     ATEYE | Saturday, October 21, 2000 - 02:22 pm
WAAR WAAD NA CIISHEEN
21 OCT 2000
Cibaaraha Adduunyo, ayaanba waa cayne
Casariyo duhuriyo, cishuhu ways gediyaane
Samo lagu Cawaysimuu,col kadaba baryaaye
Caalamka oo idil, markaan caaro walba eegay
Caabuq wuu wada jiraa, hadana sii kala culuse
Caynkase soomaali tahaybaan, la sii cajiibayaaye
Cod yarbaan leehay kuwan, carceeriyay nabadiiye
Kuwan carqaladda wadee, carrigoodii gadaye
Ciidoodii hooyiyo kuwan, calankiina gubaye
Ciiltire YUUSUF TALLAN baad, ciidho u toogateene
Curaddo loo hanwaynaabaad, cawdooda gooyseene
Hanadadii caawin lahaa dalkaad, ceelka u qoddeene
Cadaawe shisheeyoo, caddaaniyo madoow lahoo
Dhaqankeena cuddooniyo,col diinteenna u ahbaa
Idin ciidansanaayood, cududiisa noqoteene
Caalliyo waxad tihiin, coon iyo maangaabe
Caamiye iyo Jaahil, Cilmiyo garaad lahayne
Cuur Awliyo habaartoo,laga wada cabaadaye
Waar waad na cisheenood, na calool xumayseene
Waar curuqdiyo jiidhkiyo,Cududahaad na damaqdeene
Waar Cimrigaygu intuu jiro, cafis heli maysaane
Casiibaan idiin baryaye, Cidhibtiin ha wada go'do
Casiisbaan idiin baryaye,Ifka ku caddibnaada
Cassibaan idiin baryaye, Cadaabtii laydinku cayuuq
............A.ATEYE.........LONDON. UK |
