Strong Message To Dabadhilifyada !

[EastAfrica]

Maakhirland Regional State of Somalia

Galgalanews: Shacabka Maakhir Oo Qabanqaabinaysa Shir Balaadhan Si Maamaul Goboleedka Maakhirland Loo Hirgaliyo
17th September 2011

Nairobi:-Jaaliyada Maakhir Ee Ku Nool Dalka Kenya gaar ahaan Magaallada Nairobi ayaa Ku howlan Qabanqaabo ay ugu jirto Shir weyne Lagu lafa guri doono arima badan Oo Khuseeya Deegaanka Maakhir.

Shirkan Oo ay soo Qabanqaabinayaan Jaaliyada Maakhir ee Ku Sugan Kenya ayaa Lagu Casumi Doonaa Soomaali aad U badan Kuwaas Oo Goob joog ka noqon Doona Madasha shirkaasi Ku qabsoomi doono .

Arimaha Shirkaa lagu Lafa Guri doono ayaa Noqonaya Sidatan :-

1. Waxaa lagaga Hadli Doonaa, Maamul U samaynta Deegaanka Maakhir iyo Sida ugu haboon ee arintaa Loo hirgalin karo .

2. Sidii Loogu waxyi Galin lahaa Bulshada Deegaanka iyo aaya ka talinta deegaanka oo ay ka Muuqato dayacnaan baahsan.

3. Dhisida Gudi loo xilsaaro dardar galinta Maamul ka hana qaada Deegaanka Maakhir , Si loo helo Maamul Horumar leh Oo ka hirgala Deegaankii .

4. Wacyi Galin Loo Sameeyo Dhamaan Bulshada Ku abtirsata Deegaanka Sidii ay Iyagu Arimahooda uga tashan lahaayen Ugana badax Banaanaan Lahaayeen Maamulada ragaadiyey Deegaankooda.

5. Sidii Loo Badhi taari lahaa Waxbarashada Deegaanka Oo Ah tan Kaliya Ee maanta Deegaanka ka hirgashay iyo sidii Loo abuuri lahaa Ilo dhaqaale oo taaba gala.



Dhamaan Arimahaas Oo Kuwa Kaloo Badan waxay Noqon Doonaan Kuwa Lagu Qadaa Dhigi Doono Shirkaas.

Gudiga Loo xirsaaray Qabanqaabada ayaa ka kooban:-

1. Abdisalan Osman Bulqas

2. Mohamed Mohamud Cabdi Beerdhige

3. Jama Ayanle feyte

4. Khadra Jaamac Axmed Abdi Saalah

5. Hamdi Ilka jiir

6. Muqtar Abdi Du’ale Ali Qaayib

7. Jama Yusuf Jama Deperani



Qof kasta oo doonaya inuu Barnaamijkaasi Xog dheeraad ah ka helo hala soo xidhiidho Gudiga Hoos ku Qoran, Sida ay Gudigu sheegeen way tix galindoonaan Feker kasta oo Saliim ah.

Waraysi Gudidii Qaban Qaabada Shirkii Maakhir DHEGAYSO
http://www.galgalanews.com/?p=4065


Maalmahan ka socda Qurbaha ayay waxa isugu imanayay Qurba Joogta Maakhir waxana Shirarkaasi Bud-Dhig u ahaa Jaaliyadda Maakhir ee dalka Kenya, Kuwaasi oo qaban qaabiyay Shir dhanka Telefoonka ah oo looga xaajoonayo sidii loo Taaba Galin lahaa Amuuraha Horumarinta Maakhir.


Shirkii Telefoonka ahaa ee Habeenkii Xalay dhacay waxa uu ahaa Shir aad looga Dooday sidii looga Talaabsan lahaa Caqabado badan oo Hadheeyay Deegaanka Maakhir sida in Maamul Hoosaad Deegaankaasi uu ka Hana qaado kaasi oo Hoos Yimaada Dowlad TFG.

Shirkaasi waxaanu Waraysi Kala Yeelanay Mukhtaar Cabdi Ducaale Cali [Mr Qaayib] oo ka mid ahaa Gudiga abaabulka Shirkaasi Waraysiga ayuu kaga hadlayaa Qaabkee loo Taageeri lahaa Maamulka Maakhir State oo hada ka Hor deegaanka laga Yagleelay.

Sidoo kale Mar Qaayib ayaa ka hadlay Muhiimada ay leedahay Isku xidhnaanta Qurba Joogta Deegaanku, Isaga oo Mahad Balaadhan u soo Jeediyay Gudoonka Sare ee Maakhir Gaar ahaan Gudoomiyaha Jaamac Feyte oo uu ku Tilmaamay nin Wax badan Fududeeyay.

[EastAfrica]

LAS QOREY ONLINE: Maakhir People Protest Against Discrimination & Injustice




















LAS QOREY ONLINE: Isu Soo Bax Lagu Diiddan Yahay Musuq-Maasuqii Deeqda Waxbarasho Ee Turkiga Oo Ka Dhacay Magaalada Badhan. + Sawiro


Badhan: Subaxnimadii Arbacada ayaa waxa magaalada Badhan ka dhacay iso soo bax ballaadhan oo ka dhan ah dulmigii iyo musuq-maasuqii lagu sameeyey deeqdii waxbarasho ee dawladda Turkigu siisey dawladda PL. Arintan ayaa waxa soo qaban-qaabiyey maamulada dugsiyada sare ee magaalada Badhan , ururada ardayda , waalidiinta iyo cuqaasha degmadaqaarkood.

Bulshadii kala duwanayd ee fagaaraha magaalada isugu soo baxday ayaa waxay siteen boodhadh ay ku qoran yihiin hal ku dhegyo muujinaya sida ay uga xun yihiin eexdii lagu kala faquuqay ardayda wax ka baraya dugsiyada sare ee PL .



