin kaad i mooddaybaan ahay haddey xaajo kululaanin kan diyaaraddaa kiciyayee hawada kiileeyey iyo kuwa iskuul koodu yahay kala korreeyaane kalaashkoofka ruushkiyo hadduun kaabcadduhu yeerin karanlaa la caayaye hadduun kaabcadduhu yeerin kaad i mooddaybaan ahay haddey xaajo kululaanin kurus iyo ninkii kaahenooy kumbuska googooyey iyo kii salool koob ku shubay kala korreeyaane kalooniga risaastiyo hadduun kaabcadduhu yeerin karanlaa la caayaye haddaan kabaha loo qaadin kaad i moodday baan ahay haddey xaajo kululaanin kan karoorka weyn goostayee kariska loo doontay iyo kaan marteeda kaafin karin kala korreeyaane karanlaa la caayaye haddaan kabaha loo qaadin kaad i mooddaybaan ahay haddey xaajo kululaanin karuur iyo ninkii kaafiyaay subagga kiileeyey iyo key barqaada koodu tahay kala korreeyaane kalooniga risaastiyo hadduun kaabcadduhu yeerin karanlaa la caayaye haddaan kabaha loo qaadin kaad i moodday baan ahay haddey xaajo kululaanin korneyl ku sheegga ciisiyo waryaa kurayga xiireeya haddii uu kas leeyahay calina uma xisheen kiishe baashina kafeegiyo qamrada kurus ma moodeene nin tolkiisa kaaraha la dhici waaba kirishtaane kalaashkoofka ruushkiyo hadduun kaabcadduhu yeerin kalooniga haddaan laysla dhicin kulanka baaruudda karanlaa la caayaye haddaan kabaha loo qaadin kaad i moodday baan ahay haddey xaajo kululaanin
|
| | Unrecorded Date kanaaba kii hore naso yiri.......walaahan meeshii ceelbuur aheyd gabay loogu dhawaaneyn. igu halee inanaan u daymo la'aan
|
| | Unrecorded Date TO:Qeyr qeyrow salaan korkaada ha ahaato waana ku farxay arrinta aad noo bilowday ee xiisaha leh waxaana kugu qiyaasayaa inaad tahay nin aqoon u leh suugaanta reer-ceelbuur sidaas awgeed haddii aad wax ka heysid waxaan kaa codsanayaa inaad noosoo bandhigtid gabayadii low-gurray kolley waxaan qiyaasayaa in maanta wax laga hayo maadaama waqtigii la tiriyey ay ka soo wareegtay 70-80 sano ama ka badan, haddaba walaal haddii aad wax inooga haysid noosoo gudbi
|
| | Unrecorded Date TO: cismaan,baaruud asalaamu caleykum walaal Baaruud gabayadii lawgurray waxaan ka hayaa hal gabay asigana si fiican uma aan xafidsani laakiin waa kuu soo gudbinayaa inta aan ka xasuusto, waxaase aan aad iyo aad uga xumahay in la la,yahay gabayadii xigmadda badnaa sidii kuwi uu tirin jiray Cabdi kariim Axmed Gindhish 1850 tomeeyadii, sidoo kale adigana waxaan kaa codsanayaa inaad gabyadaa soo raadisid noona soo qortid haddii aad heshid.
|
| | Unrecorded Date walaalayaal tixdan yar waxaa mariyey Ustaad C/qaaddir oo ku dhashay magaalada Ceelbuur 1958 asigoo u caqli celinayey dad weynaha soomaaliyeed kana waaninaya qabiilka iyo faa,iida darridiisa, waana tan, Qabiil Qur,aankaan haka dooranninee Qabiix qaawan waayee ha qalabsaninee Qabiilquute qooqan ha qaaqaminee waa qaniin dhiigga quutee ha qaraabsaninee waa qash laga quustee ha qiiqsaninee waatuu qaabdarreeyee ha qaalininee Qashiin uri weeyee ha qiimeyninee Qurmuun abkii weeye ha qaadaninee Qarandumis weeye qardheer kaba tuur Qeelshaha qalalaasaa Allow qaxiyee Midkii qaybinaaya Allow qabri gee. Qaadir adi weeye dhulkay qurxiyee. Qundhac yara weeyee qabaal biyo sii. Qaalmaha xamareysan ha qabatiimaanee. Qajaar iyo qoomaal ha wada noqdo ee. Qayuum adi weeye qoomkay mid ka yeel waa yara qalqaleene qarawga ka qaad Qareen qariibkood ah Qur`aan ugu dhiib. Qaruunbaan sugaynee quwaddeenna midee. Qaxar baa qulqulshee qubtaan kaba reeb (Aamiin)
|
| | Unrecorded Date Qeyr cudurdaar walaalayaal waxaan ka cudur daaranayaa waxyaalo yaryar ee aan ka qalday gabay koowaad waana sidaan 1: gabayga koowaad xirmadiisa siddeedaad sadarkeeda shanaad waxaan u qoray sidaan "guul iyo la,ugu garay guluf la heenseeyey" mana aha sidaa ee waa sidaan " guul iyo ayaan la,ugu garay guluf la heenseeyey" 2: gabayga koowaad xirmadiisa sagaalaad sadarkeeda shanaad waxaan u qoray sidaan " gabraa,ada galool uu mas galay gacanta saartaaba" mana aha sidaas ee waa sidaan " gabraa,ada galool uu mas galay garabka saartaaba"
|
| | Unrecorded Date suugaanta reer-Ceelbuur Tanna waa tix uu lahaa qoraagii ustaad C/qaaddir waana tix guubaabin ah. calankiyo dhulkeennii dhawaqa iyo murugada miyaan dhabanna heys iyo ugu beerin mahadhada malayiin miyey dhiman dhurwaayada daldalanoo dhunniyee dhankee jiraan kuwa dhaanka aadoo aan ku dhaayaneyno asigoo jawaab ka celinaya calaacalkaasna wuxuu yiri. kuwa dhaanka aadoo lagu dhaadanayaa waa dibi duguuguman dibadaha wareegee. denbiga iyo beentana derbiyada la joogee daamo-dheel duneystee daanka qaad daliigmee daba feed ku daal ba,ay. dahabow duulkaad rabtid. waa durriyo naareed doqomoo la kala dilay dacayeysi gaal oggol. diracyada iyo diintana diidayow docdow ridi. daango duug ah booboo. daba orodka gaalada. duunyo doon ka yeeshee dulliba dullibay la diin yihiin.
