Meelaha ugu daran ee laga bilaabay howlaha biyo dhaaminta ayaa waxaa ka mid ah tuulooyin ay ka midka yihiin Faafaxdhuun, Juungal, Geriley, Towfiiq, takar, faanweyn, Ceelcilaan, Shonqolow, ilbeeto iyo dhulka miyiga ah ee hoostaga degmooyinka Baardheere iyo Ceelwaaq, halkaasi oo todaabyadii ugu dambeeyey ay isa soo tareysay qeylo dhaan ku aadan abaaro iyo Biyo la,aanta oo gaartey heerkii ugu adkaa, waxaana deegaanadaasi oo ay ku dhiban yihiin Boqolaal qoys oo u badan xoola dhaqato ayaa la geeyey ku dhowaad ilaa 18 booyado oo biyo ah oo loogu talagalay in la siiyo dadka deegaanadaasi biyo la’aanta ay ku hayso.
Cali Saalax Xasan oo ka mid ah Gudiga Gurmadka Abaaraha ayaa warbaahinta u sheegay in biyo dhaamintan ay tahay qeybtii koowaad ee laga wado degmooyinka Gobolka Gedo oo ay abaaruhu ku dhufteen, isagoo sheegay in howshaasi gurmadka Biyo dhaaminta ah in Gobolka ayka wadaan Shirkada Hormuud,Waxaana uu sheegay inuu rajeynayo in maalmaha soo socda dhul badan ay dabooli karaan baahiyahooda xagga biyaha.
Deegaanada haatan la gaarsiiyey gurmadka biyo dhaaminta ayaa waxaa ay yihiin meelaha ay abaartu sida aadka ah u saameysay, waxaana deegaanadan qaarkood dad iyo duunyaba ugu geeriyoodeen biyo la’aan todobaayadii lasoo dhaafay, inkastoo la bilaabay dhanka biyo dhaaminta waxaa sidoo kale aad looga cabanayaa daaqa xoolaha oo aanu jirin, iyadoo dadkuna aysan heysan waxay quutaan.
Ma ahan markii ugu horeysay ee Shirkada Hormuud gurmad Howlo biyo dhaamin ayka bilowdo deegaano ka tirsan Gobolka Gedo, iyadoo talaabadani ay noqoneyso tii ugu horeysay oo ay qaadaan Shirkadaha Ganacsiga ee ka howlgala Gobolka.
_______________________________
Axmed Cumar Saalixi, Baardheere/Gedo.
