Hargeysa (Somaliland.Org)- Madaxweynaha Jamhuuuriyada Somaliland Mudane Axmed Maxamed Maxamud (Siilaanyo) ayaa Caawa qasriga Madaxtooyada Afuro iyo Casho Sharaf ugu sameeyay Culimada Somaliland isla markaana ay iska xog-waraysteen xaalada guud ee Wadanka iyo doorka ay Culimadu ka qaadan karaan horu-socodka dalka.
Madaxweynaha Somaliland Mudane Axmed Siilaanyo waxa uu Culimada warbixin ka siiyay xaalada nabadgalyo iyo nololeed ee deegaamada Somaliland waxaanu ka dalbaday Madaxweynuhu Culimada inay doorka kaga beegan ka qaataan hawlaha nabadaynta ee ay Xukuumada Somaliland qaadatay,taas oo ay ku jirto ayuu Madaxweynuhu yidhi danta Bulshada iyo Horumarkoodu.
Xubno ka mid ah Culimada oo goobtaasi ka hadlay ayaa balan qaaday inay Xukuumada kala shaqaynayaan isla markaana ku garab taagan yihiin hawl galada nabada iyagoo xusay in Culimadu yihiin dhaxalkii ambiyada waxaanay intaas ku dareen inay kaalintooda ka ciyaari doonaan arrimaha haatan dalka horyaala .
Kulankaasi waxa goob joog ka ahaa Wasiirrada wasaaradaha Diinta iyo Awqaafta iyo Maaliyadda Sh. Khaliil Cabdilaahi Axmed Iyo Md. C/Casiis Maxamed Samaalle.
Cumar Maxamed Faarax
Somaliland.Org/Hargeysa
cumarmfaarax@hotmail.com
http://www.somaliland.org/2012/08/15/ma ... dda-dalka/
