     ANON | Wednesday, January 24, 2001 - 10:03 pm
Aniga oo ah Maxamed
Cabdirashiid Cali Sharmaarke,
waxaan wargelinayaa dhamaan
Dadweynaha , Isimada,
Culumada,Golaha Shacbiga,
Waxgaradka, Ganacsatada,
Shaqaalaha, iyo Haweenka
Puntland,inaan isu sharaxayo
kursiga Madaxweyninamda
Puntland.
Hadal uu uga jeediyey dadka reer Puntland
Somalia Inter 23-01-2001
Aniga oo aaminsan in aan ka soo bixi karo xilka
Madaxnimada Puntland. Waxaan u balan qaadayaa
shacabka reer Puntland in aan hirgeliyo:
Ilaalinta dastuurka Puntland.
Ilaalinta sharafka diinta Islaamka.
Xuriyada hadalka, qoraalka, warfaafinta
iyo socdaalka.
Sinaanta dadweynaha reer Puntland.
Dawladdu waa iney u hogaansanaantaa
rabitaanka shacbiga.
Horumarinta dhaqaalaha iyo ganacsiga.
Dhiirigellin maalqabeenada adduun-
weynaha inay Puntland maalgeliyaan.
Dekadda Boosaaso oo laga dhigo mid
casri ah.
Baaritaanka batroolka oo laga wado.
Garowe,Laas-caanood, Eyl,Bayla iyo
Xaafuun.
Dib udhiska warshaddahi kalluunka ee
Puntland.
Horumarinta Gaalkacyo, siday u noqon
lahayd xaruntakeydka,isweeydaarsiga,
bedelaada badeecada iyoganacsiga
gudaha iyo Beriga Itoobiya.
Golaha Shacbiga waa inuu xor ka yahay
madaxtooyada iyo dawladda, oo
maamulkiisu gaar u yahay.
Dib udhisida Caafimaadka iyo
waxbarashada waa muhiim, oo waa in
aynu u helaa Mucaawino si aanu u dhisno
Isbitaalada iyo Dugsiyada la dayac tiray.
Nabadgelyada Puntland waa lama
hurraan.
Isukeenida Soomaaliya waxaan qabaa
sida ku dhigan dastuurka Puntland,
ineyan Puntland ka go’i karin Soomaaliya,
gaarna ka tahay Soomaaliya, qeyb weyn
aanu ka qaadaneynaa isu keenida iyo dib
u dhiska qaranimada Soomaaliya.
Haddii aan ku guuleysto doorashadaan waxaan
balan qaadayaa inaan gogol weyn ka fidin doono
Garoowe, si Soomaali isugu timaado oo danta dadka
iyo israaca Soomaaliyeed lagu gudoonsho.
Waxaan Ilaah ka rajeynayaa in aan ku guuleysano
hawshaan,noqonnaana kuwii Puntland u horseeda
horumar iyo Barwaaqo.
Puntland ha noolaato,
Soomaaliya noolato.
Maxamed Cabdirashid Cali Sharmarke |