|
| | Unrecorded Date to qeyr walaal afkaaga hilibkii alfornaatiga ee maqaayadii cilmi nageeye ha lagu qabto waxaanse kaa codsanaya haddad heyso gabayadi tuulada derri laga tiriyay in aad wax nooga sheega nabadi korkaada ha ahaato waa hassan yare
|
| | Unrecorded Date TO: hassan yare walaal iga guddoon salaan qaali ah marka xigtana waalla hayaa gabayadii laga tiriyey,tuuladii quruxda badneyd ee derri la dhihi jiray laakiin waxay la xariiraan colaado xasaasi ahaay, taasna ulama jeedo raggu waxay ahaayeen dagaal u joog, ee waxaan ula jeedaa gabayadaasu waxay u baahanyihiin in dib loo eego islamarkaasna lasoo bandhigo haddii aysan ka hor imaaneyn ciwaanka iyo horu dhaca mowduucaan, ma garatay, sidoo kale adigana waxaan kaa cosanayaa inaad noo soo gudbiso haddii aad wax ka heysid xigmaddii xaaji xasan-gardheer oo reer derraad u dhashay, sidaas iyo kulan dambe oo xii
|
| | Unrecorded Date To: Qeyr Abti nabad... gabayo qiimo leh iga dheh. CODSI... Waxan isku dayaa inaan ururiyo gabayada sidaas darteed waxan si NAXARIIS leh kaaga codsanayaa inaad gabayadaad Ceelbuur,Cadaado,iyo galgaduud ka hayso aad ii soo dirto adigoo sheegaya ABWAANKA tirshey. e-mailkaygu waa gabayo@hotmail.com Gabayo ma ka haysaa labadan abwaan 1. Faarax shuuriye 2. caroole(caroone) aadan Mahadsanid..........
|
| | Unrecorded Date suugaanta ceelbuur asalaamu caleykum sida ka muuqata gabayga qeybtiisa hore waa duco uu gabyaagu u duceynayo ciidan ka ambabaxayey dooxada Ceelbuur una socday dhul ka baxsan dooxada galgaduud, gabayga qeybtiisa dambana waa digasho wuxuuna tilmaamayaa in ciidankaasu la soo laabteen libin iyo xoola fara badan, badanaa iska hor imaadyada qabaa,ilka waxaa waxaa sabab u ahaa daaqa xoolaha ceelasha IWM, laakiin waxaa mooddaa in dagaalkaanu la xariiray aargoosi iyo arrimo dhaqaale, Alle ha u naxariistee marxuum Lawgurray wuxuu gabaygaan tiriyey intii u dhaxeysay 1925-28, wuxuuna gabaygiisa ku billaabay ammaan uu ammaanayo geela quruxda badan ee laga helo dhulka uu colkaasi u socday, wuxuuna yiri, seddax iyo sagaalow Allaha idin sama geeyo sababyala badanbaa jire Allaha idin sama yeelo weydiin saraariye sama ku soo mooda, iyadoo hareerida ka dheer hirig dafleyneysa iyadoo majacad meel u taal ku aga meereysa iyadoo indhaha madoobeysatee mira aglooleysa iyadoo xayaad koorta weyn ku xarragooneysa iyadoo gelgelin hogob ku taal ku hambalyooneysa iyadoo haldhaay iyo biciid hogob la daaqeysa iyadoo geel-jiri raaci jiray hogob kusoo waabshey bak ku dhaha ilaah baan baryee waaga berigiisa Fg:ilaahey amarkiis Lawgurray wuxuu ahaa gabyaa afkiisa lala jiro arrintiina waxay noqotay sidii uu sheegay oo waxaa la soo qunsaday geel iyo ari fara badan sida lay sheegay xoolahaasu waxay ahaayeen xoolo la soo dhaco kuwii ugu tirada badnaa ee soo mara taariikhda reer Ceelbuur sidoo kale waxaa lay sheegay in isla markiiba la qeybsaday Arigii, geeliina dib baa loo dhigay waxaana fadhiisin looga dhigay xararka-xamaal ee u dhaxeeya Dac iyo Ceelbuur, isla markaasna meesha waxaa degganaa dad la addoonsan jiray ee uu Alle ha u naxariistee Ugaas-Faracadde ka keensaday dhulka dhoobeyda ee koonfurta soomaliya oo lagu fali jiray waddooyinka isku xira dhulka reer-Ceelbuur, dadkaas deegaankoodu wuxuu ahaa xararkaas u dhexeeya Dac iyo Ceelbuur ilaa markii dambe iyaga loogu magac daray oo la yiri "xararka-xamaal" oo la mid ah xararkuu xamaaligu fadhiyey markii laga gaaray danihii laga lahaana dhulkoodii ayaa lagu celiyey, waxaana lagu maamuusay xoolo ay ka dhigtaan raasu-maal, walaalayaal ma doonayo inaan war idinku daaliyo ee geelii waxaa fadhiisin looga dhigay kabta uu ku yaallo xararka-xamaal, abwaan Lawgurrayna halkaas ayuu kasii wadyey gabaygii, igana raalli ahaada gabayga qaar baan ka tageyaa waxaana igu kallifaya in qabiilkaas lagu duulay iyo lafaha uu ka koobanyahay oo dhan ay kusoo laalaabanayaan gabayga, waana sidaan asigoo kala dhantaalan. Xararkuu xamaaligu fadhiyey kuma xareeyeene kolkuu awrku doobbada xadxado xira ma yeerteene xisinkey ku riintaba cunguhu ma xagmareeyeene xayir baa ku dhacay qaalmihii xarig-marka ahaaye mareer xamash ahay daaqi jirtaye xanan ma jiideene ................................................................................................... ........................................ ..................................... .............................................. seddax iyo sagaal xoog iyo xaniin ku xijimeysaane xalxaluusha geedaha kolkey xani dhanaanowdo.
