Walaalkiin | Unrecorded Date Nabad iyo Naxariis Ilaahay Korkiina Ha Ahaato Fadlan ii dul qaado oo walaalow qadari rayiga kale oo qadaf iyo meel ka dhac iska dhawr. Waa dood cilmiyeed iyo qof iyo aragtidiis. Saddex qodob ayaan soo bandhigayaa in la faaqido, la rogrogo, la cilmiyeeyo, la darso oo la lafaguro ee ha naga hagran rayi iyo aqoon wixii ilaahay hibo kuu siiyay. Waa dan walaaltinimo iyo raadin QARAN IYO QAWMIYAD Soomaaliyeed ee qaybtaada qaado. Ma dalkiinii oo maqan baa ninna ERAY u tuurayn! 1- MIDNIMADDA GAYIGA SOOMAALIYEED WAA MUQADIS. 2- XUQUUQDA QOFKA SOOMAALIYEED WAA MA GUURAAN. 3- HOGGAANKA IYO HANAANKA DAWLADNIMO WAA RABITAANKA BULSHADA SOOMAALIYEED AY KU MUUJIYEEN AFTI GUUD. Doodda ka furan golahan waxay ku wajahan tahay qodobka koowaad. HOGGAANKA IYO HANAANKA DAWLADNIMO WAA RABITAANKA BULSHADA SOOMAALIYEED AY KU MUUJIYEEN AFTI GUUD! Haddii ay suurta gal noqoto oo aad ka qayb qaadato gogasha ay fidasay Dawlad Jabuuti ee lagu faaqidayo sidii dib loogu dhisi lahaa QARAN iyo QAWMIYAD Soomaaliyeed: 1- Ma ku adkaysan lahayd qodobkan? 2- Ma kula tahay in bulshada Soomaaliyeed diyaar u tahay Hoggaan iyo Hanaan Dawladnimo? 3- Ma ku aamini kartaa bulshada Soomaaliyeed xil intaa le'eg? 4- Mise kula tahay in dad gooni ah loo xulo sidii loo dejin lahaa Hoggaan iyo Hanaan Dawladnimo? 5- Sideed u aragtaa AFTI GUUD? Suurto galse ma tahay in la qaado AFTI GUUD? Qodobada kale doodda waxaa u furan gole kale ee soo booqo oo Mudane iyo Marwooyinow idinkoo mudan qadarin iyo gacaltooyo raagtay aynu wada raadino MAANDEEQ. Ilaahayow Noo Naxariiso |
Mocow | Unrecorded Date labadaan qodob maxaad ka qabtaa? 1- Hadalada dawladii hore ay ceebaysay ee markii la maqlo la soo xasuusto "Kaadiriintii" iyo "Hawlwadeenadii" xisbiga naga dhin waayo daacadnimadooda waa laga quustay af soo maaliguna ma yara. 2- "MAANDEEQ" waa magac geel soomaaliyana waxay ku burburtay maskaxda iyo gacmaha dadka yaraanta geela ku raaci jiray markii dambena "HOGAANKA" wadanka qabtay ee walaalow iyadana naga daa. Isticmaal hada ka dib magac malaay, Beeraha, Farsamooyinka IWM waayo hada geel nalaka dhacay oo aan soo celineyno majiro. |
Walaalkiin | Unrecorded Date Nabad iyo Naxariis Ilaahay Korkiina Ha Ahaato Mocow salaan diiran oo xumbo iyo xoor leh iga guddoon. Hannaanka dawladnimo iyo hoggaanka dadka Soomaaliyeed doonayaan in dal iyo dadba lagu maamulo soo haboonaateen in la: raadsho, faaqido, lafoguro, doodo, kabo, sharxo, fidiyo oo markaa la isku raaco. MAANDEEQ ma dadbaa mise waa duunyo. Anigu waxaan u haystaa magac weyn iyo murti fog ee ha dibsan Mocow walaalkayow. Ilaahayow Noo Naxariiso |
