Dead Men Walking

[AbdiWahab252]

Xaaji Cabdi Iimaan Iyo C/llaahi Sheekh Xasan oo markii ugu horeysay ilaalo gaar ah loo sameeyey

Guddoomiyaha golaha dhaqanka beelaha Hawiye garabkii dhowaan lagu asaasay Hotelka Lafweyn ee magaalada Muqdisho Xaaji Cabdi Iimaan Cumar iyo afhayeenki golahaasi C/llaahi Sheekh Xasan ayaa markii ugu horeysay loo sameyey cidamo boolis ah oo ilaalo ka haya, si amaankooda loo sugo.

Ilaalada loo sameeyey Xaaji Cabdi Iimaan Cumar iyo C/llaahi Sheekh Xasan ayaa la sheegay iney ka dambeysay ka dib markii ay dhowaan ka jabeen garabkii beelaha Hawiye ee la dagaalamay ciidamada Itoobiya iyo kuwa dowladda federaalka oo labadaasi xubnood ay ka tirsanaan jireen, si aad ahna ugu soo shaacbaxeen, iyagoo ku biiray garab ka tirsan beelaha Hawiye oo taageersan dowladda federaalka Soomaaliya markii uu isbedel deg deg ah ku yimid mowqifkiii ay markii hore ka taagnaayen arrimaha ka taagan magaalada Muqdisho.

Lama oga sababaha keenay in ilaalo gaar ah loo sameeyo Xaaji Cabdi Iimaan iyo C/llaahi Sheeh Xasan, hase ahaatee xubno iyaga ku dhow dhow ayaa sheegaya in arintaasi ay la xiriirto ka dib markii laga baqay iney soo weeraraan kooxaha iyagu iyo had jeer dilalka iyo qaraxyada la beegsada mas’uuliyiintta iyo ciidamada dowladda federaalka Soomaaliya iyo kuwa Itoobiya iyo weliba dadka taageersan ee u sugan magaaladan Muqdisho, waxaana labadan xubnood ay horey u ahaayeen kuwo iska dhex mushaaxa magaalada, iyagoo aysan cidina ilaalo ka heynin.