|
| | Unrecorded Date Addunoow xaalkaa ba' War ma haddaad keenteen waxaa laga gabyaa Ceel Buur iyo Cadaado, war af Somaligii caadiga ahaa ee hadalka ahaa ayaaba la idinka waayaye xaggeed gabayna ka keeneysaan. War bal nimanyahow yaabkan kaalaya.
|
| | Unrecorded Date TO: Bahdoon Asalaamu caleykum waraxmatullaahi wabarakaatuhu walaal bahdoon runtu isma qarisa si kasta aad indhaha iskugu qabsatana waxaad ku qasbantahay inaad mar uun kala qaaddo runtuna wey ku hor imaaneysaa, anigu dood iyo naceyb uma qabo walaalaheyga soomaaliyeed mana jirto sabab igu qasbeyso inaan shraftooda meel uga dhaco illeen waa dad walaalahey ahe ma garatay, haddii aan wax caayayana cadowga soomaaliyeed ama cadowga islaamka ayaan caayi lahaa oo aragtideydu wey ka dheertahay inaan meel-dhow wax ka eego walaalaheyna caayo, gabayaduna wey ku horyaallaan mana aha kutirikuteen iyo wax lagaaga sheekeynayo, sidaas daraadeed waxaan kaa codsanayaa in aad marka labaad aad lasoo laabato af-macaan iyo figrado nadiif ka ah qabiil-naceyb, I,W,M, maadaama aan haddii aanu soomaali nahay dhadhaminnay qasaaraha uu qabiilku leeyahay marka loo adeegsado sida xun, meeshaanna waxay u xirantahay intii isla socon karta oo hadalka isla waafaqi karto, halbeeggooduna yahay inay kala faa,iideystaan wixii suugaan ah, sidaas daraadeed meeshu ma aha meel lagu caytamo ee walaalahaada soo raac haddii ay kugu adagtahayna iska aamus illeen ma jirto cid kugu qasbeyso inaad meeshaan wax ku soo qortide, walaal waxaa lagaa sugayaa inaad raalli geliso dadkii aad caysay kolley dhankeyga waan kaa cafiyey waxaana kugu waaninayaa inaadan markale u noqon. asalaamu caleykum
|
| | Unrecorded Date Codsi: waxaan ka codsanayaa dhamaan walaalahey soomaaliyeed ee doonaya inay meeshaan farriin ku soo gudbiyaan ama ay ku soo qoraan wax la xariira suugaan ha ahaato Tix ama Tiraa, inay marka hore soo aqriyaan horatibyada aan ku billaabay mowduuca isla markaasna ay dhowraan nidaamkaas aan dejiyey ee ka tarjumaya ulajeeddada meesha loo furay asalaamu caleykum.
