Gen: Caanood oo shegay in Ciidamada Dowlada ay afka sareen wadoyinka ada Kismaayo iyo Baydhabo
May 26, 2012 - jawaab
Wararka naga soo garaya deeganada ay howlgalada ka wadan Ciidamada Dowlada aya waxaay tibaxayaan in Ciidamada huwanta ah ay jahooyin badan uga baxeen Dagmada Afgooye
Taliyaha Guutada kowaad Gen: Cabdulahi Cali Caanood oo warbahinta la hadlay saaka ayaa sheegay in ciidamada Dowlada ay ku sugan yihiin wadooyin dhowr ah oo ka baxa degmada Afgooye ee Gobalka Shabeelaha Hoose.
Taliyaha aya shegay in Wadoyinka ada Baydhabo iyo Kismaayo ay ciidamadooda ku baxeen waxana uu inbtaasi ku daray in Ciidamadaasi aysan so laban doonin ila Askari ka mid ah Al-Shabaab uu ku sugan yahay Ciida Somalia
Ciidamada Dowlada iyo kuwa Amisom aya guulo waaweyn ka soo hoyay dagaal maalmo qatay oo ay ku qadeen farisimo ay Ciidamada Al-Shabaab gacanta ku hayeen waxana ugu weyn Xarunti Al-Shabaabka ee Ceelasha biyaha iyo Afgooye.
Kismaayo24
Ciidamada DKMG Somalia iyo kuwa AMISOM oo u Jiheystay Dhinaca Degmada Marko ee Gobolka Shabeellada Hoose
Sabti, May 26, 2012 (HOL) — Wararka laga helayo degmada Afgooye ayaa waxay sheegayaan in ciidamada dowladda KMG ah iyo kuwa AMISOM oo isgarabsanaya ay saakay u dhaqaaqeen dhinaca degmada Marko ee xarunta gobolka Shabellada Hoose.
Goobjoogayaal ku sugan degmada Afgooye ayaa HOL u sheegay in ciidamada DKMG ah iyo kuwa AMISOM oo wata gadiid dagaal oo ay ka mid yihiin taangiyo ay mareen jidka aada degmada Marko iyo degmooyinka kale ee gobolkaas.
"Ciidamada dowladda iyo kuwa AMISOM oo wata gaadiid dagaal oo fara badan ayaa ku dhaqaaqay jidka dhinaca koonfureed kaga baxa degmada Afgooye, kaasoo taga degmooyinka Marko iyo kuwa kale ee gobolkaas kaga beegan dhinaca Koonfureed," ayuu yiri goobjooge ku sugan Afgooye.
Saraakiisha dowladda KMG ah ayaa waxay iyaguna sheegeen in howlgalladu ay sii socon doonaan, waxayse ka gaabsadeen halka ay aadi doonaan kaddib degmada Afgooye, inkastoo saraakiisha qaarkood ay sheegeen inay ku dhow yihiin degmada Wanlaweyn oo 60-km dhinaca Galbeed ka xigta degmada Afgooye.
"Howgalladu ma joogsanayaan illaa aan ka tagno barta noo calaameysan," ayuu yiri mid ka mid ah saraakiisha hoggaaminaya ciidamada dowladda oo aan sheegin barta u calaameysan ee ay doonayaan inay howlgalkooda ku hakiyaan.
Xoogagga Al-shabaab ayaa la sheegay inay isku urursanayaan deegaannada u dhexeeya Afgooye iyo Marko, inkastoo saraakiisha kooxdan aysan ka hadlin tallaabo ay qaadi doonaan kaddib ka bixitaankooda degmada Afgooye.
Degmada Marko oo ah xarunta gobolka Shabeellada Hoose ayaa waxay 60-km ka xigtaa dhinaca Koonfur-bari degmada Afgooye, waxayna ka mid tahay goobaha ay aadka ugu xooggan tahay Al-shabaab, inkastoo aan la ogeyn sida uu xaalkeedu noqon doono.
Hiiraan
Tartanka Qabashada Magaalada Kismaayo
Added by Gedoonline on May 25, 2012.
Saved under Editorial, Latest News
Tags: Latest News
Gedoonline: op/ed……
Cidamo sadex geesod ah oo aan isku qorshe ahayn baa dhawaan ku wajahan Jubooyinka gaar ahaan magaalada Kismaayo. Wajiga kowaad ee ciidamadaan ayaa ah ciidamo ay hogaaminayso dowlada Kenya ee ka imanaya dhanka xuduudka Kenya. Dhanka magaalada Baydhabo waxaa ayana jooga ciidamo Itoobiyaan ah oo horaantii todobaadkan ayaguna baahiyay inay doonayaan inay qabtaan ama Shabaabka ka kiciyaan illaa magaalada Kismaayo. Dhanka Muqdisho waxaa ayana Jubooyinka ku wajahan ciidamada AMSOM iyo kuwa Dowlada Ku Meel Gaarkaa. Waxaana cad ina sadexda ciidan aysan ka dhexayn wax xiriir ah iyo qorshe midaysan oo ciidan. Tartanka ugu weyn waxaa uu ka dhex jiraa kuwa dhanka Muqdisho ka imanaya ee Kenya horkacayso iyo ciidamada DfFKG iyo AMISOM. Waxaana labada dhinac sida muuqatay aysan wali isku waafaqin cida gacanta ku hayn doonta maamulka goboladaas Jubooyonka gaar ahaan magaalada Kismaayo.
Goboladaan oo ay wali gacanta ku hayaan kooxaha xag jirkaa ee Al-Shabaab hogaanka u yahay. Waxaana muuqata in ay sii wiiqmayso awooda ciidan ee kooxda Al-Shabaab. Is badalka awoodeed ee ku yimid kooxda ayaan illaa iyo hada si cad loo faah faahin ama aysan jirin cid si rasmi ah u fahamsan. Waxaa cad in awoodii ciidan ee kooxdani aysan u babac dhigi karin awooda ciidan ee sadex geesoodkaa. Waxaa kaloo cad in dadka deegaanku si buuxda uga soo horjeesteen qorsha qalafsan ee aan horumarka lahayn ee kooxda Al-Shabaab.
Si kastaba ha ahaatee, tartanka loogu jiro deeganada Al-shabaab banayso ayaa ah mid cad oo mudan in si gooni ah isha loogu hayo. Waxaana cad in dalalka Kenya iyo Ethiopia ay dano gooni ah ka leeyihiin ku lug yeelashada maamulka gobolada Jubooyinka. Tartanka Jubooyinkaga gaar ahaan midka maamulka iyo gacan ku haynta Kismaayo oo horey u ahaan jirtay mid u dhaxaysa qabiilada Soomaaliyeed ayaa hada u muuqata mid u dhaxaysa dalalka dariska gaar ahaan Kenya iyo Ethiopia.
Isbadalka dhowaan lagu wado inuu ka dhoco gobolada Jubooyinka ayaa wax badan ka badali doona siyaasada cakiran ee koonfurta dalka. Waxaanse wali cadayn sida loo midayn doono rabitaanka siyaasadeed ee dadka deegaanka goboladaas iyo saamaynta ay ku yeelan doonaan awooodaha shisheeye iyo faragalinta deegaanada.
Dad badan baa laac ka muujiyay colaada herka gobol ee saamaynaysa deegaanka gaar ahaan kala daadsanaanta shacabka iyo hardanka quwadaha shisheeye.
Gedoonline op/ed
