Warar deg deg ah oo haatan na soo gaadhaya ayaa sheegaya in Caawa Fiidkii ooda laga qaaday Markabkii laga lahaa Dalka Talyaaniga kaasi oo in mudo ah Afduub loogu Haystay duleedka Magaalada Xeebta leh ee Laasqoray, warka ayaa intaasi ku daraya in aan la sheegin meesha uu Markabkaasi u dhaqaaqay sii dayntiisii ka dib.
Warkan ayaa Radio Dhahar-Online waxa soo Gaadhsiiyay qof ka Gaabsaday inuu Magaciisa Saxaafada ka sheego, isaga oo ku Daray intaasi inay Budhcadu qaateen Aduun Lacag ah oo dhan [4-Million ]oo Doolar.
Markii warkaasi na soo gaadhay ayaan Bilawnay Xidhiidh dheeraad ah si aan Faah Faahin uga helay qaabka sii daynta ee Markabkaasi lagu Magcaabo Buccaneera, waxana soo soo shaac baxday in siidayntaasi ay u dhacday si Jawi Nabadeed ah.
Horaantii Bishii March ee sanadakan ayaa Maraakiibtaasi waxa la Keenay duleedka Magaalada Laasqoray Halkan lagu Magcaabo Gacan oo 15-Km Qiyaastii u Jirta Marsada Laasqoray.
Maraakiibtaasi ayaa ayaa laga kala lahaa Dalalka Masar iyo Talyaaniga iyada wali ay Gacanta Budhcada ku Jiraan kuwii ka diiwaan gashnaa Dalka Masar oo aan la siidayn, waxa xusid mudan in Shaqaalaha saarnaa Markabka Talyaaniga ee la siidaayay ay dhamaayeen 10-u dhashay Dalka Talyaaniga 5- kale oo la Xaqiijiyay inay ahaayeen Romanians.
Warbixin aan dhawaan Daabcnay[Guji Halkan]
Jaamac Feyte
-------------------------------------------------------------------------------------------
