Ganacsatada gobolka Baay oo cabasho ka muujisay Bandowga

[Hiiraan boy]

Ganacsatada gobolka Baay oo cabasho ka muujisay Bandowga

Click here to find this article in English

Baydhabo 24, June.07 ( Sh.M.Network) Ganacsatada magalooyinka Diinsoor iyo Baydhabo ee gobolka Baay, ayaa cabasho ka muujiyay Bandoowga habeenkii lagu soo rogay magaalooyinkaasi oo saameyn ku yeeshay ganacsigooda.

Qaar ka mid ah ganacsatada magaalooyinka Diinsoor iyo Baydhabo oo u waramay Shabelle ayaa waxa ay sheegeen in ay ku adag tahay in ay sii wataan howlahooda ganacsi, isla markaana ay qasaareen markii albaabada loo laabay howlahooda ganacsi xilliyada habeenkii oo Bandoow ay tahay.

C/laahi Xasan oo ka mid ah ganacsatada magaalada Baydhabo ayaa waxa uu sheegay in ganacsigooda uu saameyn ku yeeshay bandowga dowladda KMG ah ay ku soo rogtay magaalada Baydhabo iyo Diinsoor.

" Howlaheena ganacsiga waxa ay firfircoonaayeen xilliyada habeenkii, waxaana dareemeynaa hoos u dhac dhaqaale" ayuu yiri C/laahi Xasan.

Xuseen Xaaji oo isna ka mid ah ganacsatada magaalada Diinsoor ayaa shabelle u sheegay in ay ku adag tahay in xilliyada habeenkii ay alaabo u iibgeeyaan magaalada Baydhabo kana keensadaan, taasina ay ku noqotey ciriiri soo wajahay ganacsigooda.

Bandowga lagu soo rogay magaalooyinka Diinsoor iyo Baydhabo ayaa yimid ka dib markii magaalooyinkaasi ay ka dhaceen falal amaan darri iyo qaraxyo lala beegsaday fariisimada ciidamada dowladda iyo kuwa Ethiopia.

Click here to find this article in English

C/qaadir Barre Macalin

Shabelle Media Network Somalia