BREAKING NEWS SOMALILAND ARMY MOVES CLOSER TONITE

[Hiiraan boy]

Xiisad colaadeed oo caawa ka taagan jiida Arri cadeeye oo isku hor fadhiyaan ciidamada ........

Magaalada Laascaanood ee gobolka Sool ayaa caawa xiisad colaadeed ay ka taagan tahay iyadoo ay isku hub urursanayaan labada ciidan.Somaliland iyo Puntland ee isku horvfadhiya jiida dagaalka ee deegaanka Ari caddeeye

Taliyaha ciidamada daraawiishta gobolka Sool G/sare Siciid Axmed Maxamed oo goor dhow qadka telfoonka kula xiriirnay ayaa sheegay in ciidamada Somaliland ay ay ka soo ruuqaansadeen deegaan Aricaddeeye oo ilaa afar km ay soo dhaafeen, waxa uuna taliyahu sheegay in ciidamada Puntland ee ku sugan aagaas ay iska difaaci doonaan.

Taliyaha waxa uu sheegay in maalamahan ay ciidamada Somlailand ay wadeen abaabul dagaal kaas oo kii ugu dambeeyey uu shalay halkaa ka dhacay isagoo xusay in dhinacooda aanu dagaalkii shalay wax qasaaro ah ka soo gaarin balse ay jiraan dad shacab ah oo waxyeelo ka soo gaartay dagaalkaas iyo sidoo kale xoolo badan.

Dagaalkii shalay ka dhacay deegaankaas Ari caddeeyey ayaa la isku adeegsaday hubka nuucyadiisa kale duwan inkasta oo markii dambe uu qaboobay waxaana imminka deegaanadii ay shalay dagaalada ka dhaceen ka muuqaneysa saansaan colaadeed iyo abaabul xoogan oo labada ciidan ay isku hub urursanayaan.

Ciidamada Somaliland oo la sheegay inay fariisimadoodii soo dhaafeen ayaa Taliyaha ciidamada daraawiishta gobolka Sool G/sare Siciid Axmed Maxamed uu ku macneeyey arrintaas inay Somaliladn dooneyso inay dhul halkaa ka qabsato waxa uuna sheegay in arrintaas aaney suuragal noqoneyn.

Magaalad laascaanood oo imminka degan ayaa hadana waxaa ka muuqaneysa saan saan colaadeed oo ku saaabsan ciidamada isku hub urursanaya.