Raaskaambooni oo guulo ka sheegtay dagaalkii J/hoose

[InaKhalif]

Dhoobley: (Sh. M. Network) Afhayeenka Ciidamada mucaskarka Raaskambooni C/naasir Siraad oo la hadlayay Idaacadda Shabelle ayaa waxaa uu sheegay inay guulo balaaran ka gaareen iyaga iyo ciidamada dowladda KMG dagaaladii ay kula galeen Ciidamada Xarakada Shabaab deegaanka Shabaax iyo Jilma oo dhowr KM u jirta degmada Afmadoow ee gbolka Jubada Hoose.



Afhayeenka ayaa waxaa uu sheegay inay gacanta ku dhigeen Sarkaalka ugu sareeya dhinaca amniga ee Xarakada Shabaab ee gobolada Jubooyinka kaasi oo lagu magacaabo Max’uud Daqal Faarax, isagoo intaasi ku daray in xiligii ay qabanyeen uu qabay dhaawac fudub.



C/naasir Siraad Afhayeenka Ciidamada Ururka Raaskambooni oo hadalkiisa sii wata ayaa waxaa uu sheegay dagaalkasi ay qaadeen Ciidamadooda islamarkaana ay ku dileen 6-dagaalyahan oo ka tirsan Xarakada Shaabaab, waxaana uu hoosta ka xariiqay inay sii wadayaan dagaaladaasi inta Shaabaab ay ka saarayaan guuda ahaan gobolka Jubooyinka sida uu hadalka u dhigay.



Saakay ayaa deegaanka Shabax iyo Jilma oo sida la tilmaamay 100-KM oo dhinaca degmada Afmadow kaga beegan degmada Dhooblay ee gobolka Jubada Hoose waxaa ka dhacay dagaal xoogan oo la’isku adeegsaday hubka nuucyadiisa kala duwan kaasi oo u dhaxeeyay Ciidamada Ururka Raskambooni oo is garabsanaya dowladda KMG Soomaaliya iyo kuwa Xarakada Al Shabaab kaasi oo ay ka dhasheen qasaarooyin isugu jira dhimasho iyo dhaawac oo soo kala gaaray dhinacyadii dagaalamay.



Aqriso oo la soco Shabelle.net Saacad Walba si aad u hesho wararkii ugu dambeeyay ee Soomaaliya.