|
| | Unrecorded Date Suugaanta Ceelbuur. tixdaan waxaa mariyey DR,Ustaad C/qaadir oo ku dhashay magaalada ceelbuur sidaan hore u soo sheegnaba, asigoo dadka ka waaninaya daba orodka kuwa ka shaqeynaya baaba,aado oo qabqablaayasha lagu sheego, wuxuuna yiri. Qabiil qur,aankaan haka dooranninee Qabiix qaawan waayee ha qalabsaninee Qabiil quute waalan ha qaaqaminee waa qaniin dhiigga quutee ha qaraabsaninee waa qash laga quustee ha qiiqsanninee waatuu qaabdareeyee ha qaalinninee Qashiin uri weeyee ha qiimayninee Qurmuun abkii weeyee ha qaadanninee Qarandumis weeyee qardheer kaba tuur Qeelshaha qalalaasaa Allow qaxiyee Midkii qaxinaaya Allow qabri gee Qaadir Adi weeyee dhulkey qurxiyee Qundhac yara weeyee qabaal biyo sii Qaalmaha xamareysan ha qabatiimaanee. Qajaar iyo qoomaal ha wada noqda ee. Qayuum Adi weeyee qoomkey mid ka yeel. Waa yara qalqaleenee qarowga ka qaad. Qareen qabiilkood ah quraan ugu dhiib. Quruunbaan sugeynee quwaddeenna midee. Qaxarbaa qulqulshee qubtaan kaba reeb
|
| | Unrecorded Date Codsi Walaal soo dhowoow,laakiin inta aadan wax qorin waxaad aqrisaa horudhaca mowduuca,
|
| | Unrecorded Date Walaalayaal anigu Ceel-buur umana dhalan mana tagin ha yeeshee waxaan idin Su'aalayaa adinkoo mahadsan in ay dhab tahay in fanaaniinta caanka ah sida Magool, Hanuuniye iyo Salaad darbi ay ku dhasheen Ceelbuur, iyo in kale? Mahadsanidiin
|
| | Unrecorded Date TO: Ahmed A. asalaamu caleykum Axmed salaal qiima badan keddib waxaan kaa raalli gelinayaa jawaabta lagaala soo daahay tan labaad walaal fannaaniinta kala ah Salaad-derbi iyo Magool waxa ay ku dhasheen magaalada ceelbuur, laakiin hanuuniye uma maleynaayo inuu Ceelbuur ku dhashay oo waxaan ku qiyaasayaa inuu ku dhashay baaddiyaha galgaduud haddii uusan baadiyaha ku dhalanna waxay ubadantahay inuu ku dhashay tuulooyinka soo hoos gala ceelbuur gaar ahaan tuulada Wabxa ama tuulada Dac, asalaamu caleykum
|
| | Unrecorded Date Kaa gudoomay salaanta aad baanad ugu mahadsan tahay sida sharafta leh eed iigu soo jawaabtay Qayr, waanan ka qancay arinkaas. Mahadsaanid
|
| | Unrecorded Date asalaamu caleykum walaalayaal waxaan ka xumahay inaan si qaldan usoo qoray gabayga uu mowduucu ku billaabanayo waxaana iigu wacneyd inaan ku soo qoray degdeg mardhow ayaana arkay qaladka ka buuxa sidaas daraadeed ka raalli ahaada qaladkii aan idiin soo gudbiyey, haddana waa kan gabaygii oo sax ah. Qeybta 1aad. Nimanyahow guddoon gabay beryahan waan ka gaabsadaye, garankeyga waa taan ka jaray gocashadeydiiye xalaybaan gigtaan iri hurdada wax igu gaareene halkaan uga gol leeyahayna waan idin garwaaqsiine waxa guurka ii yaalla waan soo geddinayaaye gablan weeye geel kuu dhaloon godol ka maaleynin gablan weeye guga oo da,oon gooshin bixineynin gablan weeye gabadhaa qabto oon gogosha kuu qaadin gablan weeye gibinaad dhashoon guulba curineynin gablan weeye geediyo nimuu gebi ku soo haaday gablan weeye gaammigan yaxaas ruux gabraarsadaye gablan weeye Gooshiyo ninkuu Aarku kala gooyo xalay guul aroorkiyo anoo ciilku igu gaaxay Anigoo gefkii layga galay aanan garan waayin Anigoo gefkeygiyo gacmaha meel isugu geeyey Anigoo gam,eynoo hurdada aad u kala guurray Anigoo gasiinkiyo cuntadu iga gambuurowday Anigoo gabdhaha reer tolkey go,ay haweeneynin Anigoo garoob iyo sidii gabar xishoonaaya gabbaldhac iyo waaberi haddaan guluf la heenseynin gabbaldhac iyo waaberi haddaan gaas la bixineynin ninkaa godobta kaa qaba haddaan gowrac lagu taagin oon goynin hilibkiisa oon gumac la leefsiinnin gebigeed adduunyadan gurracan waan isaga guuri Karanlow haddaan guluf la xirin waan is gowricicye wallaahaan gambooley nihiyo magaca guudleeye waa inaan gambada qaato oo giisho madaxeyga garbasaar inaan qaato oo soo galbado weeyo guntiinada inaan soo xidhoon soo garsado weeyo wallaahaan garooba nihiyo carmali joogta gurigeeda wallaahaan gambooley nihiyo magaca guudleeye wallaahaan gashaantima nahoon aara gudan weynay garwaaxeysigii ka tegay iyo gogol ku jiifkiiye gefka uma dulqaatiyo xumaan layla soo gala,e gardarrada ma yeelloo xumaan waan ka gubannaaye gumac gaaxsanaan jiray markaan godolka sii daayo gebi dumay sidiisii markii la,isku soo guuro waligeyba waan goobi jiray karanle guushiisa guuleysta weligiinba waad gacan sarreysaane ................................................. galiilyada i heysoo wadnuhu ila gariiraayo xalay gelin dhaxaadkii dadkoo kama,sanoo jiifa galleyrkiyo markuu galowgu ciyey gedaankiyo xoogga gurxankeyga iyo riinkiyo guuxa lala yaabyey gu hagaagayoo gala,da iyo geeddi la,i moodyey goohaad madow iyo markaan geeydha bahal yeeshay gaameesha iyo shaarubkiyo miciga soo giiray sida goolka iyo goosha oo gibinnaddii haysta oo laaga guuda galay iyo gebiyo hoostooda oo gowsihiisiyo gacmaha meel isugu geeyey nin galladay ninkii ganay libaax garaye ruuxiiye ma guuleysto ruux iga gardaran guusha karanlaa leh afartaa guddoon lagu hadliyo gocashadeydii dheh go,aanuu nin weyn soo diriyo garasha waayeel dheh gal xareda goob lagu nastiyo geed caleenbadan dheh gogol caar leh guubaabin runa karanle guudkii dheh guul iyo ayaan la,igu garay guluf la heenseeyey.
