MURTADIINTII oo Banaanka loo saaray kismayo

[Macow236]

Maleeshiyaad taabacsan kooxda Al-Shabaab ayaa lagusoo waramayaa in ey gacanta ku dhigeen inta badan magaalada Kismaayo, iyadoona dhinicii kale ee Xisbul Islaam laga saaray goobihii ey ku jireen islamarkaana ey iminka ka dagaalamayaan duleedka magaalada.

Xisbul Islaam ayey wararku sheegayaan in maleeshiyaadkooda laba loo kala jabiyay iyadoona qeyb ka mid ah iminka banaanka looga saaray magaalada.

Sarkaal u hadlay Al-Shabaab ayaa saxaafadda u sheegay in dagaalka uu iminka marayo gabo-gabo islamarkaana waxa uu ugu yeeray "MURTADIINTII" ey kaga guuleysteen dagaalkii saakay bilowday.

Labada dhinac ayaa iminka isku eedeynaya in midba midka kale uu dagaalka bilaabay.

Dhinaca kale qasaare isugu jira dhimasho iyo dhaawac ayaa waxaa uu soo gaaray dadka shacabka ah oo ey qaarkood guryohooda ugu tageen madaafiicdii la isweydaarsanayay, waxaana sidoo kale qasaare uu ka jiraa dhinacyada ey dirirtu u dhaxeyso.

Meydadka maleeshiyaadka dagaalamaya iyo dad rayid ah ayaa waxa ey daadsan yihiin wadooyinka qaar, iayadoona ey dariiqyada haawanayaan oo ey rasaas culus socoto.

Warbixintan oo aanu ku heleyno khadka taleefanka ayaa sheegeysa in uu wali dagaalku socdo islamarkaana la iskala baxay xaafadaha qaar, walow qeybo kale oo magaalada ah uu wali dagaalka ka socdo.

Kooxahan dagaalamaya ayaa isku haya gacan ku haynta magaalada Kismaayo.

Wixii kusoo kordha kala soco Calanka