Qarax xoogan oo Caawa ka dhacay xarunta Ciidmada AMISOM

[moshakis_nl]

Qarax xoogan ayaa Caawa waxa uu ka dhacay xarunta ugu weyn ee Ciidmada AMISOM ay ka degenyihiin magaalada Muqdisho iyadoona qaraxaasi uu sababay qasaarooyin kala duwan.



Qaraxani oo ahaa mid aad u xoogan ayaa waxaa uu ka dhacay Caawa xarunta Xalane oo ah Fariisinka ugu weyn Ciidamada Midowga Afrika ee AMISOM.



Qaraxa oo aan la ogeyn waxa uu ka dhashay ayaa waxa uu ka dhacay xarun dadka lagu daawo oo Ciidamada Midowga Afrika ee AMISOM ay ku leeyihiin xarunta Xalane oo ah fariisinka ugu weyn Ciidamada AMISOM.



Afhayeenka Ciidmada AMISOM Bariijiye Buhuuku oo Shabelle la xiriitay ayaa qiray in uu qaraxaasi jiro isagoona sheegay in uusan ogeyn waxa uu ka dhashay balse ay baaritaano ku hayaan waxyaabaha dhaliyay qaraxa iyo cidii ka dambeysay.



Waxa uu intaasi ku daray in qaraxa uu sababay qasaaro soo gaaray Ciidamo katirsan kuwa Midowga Afrika iyo dad kale oo Soomaali ah inkastoo tiradoodu uusan shaacin.



Wixii warar ah ee ku soo kordhaa kala soco Shabelle.net hadii uu Ilaah inoo saamaxo.



Aqriso oo la soco Shabelle.net Saacad Walba si aad u hesho wararkii ugu dambeeyay ee Soomaaliya.