Down with traitors and the enemy of Somalia 
Guddoomiyihii degmada Yaaqshiid oo caawa lagu dilay Muqdisho.
Click here to find Shabelle news in English
Shabelle to air news in English
Mogadishu 03, August 07 ( Sh.M.Network) Guddoomiyihii degmada Yaaqshiid Xaaji Cali Fiidoow ayaa caawa salaadii ceshaha ka dib kooxo hubeysan ay ku dileen agagaarka guriugiisa ee isgoyska 4ta Jardiin ee magaalada Muqdisho.
Sida ay shabelle u sheegeen dad goobjoogayaal ah, marxuumka ayaa kooxo aan la garaneyn wax ay rasaas kula beegsadeen agagaarka gurigiisa xilli uu ka soo baxay salaadii ceshaha.
Marxuumka ayaa isagoo dhaawac ah laga qaaday halkaasi, waxaana uu u geeriyooday dhaawicii soo gaaray.
Kooxaha falkaan dilka ah geystay ayaa waxa ay wateen gaari Hoomeey ah, waxaana la sheegay in ay u gargaraaceen guriga xilli uu guddoomiyaha ka soo baxay salaadii ceshaha.
Sidoo kale rasaastii lala beegsaday guddoomyaha ayaa waxaa ku dhintey nin kale oo rayid ah halka mid kalena uu ku dhaawacmay sida ay ku waramayaan Goobjoogayaal.
Goobjoogayaasha ayaa waxa ay intaasi ku dareen in dhacdadani ka dib kooxo kale burcad ah ay boobeen dukaan ku yaala halka uu falku ka dhacay.
Waa guddoomiyihii labaad ee degmada Yaaqshiid oo shirqool ceenkaan oo kale ah lagu dilo, iyadoo kal hore Muxudiin Xasan Xaaji oo ka horreeyay Marxuumkaan horey loo dilay.
Dhowaan ayay aheyd markii K/xigeenkii degmada Yaaqshiid Nuur Cilmi ay toogasho ku dileen kooxo aan la garaneyn.
Wixii ku soo kordha kala soco shabelle.net