     ABDIKARIM | Thursday, November 23, 2000 - 10:00 am
TALOOY GO,AN BAYDAHAA
XUJOOY TARAN BEDENBEDKAA
HAWOOY BALAGGAA FURFURAN
SENGOW DHIMAY BADALLIGAA
BIDOOW CAMALKAA KU SHEEG
BADEEY ADIGANA ADIGANA MUGGAA
HIRKAAGIYO BAAXADII
BURAASHAD MIYAAN KU DHURAY
BALLAADHKIYO MOWJADII
BILAALE MIYAAN DARDARAY
SHANTAA HORE BIDIX LISEE
CAROOG KULUL BAA BALWADEY
BABTIISII BAA LA NAXAY
DAD BAA ISU SOO BULLADAY
DHANKEE BABBISADU JIRTAA
BAQUHU YUU SAARAN YAHAY
NINKEE BOHOLAHA XARGAGA
BALBALO U DABOOLAN TAHAY
BULSHAALE WAD BUU SIDAA
BAHDOON BUU MAAGAN YAHAY
UL BOOCUU UGU TUKUBAY
BERDAA LAGU KALA NEGAA
DHEXDOODII BUU KA BAXAY
DHAMMAA BEYDBEYDSIGII
BAN WEYN BAA LAYSKA HELAY
FALLAADHUHU GUN IYO BAAR
BARTII SHIISHKAY HAYAAN
BICIIDKUNA WUU ARKAA
XAGGEESE LA BEEGSADAA
BADBAADO MIYAY DHACDAA
BELAAYADU YAAB LAHAA
WAX BAY BUUNBUUNISAA
NIN JEEDAY BARARISAA
SHANTAANA BALLAYSINKII DHEH
BULSHOY ADIGAA MILGA AH
NINKII BOOJIMO KU YIDHI
SHALAAD BARATAANU NIDHI
BAYLUULIDA HAW FURFURIN
BARIIDANA KAAMA GEYO
NINKII BALLANKAAGA QAADAY
KA BAAQDAY XILKAAD U DHIIBTAY
KA BAYDHAY UJEEDADAADA
KU BOOBAY ADOO SABOOL AH
KU WIIRSADAY BAABA,AAGA
ADOO BOGAN WAAYEY TAADA
NINKII U BUSEELAY RAAXO
HUWADY BULBUSHII LIBAAXA
BURUUDKIYO SHAASHKA QAATAY
U BOODAY CIRKAA DUSHEENA
BILKEEDA LABOONTIDIISA
BUURTU KORAY WAARISO MAYSO
HEDDIISANA BAAJIN MAYSO
KUB IYO BAWDU KA JABI
SHANTAANA UMAL FOOL BASHIISHTAY
BERDAANKA XUSUUSTA II DHEH.
BULSHOY ADIGAA I BOQRADAY
BEERKAYGA ADAA GOGLADEY
BOGEYGA ADAA HUWADAY
WADNAHA ADIGAA BARKADAY
BISHMAHA ADIGAA FURFURA
MARKII LAGU BILILIQAYSTO
MARKII BAAQAAGU YEEDHO
AYAAN BOHOLOOW GABYAA
DAREENKU BARAARUGAA
BULSHOY ADIGAA BOQRADAY
ADAA BILI IGU SHAKALAY
BARUUDKA ADAYGU XIDHAY
HADDAAN AHAY WIIL BIR KULUL
BURJIGA ADIGAA ISKA LEH
BADHEEDHKA ADIGAA I FARAY
DAGAALKA ADIGAA I BADAY
BELAAYO HADAANAY DHICIN
DANTAADA HADDAAN LA BI,IN
HADDAAN BARADAADU GUBAN
MIYAYNU IS BARAN LAHAYN
HADDAAN WANKA BADHIDA WEYN
BARARKANA LOO QALQALIN
NINKII CUNAY BOOLIGAAGA
HADDAAN BURO LOOGU DARIN
SABOOLKA HADDAAN LA BADIN
HADDAAN BOQOL RUUX LA KORIN
DHULKII BEERAHA LAHAA
HADDAAN BASANBAAS KU DHICIN
BAL IYO XAAB LAGA IDLAYN
DADKII QABAY BERISAMAADKA
HADDAAN BADHAX LOO SHUSHUBIN
BARWAAQADU TUUGSI NOQON
HADDAAN BADAR LOO KALTAMAY
BIYAHA SIXI LOOGA DHIGIN
BASAASTA NINKII HUWADAY
