     Anonymous | Sunday, October 29, 2000 - 05:19 am
Marka hore, SNM, waxay dhashay Dawlad, la yidhaah Somaliland, reer kastana, wuxuu dirtay xubno uga mid noqonaya golaha siyaasadda. Halkaas ayaa siyaasadda iyo aayaha Somaliland lagu goynayaa. Waxayna ka godaa dadka shacbiga ee gudaha jooga. Ninkii ina cigaal neceb, wuu u leeyahay xaq, waana madaxweynihiisi, cid u diidaysa, inuu wax ka sheego, ma jirto. Laakiin dalka iyo ciiddu waa ma gooraan, lama taabtaan. Taas horta ha la fahmo.
Tan kale. Ina Buubaa, waa nin aan 6 sanno ee u dambeeyay dalka gudihiisa joogin. Waa nin aan qeyb weyn ka qaadan nabadaynta. Haddaba, haddii ay dhab ka tahay, inuu doonayo inuu dadkiisa la tashado, wuxuu arrinkiisa ka billaabi lahaa Hargeyisa, ee cadow kuma soo hoggaamiyeen.
Waxaa maanta dadka uu ka dhashay, u arkaan nin dagaal geliyay, waxbana uga tari kari waayay, kadibna nabad ayay qaateen. Taasoo ay la qaateen dawladda Somaliland iyo beelaha kale ee Somaliland. Maanta wax kasta haddii la sameeyo, cid dambe oo dagaal gelin kartaa ma jirto. Way ka ilbaxeen, talaayeen. Markaas ninkii Xamar tegayaa, dantiisu sidaas ku jirto, isaga ayaa yaqaan, wuuna tegay, isagoon cidna la tashan, markuu tashadayna, imika markay ku xumaatay, ma suuroodow, inuu yidhaahdo : talaayeey.
Way dhammaatay wakhtigeedi. Cabdiqaasim ayaa u tol ah, ee ha caawiyo. Laakiin dawladda iyo beelaha nabadda ku nool ee reer Somaliland dab ha la soo gelina, nabaddooda ha ka carqaladaynin.
Mucaarid ninkii doonaya inuu dawladda ku noqdoo, waxaa la furay xisbiyada nooca tirada badan. Soo sameyso xisbi mabaadii leh, kana raadso beel kasta dad xubno kuu noqda. Maxaa kugu xayiraya beel keli ah. Waayo haddii aad la colowdo beelaha kale, dee ma xukumi karaysid hadhow.
Waxaad noqonaysaa codowgooda.
Arrinta Somaliland, maanta ma joogto Cigaal, Buubaa, Jaamac Yare, Cabdiraxmaan iyo shaqsi qudh oo keliya ah. Waxay ku xidhan tahay isfahamka beelaha, nabadda dhexdooda ka bilaamay, taasoo u keenay kalsoon ay ku qabaal dawlad Somaliland ah, ninka madaxweynaha ka ahina aanu muhiim ahayn, ee uu yahay uun nin xil lala ogyahay loo dhiibtay, oo khaadimka shacbiga ah. Shalay Cabdiraxmaan Axmed Cali ayuu ahaa. Maanta waa Maxamed Xaaji Ibraahim Cigaal. Berina lama oga kuu noqon doono, ee maad adigu isku sharaxdid, intaad Ummad dhan khalkhal la doonaysid?
Ugu dambeyn waxaan kugula talin lahaa, intaad Hargeysa iyo Burco aad tagto, dadkii sida ay hadda nabad iyo barwaaqo ugu jiraan, intaad soo eegto, soona waydiiso, waxaad ka hadlayso, goorta ay ka gudbeen. Cabdiraxmaan (Tuur) uu tegay Burco, waxaan loo sheegay, walaal nabad ayaanu ku wada noolnahay, ee haddii aad sidaas nagula noolaanaysid, soo dhawow, haddii kale, nabadgelyo. Waxaana sidaas ku yidhi dadkiisii.
Ina Buubaana sidoo kale. Wax awood ah oo ay maanta siyaasadda ay wataan, haba yaraatee ay ku leedahay, ma jirto. Cigaal, waa xariif, wuxuu ku dhaqmaa siyaasadda ay dadku jecelyihiin. Wuu ogyahay in dadku ay doonayaa Somaliland. Siyaas ayuu isu raaciyaa hadba, dabysha dadku meesha ay u jeedo. Aniguna waxba kama qabo, mar haddii aanu ka soo hor jeedsan karin dad, ugu dambeyna ay noqon doonto, waxa shacbiga reer Somaliland, inta badani ay rabto.
Reer Sheekh Isaxaaq iyo Reer Gadabiirsi iyo Reer Harti iyo Reer Sheekh Ciise maanta, wax keli ah, ayuun baynu noqon karaa. Laakiin mid kastaa reerkiisa wuu yahay. Uma halgami karo. Waayo Ilaahay ayaa reerkaaga kaa dhigay, waxbana kama qaban kartid. Laakiin waxaa loo halgamayaa waa in qaran la noqdo. Haddba ma mid Somaliland la yidhaahdo ayaynu noqonaa , mise ma Somalia la yidhaahdo. Dadka reer Somaliland hore ayay u rideen go´aankooda, waxayna dhisteen qaran la yidhaahdo Somaliland.
Hase yeeshe, waxaa la sameynayaa afti lagu kala ogaan doono bal arrintaas, waxaana soo qabanqaabin doonta dawladda Somaliland, waxayna ku casuumi doontaa, cid kasta oo danaynaysa.
Inta taas laga gaadhayo dawladda Somaliland ayaa ka masuul ah dalka iyo dadkaba. |
