Sucuudiga Oo Ka Jawaabay Cabasho Dawladda Imbigaati

[Goljano Lion]

Sucuudiga Oo Ka Jawaabay Cabasho Dawladda Imbigaati Kaga Dacwotay Heshiska Al-Jabiri Ee Somaliland

[Goljano Lion]

Dawladda Boqortooyada Sucuudiga ayaa jawaab ka bixisay cabasho uga timid dawladda Imbigaati ee uu Madaxweynaha ka yahay Cabdillaahi Yuusuf Axmed, taas oo ku saabsanayd heshiiska xoolo dhoofinta ah ee uu Somaliland la galay ganacsadaha Sucuudiga ah ee Saleban Al-Jaabiri iyo weliba maxjarka uu ganacsadahaasi ka samaynayo dekedda Berbera

[Goljano Lion]

Sida uu Geeska Afrika ku baahiyay cadadkiisii 491aad, Dawladda Imbigaati, ayaa muujisay sida ay uga xuntahay heshiiska dhex maray Somaliland iyo ganacsadahaas u dhashay wadanka Sucuudiga, waxaanay cambaaraysay ganacsade Saleban Al-jaabiri oo ay ku eedaysay inuu Somaliland soo galay isaga oo aan fasax ka haysan dawladda taagta daran ee uu Cabdillaahi Yuusuf Madaxweynaha ka yahay

[Goljano Lion]

Sulaymaan Cabdi Nuur oo ku magacaaban la taliyaha arrimaha dhaqaalaha ee madaxweynaha dawladda Imbagathi Cabdilaahi Yuusuf Axmed ayaa ku hanjabay in dawladdiisu sharciga la tiigsan doonto ganacsade kasta oo carbeed ama u dhashay dal kale oo shisheeye ah oo heshiis lagu dhoofinayo xoolaha Soomaalida oo aanay dawladdiisu ogeyn la gala Dawladda Somaliland iyo weliba maamul goboleedka Puntland. Waxaanu ninkani sheegay in dawladoodu cabasho arrintaas ku saabsan u gudbin doonto dawladda Sucuudiga, isaga oo xusay in Saleban Al-Jaabiri maxjarada uu ka dhisay Berbera iyo Boosaaso ku bixiyay 40 Milyan oo lacagta Suxuudiga ah

[Goljano Lion]

Haddaba, Wasaaradda beeraha ee dalka Sucuudiga ayaa toddobaadkan jawaab ka bixisay cabashadaas dawladda Imbigaati, waxaanay Wasaaradda beeraha ee boqortooyada Sucuudigu cadaysay in aanay wax xidhiidh ah la lahayn mashruuca Maxjarrada xoolaha ay kaga dhisayaan maal gashadayaal u dhashay Sucuudiga iyo dalalka Khaliijku Somaliland iyo meelo kale oo ka tirsan Somaliyaba. Waxaanay xustay in maxjaradaasi gaar u yihiin ganacsadayaal madaxbanaan oo muwaadiniin ah

[Goljano Lion]

read the whole article http://www.gabiley.net/