NeefoowKaniini | Unrecorded Date ,,,,,,Kuuli Fidna Cinda Geel,,,,,,, Ha u qaadan Macoow inaan kuugu raacay arrinkaad soo jeedisay se Afka Soomaaliga Hoggaan mar waliba waa hoggaan,,Hannaan waa Hannaan, marka haddaad heyso Af Soomaali Cusub iyo Erey bixin kale bal inoo soo rog aanu isaguna eegnee se Afka soomaaliga isu baddalli maayo ruux aad jeceshahay iyo mid aad adigu necebtahay aawadii. Halkan bal maanso yar aan ku soo gudbiyo oo Af guriga Banaadir lagu jilay tiyoo aanan wada dhammeynahayn,,,,,.. Dhulkeena Sheedaha dheer Sharqigiis iyo Gabligiis Shimmaal ii Januubkiis Dhammaan Heer Shaqaabe Anigoo magaciin ku hadlaayo Dhammaan waa idiin salaami Ee Anigaa shoor qaba maanta Arrin aa i shidaayo oo Shafkeygaana ku yaalo Shacuur weenna iga keeni Ee yaa iga shaafi koraaya Adigoo shaqal dheer Arrintaada ku shareerin Shiin ii miimna kala saari Sha'uuntaada Caddeey Anigaa sharaxaayo ee Shib dhahoo i dhageeso Shangeesoole wankii Shirkada aan ku eheen Ayaantaan shanqartiisa ii Sheekadiisa ma makhlooyi Yaa shahuudi oo arkooyo Walaahi Shida waaye Anigaa sharibaaya'e Muggii Baaba Shamcuun Bilaash uugu Shamuumeeni Sharaxii la tumaayi Luubaantii la shidaayi Sheydaankii laga naaray Ammaas shuushkaasba raaci Sharka Cawdu bilaahi Shirkaaseey ka gadaal Shaharkii ramazaan Shalamaantalahaan ka horeesi Usi oo shacnigiisa ku joogo Shucaaciisa ii muuqa Shamsadaas la mudaayo Anaa Shaahid Caleehi,,,,,,,,,,,,,,,,,, Maanta weyga intaa se kolleey noqotaba maalin baan soo qorahaya waxa mowduucani aaan ka qabo,, NeefoowKaniini |
dacar | Unrecorded Date ,,,,,,walee anigu magaran dulucda weedha meesha taalo ee walaal ama walaalkiisa hadba kaad doontid,kolay anigu waa ii mid,ii bal-balaari erayga maandeeq oo aadan ku sheegin duunyo iyo dad waxay tahay,adigoodan meelkale la'aadin ama aadan u qaadanin arin gaareed, ee ilaah baan kugu dhaarshee bal jawaab isku day,,,,,,,,,,,,,,,, war Macow walaalow anoonan hadalkaaga diidinoo kuguna raacay arin kaliya oo waad sidaad utiri qolo Geeleeyaa wax hogaamiyi jirtay,bal waayahay Geeleey(Geeljire)waa ay socdeenee,wax dhaama keen adoo ilaahay ka baqaya goobtana ha keenin Dameer inlee Geeljire aan meesha kacayriyay,,,,,,,,, dacar-dacar-dacar |
Mocow | Unrecorded Date Yaayah! Aryaa xaad isugu hiileydaan? inya xamar ku korteen aad muggaad qaxdeen geeleydii la soo safateen! Mar haddii wax la wada doonahayo waxaa wanaagsan in murtida loo isticmaalayo ay ahaato mid micne siman u kordhinaysa dhamaan dadka ay hawshaasu ka dhaxayso aniguna dameer, mallaay, qooley, beeraley iyo geel jire ma kala jecli waxaanse jeclaan lahaa in si dareenku u saameeyo gees ilaa gees dalkeena dadka ku nool, in habka wax loo doonayo iyo ereyada la adeegsanayo - haddii ay suuro gal tahay - ay dadkeenu waxay wadaagaan noqdaan. Walaalayaal arrintaasu waa iga dareen, sax iyo qaladna waa noqon kartaa, ha ahaatee waxan ka tusaale qaadanayaa dhacdooyinkii in qarni ku siman wadankeena ka dhacayey waxaanan filayaa inaad ila og tihiin in hadii qof gaar ahi monopoly ku qaato wax la wadaagay ay dhicis noqonayso hawshaasu. |