Khilaaf xoogan oo soo kala dhexgalay C/Qeybdiid iyo Max'e Dh

[Hiiraan boy]

Khilaaf xoogan ayaa la sheegayaa in uu soo kala dhex galay masuuliyinta maamulka gobolka Banadir iyo taliyaha Ciidamada Booliska Somaliyeed General Cabdi Qeybdiid iyadoo khilaafkaasina uu salka ku haya amaanka Muqdisho oo faraha kasii baxaya.

Warar aanu helnay ayaa sheegaya in saraakil Ciidamo Itoobiyaan ah ay iminka dhex dhexaadinayaan Gudoomiyaha gobolka Banaadir iyo Cabdi Qeybdii,kadib markii labada dhinac ay isku eedeeyeen midba kan kale in doorkiisa uu ka maqan yahay.

Khilaafka madaxdaasi ayaa salka ku haya amaan darrida baahsan ee ka jirta Caasimada Somaliya,kadib marki bandowga lagu dhawaaqay,waxaana laga soo xigtay maamulka gobolka Banaadir in ciidamada baleeska aysan u gudaneyn howshooda sidii loogu talo galay.

Hayeeshee General Cabdi Qeybdiid ayaa arrinkaasi diiday isagoona ku tilmaamay mid maamulka gobolka uu ku doonayo in uu ku qariyo khalalaadka ay Muqdisho ka geystaan Ciidamada taabacsan masuuliyiinta maamulka,isagoona ku eedeeyay in ay ku lug leeyihiin qaarkood qaraxyada goobaha muhimka ah ka dhaca.

Saraakiil Ciidamo Itoobiyaan ah ayaa iminka arrintaasi ku jirta,xili Max'ed Dheere uu Itoobiya joogo,waxaana sidoo kale Ciidamada Itoobiya aysan ku qanacsaneyn hanaanka shaqo ee booliska Somaliyeed.