|
| | Unrecorded Date jumlada dheer ee ku jirta sadarka 18 aad marka gabayga hoos laga soo tiriyo wey kala hooseysaa (yacni iskuguma xirna sidaa aan isugu xariiriyey)waana qalad labaad ee iga dhacay,
|
| | Unrecorded Date Qeybta 2,aad gooni daaqa cawlkiyo waxaa goodir iga yeelay geedaha ugaadhiyo waxaan geri la sheekeystay maroodiga gacanka weyn waxaan gibil ku heenseeyey gardhaalaha shabeel iyo libaax gebi la jiifaayey gabraa,ada galool uu mas galay garabka saartaaba godin geedka lagu gooyn waxaan gacan horreysiiyey gebi dumay garoon geed ka baxay gowla kala guurtay geel aroora ceelkoo gallama geel-jir wada ooyey gambooley cadhowdiyo hablaha guudka laga xiiray odayaal ra,yiga goyn jirtoo geedka laga saaray garbaduub rag loo giijiyoo gacantu naafowday garoomaha rag lagu gowracoo dhiiggu gelelaabay gumeysigu geddaasuu yahay iyo guul darriyo hooge gardarrada ma yeelloo xumaan waan ka gubannaaye waligeyba waan goobi jiray karanle guushiisa guuleysta weligiinba waad gacan sarreysaane gardarrada ma qaatee xumaan waan u gogol xaaray gartu eex ha noqotee ra,yina laysla garan waayin nabad wey gallowdoo samaan weynu kala guurnay garyaqaannadoo idil markii gowrac lagu taagay dhallinyarada goor iyo ayaan layga gummaadaayey dumar aan wax gelin oo gacmahiyo naaska laga gooyo gardarrada ma qaatee xumaan waan u gogol xaaray gammaankeyga gaarka ah markaan gibilka heenseeyey een galab carraabee dagaal ugu gacan-qaaday gadhka feerki aan kaga dhuftiyo gowsahiyo daanka gishaarada markii loo gogloo ganacya weyn taallo geelii gendigu uu cunee wada galoofay ee godolka laga waayey iyo caano laga gaaxsho gufaanuhu hashii uu cuniyo shilin gabaarreyda laga gaaryey laga gooy wixii gibilka boogeeyey geedaha caleentaa cillaan gooni ugu foofsha gurrinkeeda naaxiyo nirgaha gooni socodkeeda guuraha habeenkii ka jira tuugga qaa-tahaye bahal gowsa weyn iyo libaax gowracaa jira,e waligeyba waan goobi jiray Karanle guushiisa guuleysta weligiinba waad gacan sarreysaane sidii gaaggur geed lagu raroo gamashi dayreeda ka gu,iyo gu,yaal badan waxay gudub u saarraato shinnidoo galsheytiyo wuxuu malabku gaaneysto markii galabta loo fuulo oo daarka laga gooyo malabkii ku gaaxdiyo markii miidda laga gaaxsho ninkey gaajo heysaba markii loogu gacan haadsho Karanluhu geddaa weeye iyo gallad Ilaaheeye baalshada macaan iyo jannaan gacan ku nuugnaaye waligeyba waan goobi jiray karanle guushiisa guuleysta weligiinba waad gacan sarreysaane.
|
| | Unrecorded Date suugaanta-Ceelbuur gabyagaan afarreyda ah waxaa tiriyey nin aanan magaciisa heynin laakiin aan idiin soo gudbin doono haddii Alle-yiraa waa tix yar waxaana lagu soo qaatay riwaayada yaryar ee waddanka ka lagu dhigay, ninkaas wuxuu ahaa reerguuraa degi jiray baaddiyaha ceelbuur waxaana lagu eedeeyey ama lagu xantay inuu dumaashidiis u tegay (yacni uu ku sameeyey wixi uu ninku naagtiisa ku sameyn jiray) markii uu ka war helay warka ay dadku isla dhexmarayaan ayuu yiri Anigiyo dumaashiday haddaan duunyo wada raacnay Duhurkii kolkey tahay haddaan doox isugu keennay Daadaansi dabadiis haddey diiday oran weysay Doqonbaa ka taga siiil hadduu meel dayacan yaallo
|
| | Unrecorded Date Dhamaantiin waad mahadsan tihiin waxaana aad iyo aad ugu faraxsanahay in aan arko dad badan oo haayo taariiqda reer ceel waxaana jecalahay in la iga siiyo fikrad geedka loogu magac darey ceelbuur ku yaal oo aan maqley in uu yahay geed aad u qurux badan sida mapleaf mar labaad aad ayaan idinkuku mahadcelinayaa
|
| | Unrecorded Date Qeyr. Waaad mahadsan tahay. Waaa lagu faani karaa waxa meeshaan ku qoran. waslaam.
|
| | Unrecorded Date TO:guleysta asalaamu caleykum warraxma tullaahi wabarakaatuhu walaal iga guddoon salaantaas qiimaha badan marka xigtana geedka layiraa Ceelbuur-ku-yaalle waxa uu ka baxaa magaalada dhankeeda Bari, laakiin waa laba geed oo isku dhinac yaallo isla markaana Ilaahey u dhiibay dhirir iyo qurux oo marka aad hoostooda joogtid waa cagaar iyo carjun hoganeysa ay indhuhu ku doogsadaan iyo caraftii lagu yiqiinnay nabaadka oo gu, iyo jiilaalba isku mid ah, marka aad ka dheeraatana geedahaasu waxay leeyihiin midab higil ah, dadkuna waxay ku sheegaan inay labaas geed ay yihiin Lab iyo - Dheddig waana arrin suura gal ah marka lagu dhereriyo cilmiga sayniska, calaakulli-xaal labadaas geed ee ceelbuur ku yaallaha layiraa wey qurux badanyihiin waxaana bilicdooda sii muujinaya balliyada ay xareeddu ceegaagto oo aanan badanaa gurin iyo fardaha waaweyninka badan ee degmadu caanka ku tahay oo badanaa aanan geedahaas hoostooda laga waayin iyagoo marka ay dararaan usoo harsi taga neecowdaas udgoon, balse inkastoo ay labadaas geed muuqaal wanaagsanyihiin waxaa jira arrimo badan oo quruxdooda muujinaya, taasina waa sababta uu fannaankii soomaaliyeed ee caanka ahaa Salaad-derbi ugu soo qaatay tusaalaha markiiuu ammaanayey gabadhi uu jeclaa.
