Iyada oo ay ballaadhanayso dhismayaasha magaalada Oog, isla markaana dalka guud ahaan ay ku badanayaan hotelada waaweyni ayaa waxaa dhowaan laga furay magaalada Oog Hotel caalami ah oo ay maalgelisay ganaacsadayaal qurbajooga Somaliland ah.
photo
Hotelkan oo lagu Magacaabo Oog Plaza Hotel. Mid ka mid ah Mulkiilayaasha Hotelaka Oog Mr Mussa Hersi, ayaa u sheegay in adeega hotelkani wax badan ku soo kordhin doono dadka badan ee iyagu safraaya iyo bulshada kale ee reer Oog. Hotelkan waxa uu leeyahay oo ku dhan sida uu sheegay maamulka Hotelka, dhammaan adeegyada ay leeyihiin hoteelada caalamiga ahi, sida: - TV, telephone, talaagad, Internet qol walba ku jira iyo Adeegga Qolalka (Room Service). Qolalkiisu waxay ka kooban yihiin Qolal keli keli ah iyo qolal waaweyn oo laba qof loogu talagalay.
Furitaanka Hotelka ayaa waxaa xadhiga ka jaray Wasiirka Wasaaradda Macdanta iyo Biyaha Xuseen Abdi Ducaale, Badhasaabka iyo Maayorka Gobolka Saraar iyo dad kale oo faro badan.
Somaliland.org
