Amaanka Puntland Iyo Baaxada Uu Gaarsiisanyahay
Garowe(Puntlandi.com);- Deegaanada Dawlada Puntland ayaa lagu tilmaamaa dhulka ugu nabdoon guud ahaan Dalka somaliya waxaana sanadihii udanbeeyay ku guulaysatay sugida amaanka marka laga reebo fidna wadayaal magaalooyinka qaar ka gaysta falal amaandaro hadana hormarka Puntland uma dhutin.
Amaanka iyo hormarkaa ayaa ku yimid isku tiirsanaan shacabka iyo madaxda Dawlada waxaana taa ka dhashay in lagu guulaysto sugida amaaka iyo hormarinta dalka.
Talaabooyinka hormarkaa ee xukuumada C/raxmaan Shiikh Maxamed Maxamuud Faroole ku talaabsatay ayaa ugu muhiimsan qabashadii cayaaraha Gobolada Somaliya kulankii Haweenwaynaha Somaliyeed Isu keenidii Culimada iyo xiriirka Calamiga oo Puntland halka ugu sareeya ka gashay.
Hormarka aan dahsoonayn ee ay ku talaabsatay Dawlada Puntland ayaa amaan iyo bogaadin ka helay Shacabka Puntland ee qurba joogtaa iyo wadamada caalamka oo ku soo hirtay in madaxda Puntland ay kulamo kula qaataan caasimada Garowe halka markii hore wadahadalada ka dhicijireen wadamada dariska asbaab amaandaro awgeed.
Amaanka Guud.Dawlada Puntland waxay ka guulaysatay kooxahii uu hogaaminayay Maxamed Siciid Atam oo Dawlada Dagaal xoogan lagashay taa oo ahayd caqabadihii ugu cuslaa ee Dawlada soo foodsaaray waxaana sidoo kale Ciidamada amaanka cagta mariyeen qaybkamida maleeshiyaadkaa oo si dhuumaalaysiya ugu sugnaa xarunta ganacsiga Puntland waxaana ciidamada ay dhigeen wacdaro aan horay u dhicin iyagoo lawareegay Guryo laga soo maleegi jiray falalka amaandaro.
Baxaada amaanka waxaa tusaale u ah Ajaanib si nabada ku maray magaalooyinka Puntland gaar ahaan magaalada Galkacyo oo lagu tiriyo goobaha aan wali Dawlada hawlaheeda sifaynta amaanka aan laga hirgalin hadana waxay kamidtahay dhulka shisheeyaha ku soo hirtaan kuna nabadgalaan waxaana mid kamida wadooyinka Galkacyo oo sida caadiga loo maro goor galaba indhahayga qabteen shaqsiyaad ajaaniba oo laygu sheegay shaqaale shirkadeed oo dhibyari iyo ilaala la’aan ku maraya wadada waana mid aan ka suurtoobin dalka intiisa kale.
Hormarka iyo amaanka ay ku talaabsatay mandiqada Puntland maaha mid qoraal iyo Barnaamijyo lagu soo koobi karo waxaana hogaanka Dawlada Puntland mudanyihiin gacanqabasho halka qurba joogtana looga fadhiyo maalgashiga dalka.
create a law no travel without armed guards.