C/Qeybdiid,Muuse Suudi,Max'ed Qanyare,Salad Jeelle oo Xiriir

[Hiiraan boy]

Wixi ka danbeeyay markii xilka uu isaga tagay R/Wasaarihii Somaliya Cali Max'ed Geedi ayaa waxaa bilowday dhaq dhaqaaqyo siyaasadeed iyo Xiriiro wajiyo Cusub oo ay yeelanayan xubnaha ku jira dawladda ee feker ahaan raacsanaa Cali Geedi.

Warar aanu helnay ayaa sheegaya in Xubno ay kamid yihiin Muuse Sudi Yalaxoq,Max'ed Qanyare Afrax,iyo Salad Jeelle ay lasoo xiriireen gudoomiyaha gobolka Banaadir Max'ed Dheere iyo Taliyaha Ciidamada Booliska Somaliyeed General Cabdi Qeybdiid iyagoona kala hadlay sida xaal uu isu badali doono.

Waxaa soo baxaya in xubnahasi si wadajir ah ay u dareemeen khatar siyaasadeed oo laga yaabo in ay soo wajahdo kadib is casilaadda Geedi manaba kusii jiraan Qanyare iyo Muuse Suudi oo maanta uu soo hadal qaaday Madaxweynaha.

Dadka ku xeel dheer siyaasadda ayaa sheegaya in isbadalka dhacay uu gogol xaar u noqday maamul goboleed si rasmi ah ay ugu dhawaaqaan beelaha degan Banaadir kaasi oo lagu sii baahin doono gobollada Shabeelooyinka.

Gudoomiye Max'ed Dheere oo isaga xilka madaxtinimo ee maamulkaasi loo bira tumayo ayaa ku jira iminka hub uruursigii ugu xooganaa si Maamulkaasi uu u noqdo mid aysan loodin awoodaha ka hor imaan karaya.