C/qaadir Faarax Garaad oo loo magacaabay Ra’isul Wasaaraha Somaliya, kadib Mudda laga warsugayay Madaxweynaha inuu soo magacaabo Ra’isul Wasaaraha. Madaxweynaha Somaliya ayaa dhawaan safar siyaasadeed ku tagay Magaalooyinka Baladweyne iyo Baydhabo waxuuna sheegay in uu kala soo tashanayay Ciddii uu soo magacaabi lahaa Ra’isul Wasaaraha.
Ra’isul Wasaaraha waxuu ka soo jeedaa gobalka Galgaduud, waxuuna ku dhashay Magaalada Dhuusomareeb 1958 -dii , Waxaana Abti u ah Wasiirkii Arimaha Gudaha iyo Amniga qaranka Cabdisamad Macalin Cabdi.
Ujeedada Ra’isul Wasaarahan loo soo magacaabay jagadani waa Arima Siyaasadeed oo ay soo dejiyeen Gudoomiyaha Xisbiga IRIR Ismaaciil Cumar Geelle , Sheekh Shariif Sheekh Ahmed iyo Beesha Habargidir Ceyr.
Ujeedada Ra’isul Wasaarahan loo magacaabay waa in lagula diriro Maamulka Jubaland state iyo dib u xoreynta Jubboyinka, Waa sida ay qalinka ku duugeen Xisbiga IRIR ee Ismaciil Cumar Geele Gudoomiyaha ka yahay , Sheekh Shariif iyo Beesha Hawiye.
Madaxweynaha dowlada fedaraalka Somaliya Xasan Sheekh Maxamuud ayaa isagu si aan gabasho laheyn u cadeyste Cadaawada u uqabo shacabka Jubboyinka, kadib Markii uu si cad shacabka Hiiraan ugu booriyay in ay dhistaan Maamul halka kuwa Jubboyinkana uu yiri dowlada ayaa maamul usoo magacaabeysaa.
Xisaab qaldan ayay isku dardarsadeen Kooxaha Muqdisho jooga ee shidaalka ka qaato Madaxweynaha Jabuuti.
Hadaba miyay hirgelidoontaa ajandaha ay kooxdani degsadeen, Jawaabtu waa maya, waa habeenkii xalay ahaa oo tagay . Ra’isul Wasaaraha Cusub ee la doonayo in loo isticmaalo Colaada Jubboyinka , horta waa nin muwaadin Somaliyed oo Jagadaasi qaban kara ,Laakiin waxuu ku fashilmi doonaa oo ceeb ka raaci doontaa Markuu faraha la soo galo Arimaha Jubboyinka .
Xisbiga IRIR ujeedadoodu waxaa weye in ay ka hor tagaan Maamul gobaleedyada, Dowladanu waa federaal. Halkaasi waxaa ka muuqataa in Kooxdani dastuurka iyo sharciga ay u heystaan Wax waraaqda isaga qoran oo aan lagu dhaqmin.
Isku soo wada duuboo waxaa soo ifbaxday Maqaalkii Warbaahinta waamonews.com ka qortay waxa soo socda iyo damaca Kooxda Geele uu horboodayo.
Maamulada loogu danleeyahay Siyaasadani qar iska tuurka ah in lagu dhibaateeyo waa in ay ka gaashaantaan Kooxda Ismaaciil Cumar Geele Horboodayo.
Ugu dambeyn Ra’isul Wasaaraha cusub ayaa looga fadhiyaa talaabooyinka uu qaado.
Sikastaba ha ahaatee waxaynu ka war sugnaaba waa halka lagu tumidoono durbaanka Xamar qaadatay.
Waamonews.com
http://waamonews.com/?p=21189




