Yawle somaliland supreme court accepted the results

[Khalid Ali]

Gudoomiyaha Maxkamada Sare Oo U Gudbiyey Komishanka, Axsaabta, Guddiga Anshaxa Iyo Barlamaanka Qoraal Ku Saabsan Maalinta Lagu Dhawaaqayo Natiijada Rasmiga Ah Ee Doorashada


Hargeysa (Oodweynenews)- Gudoomiyaha maxkamada sare Somaliland Maxamed Xirsi Oomane, ayaa daboolka ka qaaday in maalinta Axada soo socota 11 July in maxkamadda sare ku dhawaaqi doonto go’aanka natiijada rasmiga ah ee Doorashadii Madaxtooyada ee waddanka qabsootay 26-kii bishan June ee uu ku guulaysay xisbiga KULMIYE.

Gudoomiyuhu waxaana suu sidan ku sheegay qoraal kooban oo uu ka soo saaray magaalada Hargeysa, kaas oo uu si toos ah ugu socodsiiyey Saddexda Xisbi Qaran, Komishanka Doorashooyinka, Guddiga Anshaxa iyo Baarlamaanka Somaliland.

Waxaana uu u dhignaa sidan:-

“Waxa la idinla socodsiinayaa in Maxakamadda Sare ee Distooriga ahi ay ku dhawaaqi doonto Ansixinta Natiijada rasmiga ah ee Doorashada Madaxtooyada 2010 ka Jamhuuriyada Somaliland, maalinta Axada ee bishu tahay 11/07/2010 saacadu markay tahay tobanka subaxnimo.

Sidaa darteed waxa la idinka codsanayaa inaad ka soo qayb gashaan ku dhawaaqida Ansixinta natiijada rasmiga ah ee Doorashada Madaxtooyada taariikhda kor ku qoran”.

Oodweynenews.com/Hargeysa Office

[Khalid Ali]