wasiir iska diiday in uu qabto xilka cusub loo magacaabay

[Diyeeshaha_Tolka]

Xildhibaan ka tirsanaa xubnihii golaha wasiirada ee xalay looga dhawaaqay Baydhabo oo si cad uga soo horjeestay inuu xilkaasi qabto ka dib markii

Xildhibaan ka tirsan baarlamanka federaalka Soomaaliya kana mid ahaa xubnihii golaha wasiirada ee xalay looga dhawaaqay xarunta madaxtooyada magaalada Baydhabo ee gobolka Bay ayaa isagu ka biyo diiday markii la magacaabay ka dib inuu xilkaasi qabto, isagoo noqday xubinta kaliya ee ka maqneyd munaasabadii dhaarta ee golaha wasiirada oo isla xalay lagu qabtay magaalada Baydhabo ee gobolka Bay.

Xildhibaankan oo lagu magacaabo Cumar Dheere. loona magacaabay inuu noqdo wasiir ku-xigeenka wasaarada xanaanada xoolaha ayaa isagu markii la gaaray xiligii dhaarta golaha wasiirada si cad ugu tegay madaxweynaha iyo ra’isul wasaaraha, isagoo u sheegay inuu ka tanaasulay xilka looga magacaabay golaha wasiirada uusana dooneynin inuu xilkaasi qabto, iyadoo xildhibaankaasina uusan sheegin sababaha keenay inuu xillkaasi loo magacaabay ka biyo diido, hase ahaatee mar saxaafadu ay si hoose u weydiisay arintaasi ayaa waxa uu sheegay inuu saluugsan yahay xilkaasi uusana u qalmin inuu qabto oo sida darteed uu uga baaqsadauy inuu u dhaarto.

Xildhibaan Cumar dheere ayaa noqonaya xubintii ugu horeysay ee ka tirsan golaha wasiirada ee hadda la magacaabay oo diida inuu xilkii loo dhiibay qabto, waxaana la sheegay in madaxweynuhu uu u sheegay xildhibaanka haddii uu diiday inanaey jirin cid ku qasbeysa oo isla markaana uu u madax banaan yahay xoriyadiisa, waxaana arintani ay ka mid aheyd arimaha sida weyn looga hadal hayey magaalada Baydhabo habeenimadii xalay illaa saaka.