eelay and garre make peace after 16 years

[Hiiraan boy]

Beelaha Eelaay iyo Garre oo Soo Afjarey Colaadda u Dhaxeysey Mudada 16ka sano ah:
Warkii 12-Jul-2007 iyo Qormadii: aadan cusmaan

Sida uu noo sheegey wakiilka Ugaas Aadan Cali Macallin (Aadan Baniin),Xaaji Cali Cusmaan (Xaaji Cali Qoosh),waxaa colaad soo jirtey muddo ku dhow 16 sano oo ka soo billaabantey burburkii dowladdi dhaxe ee Soomaaliya,u dhaxeysey labadan beelood ee deriska ah taas oo sababtey barakac iyo dhimasho badan oo soo noqnoqdey.

Haddaba horraaanta bisha Julaay,ayaa nabaddoonada,culumaa’uddiinka labada Beelood waxay ku kulmeen deegaanada Farsooleey iyo Buurhakaba,ka dib markii dhowaan dilal aarggoosi ah dhaxmareen Malleeshiyaadka labada beelood.

Odeyaashan oo si niyad sami ah u wadahadley ayaa ugu dambeyntii waxay tuulada Farsooleey ku soo afjareen wixii colaad ahaa ee u dhaxeeyey,kuwaas oo ku balamey wixii dhaca in lagu simo odeyaasha iyo maamullada Buurhakaba,Qoryooleey,iyo Fullaay,oo aysan mar dambe soo laabnin colaad.

Sidoo kale odeyaasha iyo waxgaradka labada beelood ayaa ku heshiiyey inay xoolaha labada beelood u daaq tegi karaan deegaanada labada dhinac,taas oo laga baqeynin dil iyo dhac toona.

Waxana odeyaashaas ka mid dhinaca beesha Garre,Xaaji Cali Cusmaan (X.Cali Qoosh),Caaqil Cabdi Xaaji Aadan Magadlle,Nabaddoon Sheekh Xasan Sheekh C/raxmaan (Sheekh Xasan Gaaboow),Nabaddoon xaaji Aadan Geeddaaw, Ugaas madgaab Ugaas Faroole,Iidoow Aadan Cali iyo guddoomiyaha deegaanka Farsooley xaaji Madgaab iyo odeyaal kale oo aad u fara badan.

Dhinaca odeyaasha beesha Eelaay waxaa ka mid ah;Nabaddoon Maxmaed Cali Gaab,Nabaddoon Maadoow Axmed,Nabaddoon Baariyoow,Nabddoon seeraar,iyo guddoomiyaha degmada Buur-hakaba Awkeer.Ugu dambeyntii odeyaasha labada dhinac ayaa labada beelood u kala direy go’aanada heshiiska ay gaareen,waxayna ugu baaqeen inay si nabad ah ku wada noolaadaan oo aysan mar dambe oggolaan doonin colaad dhax marta labada beelood ee walaalaha ah.