Puntland Begins Mosque/School Census

[Kheyrow]

Dawlada Puntland Oo Bilowday Tiro Koobka Masaajidda Iyo Dugsiyada Quraanka Puntland

August 6, 2010

Dawlada Puntland ayaa maalmihii ugu danbeeyey waday tiro koob ay ku sameyneyso masaajidyada iyo dugsiyada quraan ee deegaanada Puntland.

Wasiirka Cadaalada iyo dhaqan celinta Puntland Cabdi Khaliif Xaaji Xasan oo la hadlay Horseed Media ayaa sheegay in Wasaarada Cadaalada Puntland ay tirakoob ku sameysay masaajidda iyo dugusiyo quraan oo kuyaala magaalooyinka Garowe,Galdogob iyo Gaalkacyo.

Wuxuuna intaasi ku daray in sababta ka danbeysa tirakoobkaasi ay salka ku hayso sidii ay hubanti u noqon lahaayeen arrimo fara badan oo ay ka mid yihiin :

1 . In La mideeyo manaahijta
2 . In Aqoonsi lagu garto loo sameeyo macalimiinta dugsiyada.
3 . In Loo kuur galo nadaafada dugsiyada
4 . In Puntland ay hesho xasilooni,uusana imaana is qabqabsi

…”Waxaan dooneynaa in Manaahijta layswaafajiyo sababtoo ah dalka dagaal diimeed ayaa ka socda,si aysan u dhiicin dhibaato iska hor Imaad ah….”ayuu yiri

Wasiirka Cadaalada iyo Dhaqan Celinta Puntland ayaa sheegay in dhowaan ay filayaan in tirakoobyo kuwaasi oo kale ah ay ka sameyn doonaan masaajidada iyo dugsiyada quraan ee kuyaala magaalooyinka Qardho iyo Boosaaso.

Waxaana uu ku daray hadalkiisa in uu rajeynayo deegaanada kale ee Puntland ay tirakoobkaasi ka samayn doonaan,haddii buu yiri Wasaaradu ay dhaqaale u hesho.

Si kastaba arrimahaan ayaa waxay ku soo beegmayaan xili dhowaan Wasaarada arrimaha gudaha Puntland ay ka dhawaajisay in tiro koob ay ku sameyn doonto macalimiinta wax ka dhigta deegaanada Puntland.

Horseed Media