|
| | Unrecorded Date TO: Walaal walaal salaan qiima badan keddib waxaan ku faraxsanahay sida aad noogu dhiirri gelisay qoraalladeenna aan ku soo bandhignay gabayadii reer-ceelbuur waana runtaa oo waa lagu faani karaa laakiin waxaa meesha ka maqan gabayadii Lawgurray iyo C/kariim Axmed-gindhish oo ahaa gabayada xulka ah marka laga hadlayo suugaanta reer-ceelbuur waxaana rajeynayaa in mardhow lasoo gudbiyo inshaa Allaah
|
| | Unrecorded Date Codsi Walaal soo dhowow laakiin waxaan kaa codsanayaa inta aadan meeshaan wax ku qorin inaad soo aqriso horudhaca mowduuca.
|
| | Unrecorded Date to qeyr saaxib qeyr aad iyo aad ayaad u mahadsan tahay sida wacan ee aad iigu faahfaahisey quruda geedka waxa aan jeclaan lahaay hadii aad heyso sawirkiisa in aad ii soo dirto mida kale hadii ilaahey yirahdo mar ayaan jecelahay in aan soo fiirsho ceel buur mahadsanid
|
| | Unrecorded Date TO:guuleysta walaal marka hore waan ku faraxsanahay haddii aad ku qanacday warbixintii aan ku siiyey marka xigtana waa ka xumahay oo ma haayo masawirkii Ceelbuur-ku yaalle laakiin marka aad ceelbuur booqatid masawirro badan nooga soo qaad geedka si aan uga dhiganno postcard, asalaamu caleykum
|
| | Unrecorded Date TO: reer-Ceelbuur. asalaamu caleykum warraxmatullaahi wabarakaatuhu. walaalayaal salaan keddib waxaan ku faraxsanahay raqlaha wanaagsan ee uu ku guurayo qoraalkeennu iyo murtida u badan gabayada iyo geeraarada ee halkaan lagu soo bandhigay weliba ay noo dheeraayeen kaftanka iyo sheekooyinka yaryar, intaas dabadeed anigoo billaabay mowduucaan isla markaasna jecel inaan sii wado ayaan ka cudur daaranayaa inaan meesha (netka) ka maqnaan doono muddo lix ilaa todoba bolood ah oo safarbaan u baxayaa mana u maleynayo inaan waqti u heli doono internetka, waxaanse rajeynayaa inshaa Allaah marka labaad ee aan meeshaan ku soo laabto inaan idiin soo gudbin doono gabayadii xulka ahaa ee ay tiriyeen reer-ceelbuur sida gabayadii C/kariin axmed gindhish C/dulle cali ugaas iyo Lawguray Ilaahey dhamaantood ha u wada naxariistee, haddaba walaalayaal ula ulajeedadeydu waxay tahay in goobtaan lagu xafido si nadiif ah laguna soo kordhiyo wixii suugaan ah ee reer ceelbuur laga hayo, kolley anigu waxaan hayaa gabayo ilaa 15 gaaraya oo isugu jiro amaan, caraadis, halxiraale- iyo jawaabtiis, inkaar, xifaaltan, majaajilo IWM, laakiin waqti munaasib ah ayaan la sugayaa waxaana u maleynayaa inaad ila garateen meesha aan ka hadlayo waana sidaas arrintu ee meesha noo xafida.
