Ra’iisulwasaarihii hore ee Soomaaliya Maxamed Cabdulaahi farmaajo oo waraysi qaas xalay siiyay Idaacada kulmiye ee Magaalada Muqdisho ayaa ka hadlay arimo farabadan oo uu dalkan Soomaaliya soo maray sanadii lasoo dhaafay ee 2011 waxa uuna sheegay in 20kii sano ee lasoo dhaafay tii ugu wanaagsanayd ay ahayd sanadii 2011 oo uu wadankana helay Ifafaalo nabadeed oo ay hormuud ka ahayd Xukuumadii uu hogaaminayay.
Mr: Farmaajo ayaa sidoo kale waxa uu shaaciyay in xukuumadiisa ay indhaha u furtay Shacabkan Soomaaliyeed
Ra’iisulwasaarihii hore ee Soomaaliya ayaa mar waxa laga weydiiyay waxa uu sanada Cusub u rajaynayo umada Soomaaliyeed ayaa waxa uu sheegay in alle uu ugu baryayo in sanadan ay dhibaatada uga baxaan dadkan Soomaaliyeed
Maxamed Cabdulahi farmaajo Ra’iisulwasaarihii hore ee Soomaaliya oo mar aan wax ka weydiinay inuu dib ugu soo laabanayo siyaasada dalka islamarkaana uuna wax ka qaban doono hogaanka ayaa waxa uu sheegay in uu isaga kamid yahay Umada Soomaaliyeed eek u nool dalka dibadiisa una baahan in ay dib dalka ugu soo laabtaan haduu nabad noqdo islamarkaana ay suuragal tahay inuu kusoo laabto siyaasada Soomaaliya.
Sanadii aynu soo dhaafnay ee 2011 ayaa xukuumadii uu hogaaminayay farmaajo waxa loogu magacdaray Xukuumadii Tayo iyadoona la Ogaa inuu wax la taaban karo ka badalay Siyaasada Dowladda KMG ah ee Soomaaliya
