Xarakada Al-Shabaab ee magaalada Jowhar ayaa maanta sii deysay C/llaahi Siyaad Qanyare oo muddo 75-cisho u xirnaa, kadib markii ay kaga shakiyeen inuu ahaa Masiixi, iyadoo maanta la soo taagay Maxkamad.
C/llaahi Siyaad Qanyare oo ka midka ah dadka u dhashay Gobolka, isla markaana ku wax bartay ayaa lagu eedeeyay inuu ahaa nin Masiixi ah, hase ahaatee maanta markii la soo taagay Maxkamad ayuu sheegay in taasi waxba ka jirin.
C/llaahi Siyaad ayaa markii la sii daayay kadib wareysi uu siiyay Radio Jowhar waxaa uu sheegay inuu isaga yahay nin Muslim ah, hase ahaatee looga shakiyay Masiixinimo, isagoo carabka ku dhiftay inuu u shaqeyn jiray Hey'ado Ajnabi.
Mar wax laga weydiiyay eedeymo Shabaab u jeediyeen oo ahaa inuu masiixi ahaa, isla markaana hoygiisa laga helay Buuga loo yaqaano BIBLE ayuu sheegay inuu ka soo galay 1993-dii oo howle uu ka hayay Magaalada Muqdisho darteed loogu siiyay hadiyad isugu jirtay Dhar, lacag iyo buugaan, isagoo cadeeyay in aanu hal mar xataa fiirin.
"Aniga waxaan ahay nin Muslim taqi ah, diinta islaamka ku dhashay, ku bar baaray, ilaa hadana ku nool, wararkaas waxaa uu ahaa shaki dadkaas ay qabeen, waxaana rajeynayaa inuu hada shakiga baxay, sidaas darteed wax walba wixii jiray iyo waxaan jirinba waxaan Alle weydiisanaa inaan ka towbad keenay"ayuu yiri C/llaahi Siyaad oo hada u shaqeeya Hey'adda MSF Spain.
C/llaahi Siyaad oo ka mid ah dadka sida weyn looga yaqaano magaalada Jowhar ayaa waxaa uu ka mid ahaa dadka aqoonta leh ee ku waxbartay Magaalada Jowhar, gaar ahaan Dugsigii Mishinka ee Mareykanka dhisay sanadkii 1964-tii.
Hoyga wararka Somaliyed
www.Jowhar.com
Jowharcom@hotmail.com
Jowharcom@gmail.com
Accusing muslims of being gaalos is becoming popular even amongst the shabaabist wahabis living abroad