|
| | Unrecorded Date QEYR Miyaadan Ceelbuurba dhaafayn gaarigaagu gaabiyee. Maad iska tiraahdid MURTIDA KARANLE haba lagu kala guuree. gabaydaas yaa tirshey,kumo kale ma haydaa, gobolada kale ma ku talo jidhaa inaad ka aruurido, ma gobolaysi baad waddaa
|
| | Unrecorded Date TO:Wiil wiilow salaan keddib haddii aad aqrisay qoraalka uu Qeyr ku soo gudbiyey bogga ka sarreeya qaraalkaada wuxuu sheegay inuusan meesha ku soo laaban doonin muddo todoba bilood ah, sidaas daraadeed anigoo ku jira booskiisii maaddaama uu yiri"suugaanta-reer-ceelbuur" aniguna aan ahay reer-ceelbuur ayaan doorbiday inaan dhaqsa kuugu soo jawaabo maadaama uu hadalkaadu yahay mid ku fadhiya macna weyn isla-markaasna u baahan jawaab u qalanta, Wiilow su,aashaada ah " miyaadan ceelbuurba dhaafeyn gaarigaadu gaabiye"? su,aashaas waxaan kaa iri " kun tillaabo kow ayey ka billaabataa" waxaana ula jeedaa howshu waxay ku habboontahay in loo kala hormariyo sida ay kuugu kal sokeeyso ma garatay, shu,aasha kale ee ah "maad iska tiraahdid murtida karanle haba lagu kala guuree"? iyadana waxaan kaa iri " Karanle waa qabiil weyn wuxuuna u kala baxaa afar lafood oo kala ha , Kidir Kaariye Seexowle iyo Murusade, afartaas lafood marka laga reebo Murusade waxay degaan soomaali galbeed, laakiin murusade oo ah lafta ugu tirada yar ayaa degta goballada dhexe (galgaduud) haddaba haddii la yiraa suugaanta karanle waa in la raadiyaa gabayadii ay lafaha kale tiriyeen sheekaduna waxay noqaneysaa qabiileysi, ee mid maad dooran lahayd qabiileysi iyo gobaleysi? dabcan gobaleysiga ayaa la qaatay, laakiin arrintuba sidaas ma aha, ee waxaa loola jeedaa in aruurinta suugaanta laga billaabo ceelbuur keddibna loo tillaabsado intii la kari karo, tanlabaad ee ah "gabayadaan yaa tiriyey? gabayadaan abwaan soomaaliyeed ayaa tiriyey waana lasoo gudbin doonaa magaciisa inshaa Allaah laakiin haddaa dooneysid inaad wax ka ogaato meesha uu ku dhashay ama cidda uu u dhashay waxaad ka fahmi kartaa gabaygiisa meesha uu ku leeyahay, "afartaa guddoon lagu hadliyo gocashadeydii dheh go,aanuu ninweyn soo diriyo garasha waayeel dheh galxareeda goob lagu nastiyo geedcaleen badan dheh gogol caar leh guubaabin runa karanle guudkii dheh guul iyo ayaan la,igu garay guluf la heenseeyey. waxaadna tiri Qeyrow gabayo kale ma heysaa, qoraalka ku xiga ee ka sarreeya kaada ayuu ku sheegay inuu hayo 15 gabay kuwa kale oo muhiim ahna uu soo gudbin doono markuu soo laabto, marka arrintu ma aha gobaleysi ee soomaaliyeysi.
|
| | Unrecorded Date Walaalayaal reer C/buur aniga waxaan ahay reer Garoowe waxaanan aad ugu farxay sida quruxda iyo masuuliyada leh ee aad isugu duba rideen pagekan. waxaan daabacanayaa dhamaan gabayadan waxaanse murtida soomaliyeed ugu jeclahay Shiribka iyo Guurowga laakiin aan wax yar ka hayo marka idinku horta guurow ma leedihiin mise qolyaha reer abtigiin ee idinka hoseeya uun baa iska leh (joke!). waxaan jeclaan lahaa inaad noo qortaan dhawr guurow ama aad noo tilmaamtaan meel aan wax ka helno. sidoo kale Shiikh Maxamed Gabyow oo aan u haysto Halgamaagii soomaali ugu horeeyey wax murti ah ma ka haysaan? Mahad sanidiin.
|
| | Unrecorded Date To: Anonymous Reer-Garoowe iga guddoon salaan walaaltinnimo tanlabaad anigoo ku faraxsan sida wanaagga badan ee aad su,aasha noo soo weydiisay iyo habsamida qoraalkaada ayaan jecleystay inaan ku siiyo jawaab ku qancisa maaddaama aan aamminsanahay inaan ku roonahay su,aashaada jawaabteeda, waana ku mahadsantahay dhiiri gelintaada ah inay meesha ka muuqato xilkasnimo, intaas keddib walaalow anigu waxaan ku dhashay baaddiyaha ceelbuur gobalka galgaduudna dhankasta ayaan geel ugu raacay mana jirto ferin ama ceel ama meel lagu kulmo aanan cagta dhigin ma garatay sidaas ay tahayna waligey ma arag dad guurow cayaarayo laakiin shiribka waan maqlay inkastoo deegaanka aan ka imid laga tirin jirin hadana nagama foga waana tixo iyo ciyaar isku dhafan oo weliba ay xigmadi ka buuxdo waana ka xumahay oo hadda mahayo waxbadan ayaana maqlay laakiin hadda waxaan ka xasuustaa oo keliya, "MINEEY FATUURO FII TIRAA NINKII FADHAAYA MAA FAYOOW", waxaanse jeclaan lahaa in dhulka aan ka imid laga heli lahaa fan-suugaaneedkaas kale duwan sida guurowga shiribka gablowshimbirka iyo kuwa kale ee faraban laakiin ciyaaraha reer-ceelbuur lagu yaqaanno waa Wilisaqada oo keliya waxaa soo raaca baraanburka suurowga haanta iyo kuwa kale, ugu dambeyn qeybta ugu dambeysa su,aashaada ee ah inaan wax murti ah ka heyno Shiikh maxamed - gabyow anigu wax kaama oran karo laakiin waxaa kaaga soo jawaabi doona walaalaha kale ee iiga aqoon roon, Asalaamu caleykum waraxmatullaahi wabarakaatuhu.