Ugu horreyna waxa halkaas ka hadlay Jibriil Siciid Ducaale oo ka mid ahaa ardaydii goob joogga ka ahayd wixii ka dhacay caasimadda Garoowe , wuxuna sheegay inaan imtixaankoodii lasixin, sidoo kalena liiska la shaaciyey uu hore u diyaarsanaa, wasiirada iyo madaxduna ay qaraabadooda ka buuxiyeen , xitaa waxa ku jirey dad aan waxbarasho soo marin oo loo rabey iney Turkiga uga sii gudbaan Yurub oo tahriibayaal noqon doona marka ay Turkiga tagaan.



Fadeexadaha uu sheegay ardaygaasi ayaa waxa ka mid ahaa in arday reer SL ahi liiska ku jireen oo qaraabo la ah wasiirada qaarkood.



Madaxdayadii baa na musuq-maasuqday , waanna ka xumahay , waxan moodayey inaanu u simannahay annaga iyo qaraabadoodu wixii fursado ah, hase yeeshee ma dhicin, hadda maxaan sameeyaa, Budhcad badeedna ma noqon karayo e, himiladaydii waa burburtay !!! ) ayuu yidhi Jibriil.



Maxamuud Maxamed Cumar oo ku hadlay magaca maamulayaasha dugiyada gobolka Sanaag ayaa isaguna ku tilmaamay wixii Garoowe ka dhacay arin naxdinle oo laga murugoodo, sidoo kalena wasaarada waxbarashada PL ay hayso xogta waxbarashada ardayda iyo natiijooyinka imtixaanaadkoodasanad walba, wuxuna ugu baaqay dawladaha deeqda bixiya , hay’adaha samafalka iyo ciddii ay khusaysaba inaan wax danbe oo fursad mashaariiceed ama deeq waxbarasho ah oo gobolka Sanaag leeyahay loo dhiibin PL .



Waxa iyaguna fagaaraha khudbado ka jeediyey cuqaal iyo siyaasiyiin ay ka mid yihiin NB. Maxamuud Faarax Ducaale, NB. Faysal C/laahi Faatax, iyo Sh/ Axmed Shiikh Saalax, oo dhammaantood ku nuux-nuuxsaday xaqdarrada iyo dulmiga ardayda reer PL lagu sameeyey , iyo sida madaxda PL ay markasta u garab marayaan sharciga iyo wixii lagu dhisay PL, waxayna carrabka ku dhufteen in Caasimadda Garoowe waxa ka dhacay macneheedu waa in PL la kala diray, iyo in sida muuqata in ka badan afar kun oo arday damiirka laga diley, mustaqbalkii ubaxa soo korayana si xishood darro ah loo burburiyey.



Sidoo kale, Maxamed Cali Maxamed ( Shalmad ) oo ka mid ah ardayda wax ka barata dugsiyada sare ee magaalada Badhan ayaa maanso ku cabbiray dareenkiisa, waxana ka mid ahaa ereyadiisii :

Barbaartaad kala gurteen
Qorshihii aad baajiseen
Sinnaantaad baal marteen
Waxaad cudur baahiseen
Alleylehe baga dhahdeen
Mid weeyaan buug ku qoran
Berrina la isaga imaan !!!!
- - - - - - - - - -

Bulshada degaankanoy

Butlan way nagu duntoo

Dusheenna ku baaba’daye

Ka kaca aan bad-baadinnee !!!

Ha’dii kale waxan lahaa ……… haaheey


- - - - - - - - - -

Ninkeer boorsada sitoo

Inuu buuxsado raboo

Boolida xaaxaabsadow

Butlan kuguma fillee

Bal meel kale buul u dayo !!!!

- - - - - - - - - -


Bulshada degaankanoy

Butlan way nagu duntoo

Dusheenna ku baaba’daye

Ka kaca aan bad-baadinnee !!!

Iyo gabay dheer oo dadkii qiiro geliyey halkanna aan lagu soo koobi karayn tuducyadiisa. Isku soo wada duuboo, arintan ka dhacday PL fadeexadda ahi waxay kicisay lif hore iyo xanaf bulshada hore ugu jirtey, kaas oo ah in PL aan loo sinnayn oo cid gaari ku tarki fashay, taasina ay keenayso in cid walbi gaarkeeda u tashato, sidaasna PL ku fur-furanto, waxana garowshiinyo helaya maamulka casayr land iyo darwiish lan, oo u muuqda iney ka daaleen dulmiga Garoowe ka socda iyo inaan waxba la isu ahayn.

Maxamud Ciyoon/Badhan

[EastAfrica]

Ninka Gacanta wax ku sawira ee Somaliya Caanka ka ah Amin Caamir ayaa Sawiray Maanta Muuqaal Dhigaya sida loo Maareeyay Deeqdii Waxbarasho ee dhalisay Buuqa xoogan taasi oo Madaxwaynaha Faroole iyo Wasiirkiisa Waxbarashada oo ay Isku Gobol ka soo Jeedaan ay is daba Mariyeen Deeqdaasi.

Mudaharaadyo baahsan baa ka dhacay Gobolada ugu balaadhan Somaliya qaarkood sida Gobolka Sanaag oo Boqolaal Qof ay Isu soo baxeen isla markaana Muujiyeen dareenkooda.

Sida ku cad Sawirka Farshaxanka Amin Camir waxa laga dheehan Karaa Halkaasi in Dadkii kale la qadiyay Isla markaana Faroole wixii Beeshiisa ah uu Deeqdaasi ku Koobay,Sawirka Ilmaha Yar iyo Hooyada Meesha Taagan ayaa Muujinaya Gobolada la Akhray ee PL.