Dhererka kanaalkaan [Primo Sukundaariyo] 32km ayaa waxaa ka faaiidaysta deegaanada ku teedsan kanaalkaan ee kala ah degaanada Jiida Janaale Golweyn iyo weliba B/Mareer.
Kanaalkani oo in ku dhow Muddo Shan Sanno ah aanan la dayactirin ayaa waxaa fuliyay dayactirkiisa NAGO [ ADCO] oo ka mid ah Haya’daha maxaliga ee ka howlgala degaanada goblka Sh/hoose waxaana ay gacan buuxda ay ka heleen haya’dda [FAO ]oo ka mid ah laanta u qaabilsan Q/Midoobay horumarinta dhinaca Beeraha.
Beeralayda Gobolka Sh/Hoose oo kanaalakani dhibaato xoogani ay uqabeen, ayaa la sheegayaa in dhibaatada Kanaalkaan ay ahayd mid ay saamaysay dad lagu qiyaasay illaa iyo 15000 qoys oo isugu jira beeraley iyo xoolo dhaqato.
Dib u dayactirka lagu sameeyay Kanaalkkaasi ayaa waxaa si weyn u soo dhaweeyay dadweynaha gobolkaasi oo u badan Beeralay, waxayna tani ay qayb ka tahay sidii loo kordhin lahaa wax soo saarka tacabka Beeraha ee goblka sh/hoose oo ah Goblka ugu wax soo saarka badan dalka Soomaaliya dhinaca Beeraha.
Waxaa sidoo kale dadka Gobolkaasi ay u badan yihiin dadkii ka barakacay, ayaa islamrkaana waxa ay ku jiraan xeryo qaxooti, iyagoo la filaayo inay dib ugu soo laabtaan degaanadoodii abaaro iyo colaad darteed ay ay uga haajireen taasoo qayb ka ah kor u qaadista iyo dib udejinta dhaqaalaha dadka dalka Somaaliya loona baahan yahay in ay dadka kaa faaideeysrtaan kheyraadk Eebbe ugu maneeystay oo aanan la sugin kaalmooyinka Haya’daha .
