Janaraal Maxamed Cali Samatar oo si qarsoodi leh kusoo gaaray magaaladda Muqdisho
Wasiirkii Gaanshaandhiga ee dowladdii kacaanka Janaraal Maxamed Cali Samatar ayaa waxaa lagu dhex arkay magaaladda caasimadda ah ee Muqdisho, xilli aysan waxba kala socon bahda saxaafadda.
Janaraal Maxamed Cali Samatar ayaa wuxuu la-socday dhawr iyo toban saraakiil ah oo shalay galab soo gaaray caasimadda dalka Soomaaliya ee Muqdisho, waxaana lagu wadaa sidii ay u kabi lahaayeen dowladda kmg ee Soomaaliya.
Booqashada uu Maxamed Cali Samatar kusoo gaaray magaaladda Muqdisho ayaa waxaa si weyn ula yaabay dad fara-badan oo aan ka war-heyn booqashada qarsoodida leh ee uu kusoo gaaray magaaladda Muqdisho.
Janaraal Maxamed Cali Samatar iyo saraakiil sar sare oo ka tirsaneed dowladdii Maxamed Siyaad Barre ayaa waxaa la-dejiyay aqalka madaxtooyada ee Villa Somalia, waxaana lagu wadaa in dowladda Soomaaliya ay ka saacidaan sidii ay dowladda uga itaal roonaan laheyd maamulka Xarakada Al Shabaab ee kusii baahaaya dalka Soomaaliya.
Warar hoose oo ay Shabakadda Dhacdo.com ka heleyso xaruunta aqalka madaxtooyada ee Villa Somalia ayaa waxay sheegayaan in kullan balaaran ay galabta yeesheen madaxweyne Shariif Sheekh Axmed, Janaraal Maxamed Cali Samatar iyo Janaraal Caare.
Waa markii ugu horeysay oo saraakiishani ay dib ugu soo laabtaan magaaladda caasimadda ah ee Muqdisho, tan iyo markii ay meesha ka baxday dowladdii dhexe ee Maxamed Siyaad Barre.