BADHAANAY HADDAANU ORAN
NAFTIISANA BEEN KU FURAN
MIYAYNU IS BARAN LAHAYN
HADDAAN WAA KUU BERYAA
BAYUUR IYO UMMAL KU TARIN
HADDAAN BERITIYO SED MAQAN
BUSHAARA LAGAAGA DHIGIN
BAXNAANADU KUGU ADKAAN
HADDAAN SIDA BAAR-CADDAA
BALOOLIYO BADOWYALEY
NAFTAADU KU CIIL BELBELIN
QABIIL HADDAAN LA BILIN
HADDAAN BOODHKA LAGA TUNTUMIN
HADDAAN IS BAHAYSIGEENA
IS BIIRSIGA WADA-JIRKAAGA
BUDH IYO XOOG LAGU FURFURIN
BARTAADA HADDAAN LA DHICIN
BUKAANKA HADDAAN LA NICIN
HADDAAN BOGSO LAGU DAWEYN
MIYAYNU IS BARAN LAHAYN
BARBAARTA HADDAAN LA LAYN
BILLAAWUHU DHIIG MATAGIN
NINKII KU BUD DHIGI LAHAA
HADDAAN BAQAYUHU KA LALIN
HALYEYGA BADBAADADAADA
HADDAAN BAHALUHU KU SHIRIN
HADDAAN BIR MA GEYDADAADA
RASAAS LOO BERENTANSIIN
WARAABUHU BAAN KA DHIGAN
BAROORTA QOFKII LAHAA
HADDAANU U ROGIN BIL-KHAYR
BELAAYO XIJAAB KA DHIGAN
WIXII HADHAY BAYLAHDAADA
HADDAAN BUNTUKH LOOGU TALIN
XANUUN LAGU BARAQ NUGLAYN
NIN BAYR LIHI SALOW KU GELIN
MIYAYNU IS BARAN LAHAYN
BASAAS IYO OON DARTII
HADDAAN DHULKU BAALI NOQON
HADDAAN SIDII BAGAGIDII
BANAADIR INDHUU KA NIXIN
BARIISO HADDAAN LA QIXIN
BOQOOLKU IS DABA TAXNAAN
BUGAAN BUGTU GELIN XIJAAS
BADROOLKA HADDAAN LA YU'AN
HABLIHII BOQORKIYO DHACALAHA
BAFTADA LAGU WADA YIQIIN
HADDAAN BAXSADKOODA DHEER
BAXREYN LAGA SOO QAB QABAN
HADDAAN BOQORADA CARBEED
AMIIRADA BAALKA XIDHAN
KUN JEER BARYO LOOGU TEGIN
MIYAYNU IS BARAN LAHAYN
HADDAAN BARI INA QALAYN
HADDAAN BOGOX INA FANTAYN
BEELAHA AGEHEENA YAAL
HADDAYNAAN BURO KU NOQON
TUKII BAALLAHA CADAA
ADDUUNYADU BAADIDEENA
BANNAANADA KAGA XEROON
BOOGTEENIYO DHAAWACEENA
HADDAAN BAGA LAYNA ODHAN
SOOMAALIYEEY MA IDINLA TAHAY IN HADRAAWI SOMALIDA
HABAARAY( GUHAAMEY), SABABTOO AH WAXA UU SHEEGAY
OO DHAN WAY DHACEEN WELINA WAY INA HAYSTAN. |
| wadani | Thursday, November 23, 2000 - 08:11 pm
abdikarim anigu waxaan qabaa inuusan na habaarin laakiin uu hadraawi ahaa nin bisayl ka keenay murtidaa oo waana mid uu si fiican ugu sifeeyay ayaan darada ummadeena haysata,
TUKII BAALLAHA CADAA
ADDUUNYADU BAADIDEENA
BANNAANADA KAGA XEROON
BOOGTEENIYO DHAAWACEENA
HADDAAN BAGA LAYNA ODHAN
tana waana haysataa iyadana oo maanta qaarkeen ayaa taageeraya oo leh waa wadaniyiin raggii ukunta gacantooda ku jabtay. |
| abdikarim hassan | Friday, November 24, 2000 - 04:19 am
TO WADANI
Waxaan aad ula yaabey maansadan waxaa uu abwanku
