Badhan oo u gacan-gashay Maamulka Somaliland

[sNm_RaPpa]

Wararka naga soo gaaraya Magaalada Badhan ee Gobolka Sanaag ayaa sheegaya in xalay [habeenimo Axad] ay gudaha magaalada soo galeen ciidamo ka socda maamulka gooni-isutaaga ah ee la magacbaxay Jamhuuriyada Somaliland.

Ciidanka Somaliland ayaa waxaa hogaaminaya sarkaal ka mid ah dadka degaanka oo magaciisa lagu soo koobay Indha-yare.

Dad xog-ogaal ah oo jooga Magaalada Badhan ayaa u xaqiijiyay warsidaha Garowe Online in ciidanka Somaliland ay soo dhaweeyeen dadka degaanka.

Badhan ayaa ah xarunta Sanaag Bari oo ah qeybta gobolkaas oo awal gacanta ugu jiray Dowlad Goboleedka Puntland.

Magaalada Badhan waxay u jirtaa magaalada dekeda leh ee Boosaaso khiyaastii 95KM jidka isku xira Gaalkacyo-iyo-Boosaasona waxay u jirtaa 90KM.

Wax war ah oo la xiriira la wareega gacan-ku-haynta Magaalada Badhan kama soo bixin Maamulka Puntland.

Warar kale ayaa sheegaya in ciidan kale oo Somaliland ah oo uu hormuud ka yahay sarkaal u dhashay Gobolka Sanaag oo lagu magacaabo Muuse Jaamac ay u wajahdeen dhanka Magaalada Dhahar.

Bishii April ee sanadkii la soo dhaafay ayaa waxaa Dhahar ka dhacay dagaal u dhaxeeyey ciidamo kala taabacsan maamullada Somaliland iyo Puntland iyadoo markii danbe ay Puntland ku guulaysatay inay sii hayso maamulka magaalada.

Waxaa laga cabsi qabaa inuu dagaal ka qarxo degaanka Dhahar.

[Kramer]

First it was Sool and now Sanaag? man what is next Bosaso and Garoowe!!

[Wareer]

Nowadays, the propogandist news spreads faster and people fall easily for it.