|
| | Unrecorded Date salaamu calaykum dhamaan. to..reer ceelbuur waxaa tihiin dad aqyaar ah ilaahayna ha idiin saa'idiyo dadaalkiina waxaa tihiin dad macquul ah ee ku socda sidiina . waxaana jecleystay sida aa walaalihiin ugu jawaabteen ilaahayna haka dhigo soomaalida kale idinkoo kale
|
| | Unrecorded Date To: walaalaha reer-Ceelbuur Reer-Ceelbuurow sidaas ku wada, waa muhiim aruurinta suugaantu walow aanan meesha ku arkin gabayadii xulka ahaa laakiin ninka Qeyr la yiraahdo Ilaahey qeyr ha siiyee uu ballan qaaday inuu soo qori doono marka uu soo laabto, laakiin waxaan idin weydiiyey maadaama la yiri waxaan soo dhoweyneynaa wixii tix iyo tiraaba leh, sow lama hayo murtidii gobalka, aaway hadalladii qosolka badnaa ee Nageeye, war meesha wax ku soo dara, anigu waxaan hayaa sagaal gabay laakiin waa wada qabyaalad oo waan ka xishoonayaa inaan soomaali oo dhan soo hor dhigo oo qabiilooyinbaa lagu caynayaa ama colaado hore ayey xariir la leeyihiin, ee bal iga hooya tixdaan yar waxaan tiriyey dorraato keddib markii aan layaabay dhallin yara soomaaliyeed oo qabiilqabiil isku caynaya doodo nuucaas ahna ay ku dhexmarayaan netka, waxaana iri, Dhallinyarooy qabyaaladdu Dhul-abaahi weeyaan Dhallaankiyo cirroolaha Dhumineysa aadmiga Dhadhankeeda dhuxunta ah Dhuuri aan laga reysan Dhuunkaal sideediyo Dhuguc uraya weeyaan Dhaxalbeyse reebtaa Dhaxalkeedu wuxu yahay Dhoohanaan waligeeda Dhufaan aan la dareemin Dhimaadkoon wax la dhaamin Dhimir aan sameyn iyo Dhugmo aad u qalloocan oo Dhallintiyo dhallaankaba Dhegta dhiigga loo daro Dhallinyarooy i dhegeysta Dhibaatada qabyaaladda Dhan kastaan ka eegoo Dhul shisheeye aad iyo Dhoofbaa iila roonaay Dheddig iyo laboodoow Dhufuqley irmaan baan Dhaahii ka wareejinoo Dhaay baan idin siine Dhudhun soo bal dhowaada Dhuxulkurreebka qabiil iyo Dhu,dhu, aan soconeynin Dhuunbaa kuula imaane Dhegahaada fureyso Dhidibkii sugnaa iyo Dhabbihii nabigeenna Dhinacaas bal u leexoo Dhiidhiga qabiilkana Dhegahaada ka awdo. meesha aan ku leeyahay " dhul shisheeye aad iyo dhoofbaa iila roonaay" waxaan ula jeedaa maadaama qabyaaladdu dhankastoo laga eegaba ay tahay kaxandho dhibaatooyinkeeduna farabanyihiin ayaan u arkaa in qaxootinnimadaan iyo ku noolaanshaha aanu ku noolnahay dhulal shisheeye ay tahay dhibaatadii ugu yareyd ee qabiilku ama qabyaaladdu noo geysatay, waxaan marmarka qaarkood ku qoslaa soomili wax ka sheegeyso jibsiga ama singarka waa dad ay reer yurub bara kiciyeen dhulkoodiina la qeybsaday waxayna ka dawarsadaan dariiqyada waddankasto ee yurub ah, haddaba dadkaas oo waddankoodii xoog looga qabsaday iyo soomaali oo waddankeedii iyadu qarribtay yaa gar leh? dabcan jawaabtu waa iyaga, haddiise ay jawaabtu sidaas tahay sow kama liidanno yaanse eersaneynaa sow gacmaheenna ma aha? haa dabcan, sow lama dhihin "doqoni qufacday meesha laga hayana garan weysay" sow maahmaahdaasu naguma dhaboobin kolba haddii qurunkii waddankeenna halligay aynu maanta dabada heyno, ugu dambeyn waxaan ku faraxsanahay sida wanaagsan ee ay sheekadiinnu ku socoto run ahaanti weli maanan arag meel ay soomaali ku kulanto oo meeshaan ka wanaagsan marka laga reebo bogagga diinta, waana ku faraxsanahay sida wanaagsan ee aad wax ku waddaan, asalaamu caleykum
|
| | Unrecorded Date TO: Yaasir Asalaamu caleykum yaasirow ducada aad u duceysay reer-Ceelbuur Ilaahay wax iga soo gaarsiiyo, waadna ku mahadsantahay dhiirri-gelintaada
|
| | Unrecorded Date suugaanta ceelbuur Beribaa gabar sir iyo qayaano badneyd waxay is qabteen wiil, arrinkoodiina wuxuu jiitamayey muddo sanad ku dhawaad ah ilaa markii dambe ay wiilkii badday ciil iyo jab uusan kasoo kabsan karin noloshiisa, markaasuu inkaartamay oo yiri, Todobadi ugaasbaan kuu kacshaye tiir ku kadalloobso Kor u gubo kariimkaan kuu baryee kolay ku tuugmeyso Muslimkuna kaalmuu helaaye kalow hasoo siinin Jirraq laamankiisi qaba iyo jebiso ku haleele Jafka ka ur jalaanjil la fuq oo jiis u luga laabo Jinni owra maahane wadaad jaaha kuma saaro Abeesadi carrooleeyaheed cagaha kuu laabtay Aaqirana jannaa laga fishaa ee jilin ha laalaadin Wabka beel waraabow la taah waran la jeejeeso Baarqabka shanbaa lagu dhaansadaa ee shaw ku garab dhaanso Dhab ha dhigan dhareer muluq ha tiran dheri ha qoolaaban. walaalayaal sida sheekada cad oo uu ninku leeyahay "7dii ugaasbaan kuu kacshaye tiir ku kadallaabso" waa in uu gabaygu ahaa waayo hore ugaasyada beeshuna ay soo taxnaayaan silsilad ilaa todoba oday gaareysay oo keliya, sidaas daraadeed waxaan ka xumahay inaan haynin ninka gabayga tiriyey magaciisa.
|