successful visit mr presidentMadaxweynaha Puntland oo safar ugu ambabaxay Nairobi
Waxaa maanta 20.11.2010 ka duulay garoonka diyaaradaha Garowe Madaxweynaha Puntland Cabdiraxman Maxe'd Maxu'd "Faroole" iyo wafdi uu hogaaminayo kuwaasoo ku wajahnaa magaalada Nairobi ee xarunta wadanka Kenya .
Madaxweynaha ayaa intii uusan ka duulin garoonka waxa uu saxaafada uga warbixiyay halka uu ku wajahanyahay safarkiisu, waxana uu cadeeyay in uu safar gaaban ku tagayo magaalada Nairobi halkaas oo ay ku suganyihiin wakiilada dawladaha daneeya siyaasada Somaliya , iyadoo sidoo kale ay ku suganyihiin hay'adaha caalamiga ah, Madaxweynaha Puntland ayaa sheegay in sanad walba sadex safar ay ku tagaan magaalada Nairobi si ay uga soo hadlaan arimaha Puntland iyo Somaliya.
Dr. Faroole ayaa intuusan ka duulin garoonka waxa uu ka hadlay arimo ay kamid ahaayeen arinta Galgala iyo dagaal beeleedyada ka jira deegaano kamid ah Puntland , waxana uu sheegay Madaxweynuhu in marka safarkooda ay ka soo laabtaa ay qaban doonaan shirar ku aadan sidii looga hadli lahaa dadka degaanka iyagoo la dowladda raadineyso in dadka deegaanka mar kale ugu soo noqon lahaayeen gurahooda.
Madaxweynaha ayaa sidoo kale waxa uu mar kale ka hadlay dagaal beeleedyada ka soo cusboonaaday deegaanka Buhoodale, waxana uu ugu baaqay dhamaan dayaal dhaqmeedku in ay u istaagaan sidii ay u damin lahaayeen colaadaha oo ay uga shaqayn lahaayeen sidii loo joojin lahaa, isagoo sheegey in dowladda puntland u direyso halkaas wafti isugu jira Xildhibaano iyo Issimo.
Madaxweynaha Puntland ayaa ugu dambayntii sheegay in dawlada Puntland iyo maamulka Somaliland ka wada shaqeyn doonaan sidii loo joojin lahaa coladaas.
Madaxweynaha Puntland ayaa waxaa ku soo sagootiyey garoonka diyaardaha Garowe xubno farabadan oo isugu jira Wasiiro, Xildhibaano iyo la taliye-yaal.
