Post
by abdi ilyas Mon Feb 02, 2009 5:09 am
waxaa tahay IMiirkii wabiyada iyo badda nooloow
Markii ay go,doontee
Gobonimadii dhimatee
Gawraca la geeyeee
Dalkii gebi ahaantii
Dabka lagu ganbiyee
Guryihii la ololshee
La gumaaday maatada
Ayaa geesi soo kacay
Gurmad eebe soo diray
Guulwada shariifoow
Geesigii qarniga iyo
Gobonimo udirirkoow
Guushani ku raacdaye
Gaashaanka noo haay
Geyigiaad u dhalatiyo
Gurigii dhabta ahaa
Geeskii aan ku noolayn
Go,doon baa la geliyoo
Gaasas aan naxayniyo
Guluf baa la geliyooo
Waa la gaabshay gebigeed
Gocora aan naxayniyo
Garmaqaatayaal baa
Gam ka siiyay maatida
Ka gilgilo xumaatada
Garo waajibaadkaaaa
Guyaal iyo guyaalbaan
Guusha caawa noo timid
Geesiyaw sugayneee
Gacantaada eebaaa
Ku guuleeyay maantee
Gadhwadeen nadiifoo
Garyaqaaan cadliya
Noqo ruux gaaraadloo
Gobonimo udirir ooo
Geyigoo dhan gaadhsii
Nabad lagu gam, oo wacan
Googol qudha isugu keen
Gardarada ka dheeroow
Gooni haysu taagine
Garabahaaga nimankii
Geesaha ka joogeeee
Guusha kuu horseedee
Geesiyaashii waydii
Garashana ka kaashoo
Garo waajibaadkaaaa
Guulwade shariifooow
Geesigii qarniganaaw
Dadkan kala go,doome
Gararkaa ka kala dhacay
Guryahoodii wada keen
U gargaar agoontooo
Garab qabo haweenkoo
Uguntoo dadkoo idil
Cudurada gumaadiyo
Gaajada haleeshiyo
Geerida dhamaysiyo
Garaad xumada taaliyo
Jahligaa gardaadsaday
Ka gilgilo xumaatada
Garo waajibaadkaa
Danta reer galbeedkiyo
Gocorada itoobiya
Inta guushayada neceb
Inaan horumar gaadhnoo
Weligaa ka gaabsooo
Gogoshooda haba gelin
Haw garaabin weligaa
Ha garawsan hadalkood
Guurtida dalkeeniyo
Geeshkii aqoontaaa
Garabkaaga joogeee
Gargaar dibad ka yimid
Ha guuxin cadawgaaa
Ka gilgilo xumaatada
Garo waajibaadkaaa
Xilka aad gudoontee
Garabkaaga saarani
Guushii dadkaagiyo
Galaday sugaayeen
Guuloow ka yeeeloo
U gargaara gudoonshaha
Ilahaaw la garab qabo
Guul iyo baadhaadhi
Gobonimo midnimo qaran
Guuloow na gaadhsii
Gulufkiyo colaadiii
Soo gebegebeeyooo
Soomaaliyeey garaadsada
Garbaha is qabsada oo
u guntada wanaagiyo
xaqa wada garwaaqsada
W/Q Cabdiraxiin Hilowle (Galayr)
abdirihiin1@hotmail.com
