Wasiirkii arimaha gudaha oo qarax ku shahiiday

[AhlulbaytSoldier]

Wasiirkii arimaha gudaha oo qarax ku dhintay iyo Shabaab oo sheegtay

Muqdisho: (Sh. M. Network) Qarax ismiidaamin ah ayaa galabta lagu dilay wasiirkii arimaha gudaha iyo amniga qaranka Xukuumada KMG Soomaaliya iyadoo qaraxaasina ay sheegteen xarakada Al Shabaab.

Abaaro 5-tii galabnimo ee xiliga Muqdisho ayaa weerar ismiidaamin ah waxa uu ka dhacay guriga uu ka deganyahay Magaalada Muqdisho Wasiirka arimaha gudaha iyo amniga qaranka Xukuumada KMG Soomaaliya ALLE ha u naxariistee C/Shakuur Sheekh Xasan Faarax, waxaana weerarkaasi ismiidaaminta ahaa la sheegay in ay fulisay gabar uu waalid u ahaa wasiirka.

Qofta haweeneyda ah oo la sheegay in ay wadatay waxyaabaha qarxa ayaa gudaha u gashay qol kuyaala qeybta kore ee guriga oo dabaq ah halkaasi oo uu ku sugnaa wasiirka, waxaana xiligaasi kadib mar qura la maqlay dhawaqa qarax aad u culus, kaasi oo sababay dhaawac markii hore soo gaaray Wasiirkii arimaha gudaha iyo amniga qaranka Xukuumada KMG Soomaaliya kaasi oo markii dambe uu u geeriyooday.

Haweeneyda la tilmaamay in ay geysatay qaraxa ismiidaaminta ayaa bilihii u dambeeyay ku sugneyd guriga wasiirka, waxaana wararka qaar ay sheegayaan in wasiirka uu gabadhaasi u diyaarinayay in uu Jaamacad u diro.

Durba markii uu qaraxa dhacay ayaa goobta waxaa soo gaaray ciidamo farabadan oo isugu jira AMISOM iyo kuwa dowladda KMG Soomaaliya, waxaana qolka qaraxa uu ka dhacay ay ka soo qaadeen dhaawaca wasiirka iyadoo goobtana uu yaalay meydka haweeneyda is qarxisay oo si xun uu jirkeeda u jar jarmay.

Dhaawaca wasiirka ayaa markii hore waxaa loola cararay isbitaalka Banaadir ee Magaalada Muqdisho halkaasi oo amaankiisa ay si weyn u sugayeen ciidamada AMISOM, waxaana isbitaalka ugu tagay wasiiro iyo xildhibaano ka tirsan DKMG Soomaaliya iyadoo markii dambana wasiirka uu ku geeriyooday gudaha isbitaalkaasi.

Wasiirka Warfaafinta, Boostada iyo Isgaarsiinta Xukuumada KMG Soomaaliya C/kariin Xasan Jaamac ayaa warbaahina u xaqiijiyay geeriyda Wasiirkii arimaha gudaha iyo amniga qaranka Xukuumada KMG Soomaaliya.

Majiro qasaare kale oo ka dhashay qaraxaani ismiidaaminta ah ee galabta lagu dilay wasiirkii arimaha gudaha iyo amniga qaranka ee Xukuumada KMG Soomaaliya Alla ha u naxariistee Cabdi Shakuur Sheekh Xasan.

Saraakiil ka tirsan xarakada Al Shabaab oo la hadlay Idaacada ku hadasha afka Shabaab ayaa waxa ay sheegeen in Al Shabaab ay ka dambeeyaan weerarkaani ismiidaaminta ah ee lagu dilay wasiirkii amniga qaranka C/Shakuur Sheekh Xasan Faarax.

Ma’ahan markii ugu horeysay oo Al Shabaab ay qaraxyo la eegtaan wasiir ka tirsan dowladda KMG Soomaaliya iyadoo la xasuusto in sanadkii 2009 AL Shabaab weeraro ismiidaamin ay ka geysteen Hoteelo ku kala yaala Muqdisho iyo Baladweyne islamarkaana ay ku dileen wasiiro laf dhabar u ahaa Xukuumadii Cumar C/rashiid Cali Sharma’arke.
_____________________________________________________


As long the protests continues, murtaddiinta shabaab will take adventage from this.
I hope they kill labada shariif, atleast we will be relieved from these useless waxmatarayaal.


AUN CUMAR XAASHI
AUN PROF.CADDOW & QAMAR
AND NOW C/SHAKUUUR SHEEKH XASSAN FAARAX

The hardworking ones dies painful.

[waryaa]

RIP!

[ciyaal_warta]

RIP ..subhanallah