     GEEDI | Tuesday, December 26, 2000 - 03:46 am
SCWB.
Horaa loo yiri soomalidu been wey sheegtaa, lakiin murtiteedu iyo maahmahyadeedu been ma sheegaan.
Waxaa la joogaa waqtigii la xasuusan lahaa sheeko xariir soomaliyeed oo caan ah lana yiraahado "AFARTII MAAN LAAWE", bal aan bilaabee bulshoy maxay qisadani.
Waxaa tariikhadu sheegtaa in ay jiri jireen afar nin oo kala ah mid dhego la', mid indho la', mid coryaan ah ama lugo la' iyo mid qaawan ama cayr ah, kadib ninmankaas oo dano iyo saxiibtinimba wadaagay ayaa maalin maalmaha ka mid ah isu yimid meel baadiye cidla ah, sidii caadada u ahaan jirtay, kadib waxay yar markay joogeen, kii dhagaha la' baa kor u booday oo yiri "WAR SAC BAA SEERA KA CIYEY" hada ogow dhaqool qam ah ninkaasi sac qayladiisa maqalye!, ka dibna kii indhaha
la'aa baa soo u jawaabay oo yiri " WAAN U JEEDAA OO CADAAN IYO CAYIL WAYNAA!" ka dibna kii lugaha la'aa baa is-hayn kari waayey oo yiri " WAAR MAYNU CAYRINO OO SOO QABANO" hada waa cago la' yahay midkaasi cajiib!, maxaad dhawri, saa kii qawaanaa ama carta ahaa dib isu dhiagay oo shaki iyo walaac muujiyey oo yiri " WAAR ARMAA LAYNA FURTAA, AMA LAYNA DHACAA".
Waxaa arintaa ka dhigan dawladan tuunjiga ku fadhida, ee awooda iyo tabartaba u wayday in ay qololka yar-yar ee hoteel ramadaan ka baxdo, ee sida cajiibka ugu qarweysa in ay soo qabato rasaasta ka uraysa ama ka ciyaysa balcad iyo baladweyne inta u dhaxeeysa!!!, alleylehe midani waxay ku fiicnaan laheyd barnaamijkii "ILA-QOSOL". |
