Taliyaha waaxda howlgallada ee ciidanka booliiska ee DFKMG Col Yuusuf DHuumaal oo u waramayey warbaahinada xorta ah ayaa sheegay in askar badan lagu laayey howlgallo ay ciidamada booliisku ka fuliyeen qaybo ka mid ah magaalada muqdisho
Col Dhuumaal ayaa ka qayb qaatay howlgallo waxa aya ugu yeereen burcad sifayn oo ay ciidanka booliisku beryahanba ka wadeen caasimadda. Taliyuhu waxaa uu sheegay in ay ku waayeen askar badan, sababtoo ah ayuu yiri iyagoo si taxadar darro ah u dhex socday suuqaqa waaeyen iyo goobaha ay howlgallada ka fuliyeen.
Dhuumaal waxaa uu uga digay ciidanka booliiska inay feejignaan ku dhexmaraan goobaha ay dadwaynuhu marayaan, mar walba haddii ay howlgal ku jiraan iyo haddii kaleba.
Col Dhuumaal ayaa kal hore waxaa uu ra'iisul wasaare Geeddi u magacabaay taliyaha ciidanka Booliiska ee gobolka Gedo, ka dibna C/laahi Yusuf ayaa u magacaabay taliyaha howlgallada ee ciidanka Booliiska ee DFKMG ah.
Waxaa kaloo lagu soo waramayaa in ciidamo badan lagu daadiyey suuqaqa waawayn ee magaalada Muqdisho iyadoo ay ganacsatada ay la soo wajahday cabsi hantidoda ay iyagoo u wareegay suuqaq kale sida Madiina iyo Kaaraan oo ay bidayaan inay ka nabadgelyo roon yihiin suuqa Bakaaraaha oo ay ciidamada Itoobiyaanka iyo kuwa DFKMG ay fariisimo ka samaysteen, maalin walbana howlgallo wax yeela gaysta ay ka fuliyaan.
Magaalada Muqdisho ayaa goobaha ugu nabadgleyada xun caalamka. Shirkii dib u heshiisiinta qaranka ee ka furmay Muqdisho ayaa dib loo dhigay nabadgelyo xumo awgeed.
Abu-raas
Nairobi
Gedoweb Online