     AhmedDeeq | Thursday, December 21, 2000 - 08:29 pm
Marka hore Ilaah Ha u naxariisto dadkii sida darxumada iyo gaajada ugu dhintay somaliya iyagoo maati naftooda la cararaysa ahaa. Inta ku dhibaataysan maanta ee Somaliya jooga ama xero qaxooti, in Ilaah dhibkaa uga soo gargaaro. Amin
Waxyaalaha iigu naxdin badnaa ee aan maqlay way badan yihiin, lakin waxaa ka mid ahaa; Hooyo caruur sadex ah la soo lugaysay, aad bay u gaajooteen, Ilaa ay ka gaareen Heer ay Gaajo Ilmihii Ugu yaraa U dhintay, kuwa kalena ay qarka u saareeyeen dhimasho, Waxaa dhacday inay Hooyadii U baqday labadii hartay. Waxay ilmihii siisay maydkii walaalkoodaa yar ee dhintay. Ilaa cabaar ayay ku soo dhaafen, Laakin gaajadii ka sii xumaatay, hadana mid kale ayaa dhintay, Hadana kii bay soo cuneen ilaa ay ka soo gaadheen meel dad joogen. Dadkii doomaha ku dhintay, marka hore xag alle ayay ka qadarnayd. Laakin qaladkii ay sameeyeen dadkii markabka waday wuxuu ahaa baa la yiri; dadkii baa hoos lagu raray, dushoodiina xamuul culus ayaa lagu soo saaray, dhibaatadii markay dhacday, ee markabkii dagay, dadkii meel ay ka baxsadaan mayan jirin culayskii dushooda saaraa dartiis. Sidaas ayayna ugu wada dhinteen. INaa Lilaahi Wa Inaa Ilayhi Raajicuun. Yaman dadka aaday ee doonayay inay sacudiga U gudbaan, waa la qafaashay oo maanta waxa ay yihiin Adoon Lagu shaqayto. Dhibaatada ugu badana haba gaadho dumarka e hadba siday u sii kala yaraayeen.
Sababta aan Waxan halka ugu soo qoray waxaa weeye Inaynu xusuusano dhibaatoyinka soo gaadhay Umadeena soomaaliyeed iyo Inaynu ku xusno taariikhda, si mustaqbalka caruurteena ay uga foojignaadaan inay iska ilaaliyaan wax u keeni kara dhibaatooyin noocan oo kale ah
Wasalaamu Alaykum |
