     Damac | Tuesday, February 13, 2001 - 09:15 pm
Saha kacay sababahakan dhacay, samada qiiqowday
Sannahaabo iyo qaylo iyo, siigo iyo weerar
Dunideer saraayada col iyo, salowgu oomaari
Saaxiibbadeer kala ordee, sadarba meel aaday
Sokeeyaha safeyn kala noqdee, suuqyadays geliyey ,br> Soddognimo qaraabiyo hadday, siiradii dhimatay
Ummaddii salaaf iyo hadday, sagan la rooreyso
Hadday saacideen gaaladdii, saraca keeneysey
Sallallaahu Nebigii haddii, sowjar lags doortay
Saraakiisha dhoorka leh haddii lagu sarqaamaayo
Suweyn baan dadkiis ahay haddii sowdka laga yeedhin
Isagu seeruhuu dego haddii, saakun laga yeeshay
Awgii siyaarada lahaa, selel hadduu qaaday
Oo ay sahwiday culimadii, Saxal mariikhowday
Saxariirka aakhiro hadday, sax u ogaan weydey
Hadday sanantay maantii sharciga, saaca loo kiciyay
Oo ay subbeehiin noqdeen, silic Alluu keenku
Ka subxaanAllaahiiye kufriga, sanac hadday moodday
Sidii Eebbahay yidhi haddii laga sawaalaayo
Soonkiyo salaaddii haddaan, suura laga haynin
Sekadii Ilaahay haddaan, suus la bixinaynin
Xajkii sun iyo waabay haddii, loo saddimanaayo
Ninkii soof xerayn jiray haddii saabir laga yeelay
Sirqadii gabowdiyo haddaan, sebi la dhaafaynin
Sir iyo tuugo saanjigaa la fali, saaka iyo caawa
Subaxdii waleetaba dulmiga, laysku sowliilin
Saddexdii walliyo been wexeer, suuqa lala meeri
Sunniyo waajib sooryada martida, sadaqadii iidda
Suugaantan iyo suufinnimo, saamixiddii diinta
Sucdigii haddii laga tegoo, samo la diidaayo
Gabadh suura aqal saari badan, dadab la saynsaabay
Soddon baarro saabley gingiman, saraba ceegaagta
Salli gogola saahood la shiday, saaqatada qaaca
Sinnifad xariiriyo baftiyo, khayli iyo suuti
Senge buuran soogaan darmaan, salaba guud dheer leh
Sidko ramag Seenyiyo Idiin, Soobir iyo Ayro
Rimay sarara weyn, gool sakiban, qaalmo surunsuura
Abeer suruqday oo awr sanoo, siigan lagu qooqshay
Lo' samuulad, adhigoo sunsumi, sabada oo buuxda
Sareedadii Ilaahay haddii loo saldhigi waayey
Si gurracan haddii lagula kici, sedo nin kuu dhaanshey
Goortii lagaa sido haddaan, lagu salaamaynin
Saadkii hadduu dhici ninkii, lagu sibaaraayey
Haddduu siir run kuu qaban ninkaad, sere u qaadeysey
In kastaad saxiix tahay haddaan lagu sinaadaynin
"Impact">Ninkii xaqa u saahida haddii, saa'il lagu maagi
Weliyada sawaabka leh haddii, suufka laga diiran
Safiih niman ahayn haddaan, lays sariigeynin
Intii kugu sintaarrayd hadday, siifad kula dooni
Nimaan saaqna kaa gelin hadduu, suudi kugu meerin
Adaan sara u eegayn haddii, lagugu soo haadi
Hadday seeddinimo baaqatoo siira tari wedey
Saddiiq nimaad ahaydeen hadduu, kuu sallimi waayey
Ninkii khayr sunnayn jiray hadduu, samir Ilaah joogo
Nimanyahow siyaalaa jiroo, saancaddaa, timide
Sifaalahaa adduunbaa beryaha, lala sureeraaye
Malaa saacaddii baa dhawoo, suurkii la afuufye
Sugi maayo qeyrkay wuxuu, seegay waayaha'e
Waatii saxaabkii la jaray, suubbanaan jiraye
Soddon guuradii waxay ahayd, sanada maantaaye
Siiniyo Hindiys Sidaamo iyo goob, Siig iyo Reendiinle
Sudeen iyo Sureeriyo Hawiye, Sab iyo Soomaali
Subeer Maxamed Siwaaq Hartiya, Sade Marreexaanle
Sankuneefle oo idili haddii, saafi Iaga waayey
Oo aan samaan laga helayn, si xille mooyaane
Dantay inaan seegaa markaa, waa igu silloonaane
Nin sidayda oo kale noqdaa, sebi ka weynaaye
Nin saqiir yar ii filahayow, sayncaddaan ahaye
In kastoo la ii samadaho, sawdka waan garane
Haddii uu nin siriq ii maldihi, samasha ii daadin
Haddaan lay sandihin waan ka didi, saarka laaca'e
Suryada iyo hantaqa ay qodeen, waan ka suudaliye
Uunkaba saqiir iyo kabiir, waa ka sowlixiye
In kastay salaax igu wadaan, ima sabaayaane
Sanqadhaan ka didayaa sidii, sanis ugaadheede
Sonkor iyo sarreen malabliyo, sixin ku iidaaman
Haddii lay sanuunado hilbiyo, sedo la googooyey
Saneeggaan ka rogayaa waxey, iigu suuldhabiye
Sii kac oo tag baan odhaanhayaa, saaddambaan imane
Aroos reer suldaan iyo ninkii sawjad igu dheelmi
Dabadeedna sool hawda iyo seeri baan xuliye
Saqaafaha cagtaa raadku waa, siisahoo kale'e
Markuu saamasaamaha galaa, laguyu suufaaye
Sallax dhagaxa meeshaan lahayn, suulashaan dhigiye
Waayeel sahay ii wadiyo, saami iyo xoolo
Saarsarkiyo hadday soo degaan, suuqa gurigayga
Sed inaan ka qaatiyo ma karo, inaan ka socdaaye
Cimrigey sagaal boqol haddii laga siyaadeeyo
Nimankii iblays igu salliday, suruq anaan keenin
Sadarkayga kuma taal inaan, sahal u raacaaye
Haddii seefo iyo maarre iyo, sumuc la ii qaato
Cadaawuhu hadday igu solaan, sakhara naareedka
Meeshiyo Sawaakimi haddii, la iga seeraarsho
Sekadii Cadmeed iyo haddii, Saaxil la i geeyo
Ferenjiga la saariyo haddii, la igu sooyaansho
Samci maayo sowdkaan ahayn, siinka looxa ahe
Eebbow salaamey anaan, sadarka weydaaran
Maruun baan sursuuraha ka bixi, saymahaan galaye
Eebbow naflii kale sugaye, adigu hay soocin
Sayyid muxammad. |
