allah akbaar thx allah for the nacmaa that you provide us , ha nolato PLIlo wareedyo lagu kalsoon yahay ayaa Horseed Media u xaqiijiyey in lagu guuleystey baarintaankii shidaalka ee laga wadey dooxada Dharoor ee gobolka Bari.
Warbaahinta Horseed Media ayaa ogaatey in ceelka Shabeel One oo mudo bil iyo 18 beri ah qodaalkiisu uu socdey shidaal laga helay.
Wararka ay Horseed Media heshay ayaa intaas ku daraya in shidaalka loogu tegey gunta hoose ee ceelka Shabeel-1 oo noqonaya ceelkii shidaal ee ugu horeeyey ee Soomaaliya laga qodo mudo 20-sano ka badan uu yahay mid aad uga badan intii horay loo saadaaliyey.
Dhinaca kale waxaa noo suurta geli weydey inaan helno qaar kamid ah mas’uuliyiinta shirkadda shidaalka dooxada Dharoor ka baaraysa ee Africa Oil oo aan xiriir la samayney haseyeeshee ila wareedyada aan warkan farxadda leh kasoo xiganay ayaa xusay in ayaamaha soo socda warkan Saxaafadda gudaha iyo midda caalamiga ahba loo soo bandhigi doono.
Qodaalka ceelka shidaalka ee Shabeel-1 oo ku yaal dooxada Dharoor ee gobolka Bari ayaa bilowday 16/1/2012, waxaana sahamo hore oo la sameeyey ay muujinayeen in uu dooxadaas ku jaro shidaal lagu qiyaasay 2-bilyan oo Fuusto.
Munaasabad lagu maamuusayo guusha uu kusoo dhamaaday baaritaankii shidaalka ee ka socdey Soomaaliya gaar ahaan Puntland ayaa la filayaa inay dhowr beri kadib dhacdo, waxaana kasoo qayb geli doona madaxweynaha Puntland Cabdiraxamaan Maxamed Maxamuud (Faroole) oo isagu xiligan dibadda safar shaqo ugu maqan 2-bari kadibna dalka kusoo noqon doona.
Horseed Media