tiriyey wakhti fog wayna dhacdey wayna ina haysata
haddaan boqorada carbeed amiirada baalka xiran
kun jeer barya loola tegin, waxaynu aragnaa waagi
baryaba mid ku sii socd wadamada carabta isagoo
ku tuugsanaya magacii shacabkii ay hilibkiisii
cuneen sida aad sheegtay sxb. |
| hassan aflow | Friday, November 24, 2000 - 07:52 am
hadraawi keliya ma ahane soomaali badan baa arinkaa saadaalisay dhamaantoodna waxay qiyasayeen in ay nagu soo fool leedahay qasaare balaaran oo aan hadda ku suganahay.
hablihii boqorkiyo dhaclaha baftadda lagu wada yiqiin hadaan baxsadkooda dheer baxrayn laga soo qabqaban.
waxaan dhacay oo dhibaato ah runtii waqtigaan la joogo kama naxsani.
ee waxaa walbahaar igu haya sidda aanaan weli wax u fahansanyn. |
| wadani | Friday, November 24, 2000 - 07:43 pm
abdulkarim waa runtaa, kolay ninkii caqli leh waa uu fahmi karay cawaaqi xumada ka soo socotay xukunkii foosha xumaa, oo in maalin maalmaha ka mida dadku laga dhex faa'iidaysan karo waa uu dareemi karay. laakiin nasiib xumo raggii laga hadlay shalay oo wadankaad ogayd sidaa u galay ayaa maanta bilad sharaf loogu daray oo qaarkeen kuwa ku taageera waa ina adeeradeen iyo kuwa yiraahda waa asxaabteen ay raali ka yihiin tuugadaa. waxaan oran lahaa soomaaliya wali halgan ma dhamaan ilaa inta siyaasadaha foosha xun ku qaraabata aan iska soo saarno oo ka dibna la tiigsano maxkamad islaamiya. haddaysan ahayn tii oo kale ayaa soo socota.
BARBAARTA HADDAAN LA LAYN
BILLAAWUHU DHIIG MATAGIN
NINKII KU BUD DHIGI LAHAA
HADDAAN BAQAYUHU KA LALIN
HALYEYGA BADBAADADAADA
HADDAAN BAHALUHU KU SHIRIN
HADDAAN BIR MA GEYDADAADA
RASAAS LOO BERENTANSIIN
allow inta lunsan oo aan taariikhda ku cibra qaadan soo hanuuni. |
| abdikarim hassan | Sunday, November 26, 2000 - 05:40 am
TO WADANI
S/C
ninkii balankaaga qaaday
ka baaqday xilkaad u dhiibtey
ka bayrey ujeedadaad
ku boobay(ku bililiqeystay) adigoo sabool ah
ku wiirsady baaba'aaga
adoo bogan waayey taada
ninkii u buseelay raaxo
huwadey bulbushii libaaxa
buruudkiyo shaashka qaatey
u boodey cirkaa dusheena
bilkeeda laboontidiisa
buurtu koray waari mayso
heddiisana baajin mayso
kub iyo bawdu ka jabi.
ma micneyn karo hadalada qaarkood waa igu
adag yahay, waxaase ii cad in aanay badbaadeyn
kuwii cuney xaqii shacabkaas agoonta u badan. |
